Luke 17

Jesusgi paaoutaak khara

( Matthew 18.6,7,21,22; Mark 9.42 )

1 Amasung Ebungngona sebokshingda haay, khudi thipham thoktaba yaade; adubu khudi thiba thok-hanba mi aduda awaabanida!

2 Mahaakna apikpa angaangshing asigi amabu khudi thihanbadagi maagi mangaakta chakri nung thaangduna samudrada hunthabana mahaakki damak phei.

3 Nakhoy nashaana cheksillu; nachin nanaao amanaa lallabadi, mahaakpu waaraku; aduga mahaakna mapukning honglabadi, mahaakpu kokpiyyu.

4 Amasung mahaakna nongmada nangonda taretlak lallabada, nangonda taretlak hallaaktuna ei pukning hongle haayrabadi mahaakpu kokpiyyu.

5 Amasung paakhon-chatpashingna Eeshorda haay, eikhoygi thaajaba hen-gathanbiyu. 

6 Maduda Eeshorna haay, 

nakhoyda hanggaam maru macha amaamuk chaaona thaajaba leirabadi, nakhoyna mulberry upaal asida mara phuktuna samudrada houru haayrabada, maduna nakhoygi yaathang ellamgadabani. 

7 Touegumsung maagi minaailou khoiriba nattraga yaao selliba aduna loudagi kaarakpada, thuna laak-u, chaananaba phamu, haayduna maangonda haaygadaba nakhoygi narakta kanaa leibage?

8 Adugi mahutta, nangna eigi chaananaba pot thouraang tou; eina chaaba thakpa loidriba phaaoba khwaangjet laakshinduna eibu thougan tou; adugi matungda nang chathaku, haayduna maangonda haayroidra?

9 Mahaakna yaathang pikhiba adu minaai aduna touba maramna maabu thaagatpra?

10 Adugumduna nakhoyda yaathang pikhraba pumnamak adu toure haayraga, eikhoydi kannadaba minaaishingni, eikhoygi toujagadaba adu eikhoyna toujare, haayduna nakhoynasu haayyu.

Kusthi thungba mi taraabu Jesusna phahanbiba

11 Amasung asum thoklare, Ebungngona Jerusalem taanna lengbada, Samaria amasung Galileegi marakta phaorak-e.

12 Aduga Ebungngona karigumba khul amada thunglabada, kusthi thungba nupaa taraa thaapna lepladuna ebungngoga oknare.

13 Amasung makhoyna khonjen waangna haayjei, ebungngo Jesus, eikhoybu nungshibiyu. 

14 Aduba Ebungngona makhoybu urabada, makhoyda haay, nakhoyna chatkhiduna nashaa nashaabu purohit shingda utlu. Asum thoklare, makhoyna chatna chatna mashaadu shenglakle. 15 Aduga makhoygi maraktagi amanadi mahaakki anaaba phaare haayba ujabada, hallaaktuna khonjen laaona Eeshorbu thaagat-chaare;

16 Amasung mahaakna ebungngogi khuyaada uprakna tuthaajaduna ebungngobu khurumjare; aduga mahaakti Samariagi mini. 

17 Maduda Jesusna khumlak-e, taraa adubu shengdokpiba nattra? Maapal adudi kadai?

18 Atoppa jaatki mi asi nattana Eeshorbu thaagatnanaba hallakpashing phangdabra?

19 Aduga Ebungngona maangonda haay, hougattuna chatchakhro; nanggi thaajabana nangbu kanbire.

Eeshorgi leibaak laakpagi wa

( Matthew 24.23-28,37-41 )

20 Amasung pharisi shingna Eeshorgi leibaak keidoungei laakkani haayna hangbada, Ebungngona makhoyda khumlak-e, Eeshorgi leibaak una una laakte;

21 Aduga yeng-u, asida lei! nattraga, aduda lei! makhoyna haayroi; maramdi Eeshorgi leibaak adu nakhoygi manungda lei.

22 Adudagi Ebungngona sebokshingda haay, 

migi machaanupa adugi numit amaa nakhoyna ubaa yaamna pamlabasu uroidaba numit shing adu laakkani.

23 Amasung mishingna nakhoyda haaygani, yeng-u, aduda lei! nattraga, yeng-u, asida lei! Chatsu chatluganu, makhoygi tungsu elluganu.

 24 Maramdi nongthaangna atiyagi makhaada mapham amadagi kuppana atiyagi makhaada atei maphamda nganbagumna, migi machaanupa adu mahaakki numitta adugunma oigani.

25 Touegumsung mahaakna ahaanbada ayaamba awaa-anaang amasung miron asina yaadaba khaangba taay.

26 Amasung Noahgi haaktakta thokkhibagumba, migi machaanupa adugi numittasu adugumba oigani.

27 Noahna hijaao manungdachangdriba numit phaaoba,makhoyna chaaduna, thaktuna, luhongduna, luhonghanduna leirammi; aduga eeshing eechaao laaktuna makhoy pumnamakpu maanghalle. 

28 Adugumduna Lotki haaktakta thokkhi; makhoyna chaaba, thakpa, leiba, yonba, upaal thaba, amasung yum shaaba touduna leirammi;

29 Touegumsung Lotna Sodomdagi chatthokpa numitta atiyaadagi mei amasung gandhuk chuthaaduna makhoy pumnamakpu maanghalle.

30 Migi machaanupa adu phongdokpa numitta maduga maannana oigani. 

31 Numit aduda kanaagumbana yumthakta leiba aduga mahaakki potcheina emungda leiba, madu louba khumthadasanu; aduga loubukta leiba mahaak adu madugumduna hallaktasanu.

32 Lotki nupibu ningshingu. 

33 Maagi thawaay ngaaknanaba thiba kanaagumba aduna madu maanghan-gani, adubu maagi thawaay manghanjaba kanaagumba aduna madu hinghn-gani.

34 Eina nakhoyda haayri, ahing aduda phamung amada mi ani leigani; amaa adubu pukhigani, aduga atoppa adubu thaamlamgani.

35 Nupi anina chakri takminnagani; amaa adubu pukhigani. Aduga atoppa adubu thaamlamgani. 36 (Loubukta mi ani leigani; amaa adubu pukhigani, aduga atoppa adubu thaamlamgani.) 

37 Maduda makhoyna ebungngoda khumlak-e, Eeshor, kadaaydano?, 

Aduga Jesusna makhoyda haay, ashibaa masha leiba mapham aduda langjasu pullap leigani.