Leviticus 6
6 Eshor-na Mosesda hairammi. 2 "Karigumba pot ama thajanabagidamak nattraga inaba che ama nattraga huran chinthi touduna yumlonnabagi mayokta thajaba yadaba thabaksing touduna Eshor-na toupharoi haikhibasingsi tourabadi nattraga yumlonnaba nupadubu mahakna ot neirabadi, 3 Mahakna lanna nattraga khangde haiduna chenba pottu phanglabadi, hairibasingsida karigumba nupaduna aranba touraklabadi, 4 Lalle haibasi khanglaklabada huranluba potpu oirabasu, ot neidunabu oirabasu, mahakki makhutta thamkhiba thajanabagi potpu oirabasu, mangkhiba pottu mahakna phanglakpa thoklabasu, 5 Mahakna lanna sakhi piduna machinna haidokkhiba potki maramdabu oirabasu, mahakna singpham thokpa pottu mapung phana singgadabani. Saruk manga thokpagi ama henna piduna mapududa singbigadabani. Hairibasi tinkok laikokki oina thou touba numitta pigadabani. 6 Adugumba nupaduna Eshor-gi maphamda tinkok laikokki oina shanggulaktagi asoi angam leitaba Yao ama ningnashanggi mamal matung inna lepthoklaga katkadabani. Maran leiba nupadugidamak Purohitna thou nibigadabani. Masi pangthoklabadi kanagumba mina touruba marandu kokkani.
Mapum oina meida thaduna touba thou
8 Eshor-na Mosesda hairammi, 9 "Aaron amadi machanupasingda yathang ama tharo. Makhoida asumna haiyu": Meida thaduna tougadouba thougi chatnaronsingdudi makhada piribasini. Meida thaduna katkadaba thoudu phankhong mathakta leiriba meiphudugi mathakta numidangdagi ayuk phaoba pangthokkadabani. Phankhongduda thariba meidu atatpa leitana thagadabani. 10 Purohitna kabranggi phi setlaga kabrangna saba maridu pharaga phankhongda meida thaduna touriba thougi chakliba pottugi tarakpa uttu kotthokkadabani. Utsingdu louthoklaga phankhonggi nakanda peigadabani. 11 Masigi matungda mahakna hanna setlamba phidu hongdoklaga atoppa phi ama setlaga utsingdu mitinshanggi mapanda ananba mapham amada puthokkhigadabani. 12 Phankhongda thariba meidu mutpa yade. Matam leibakhibikta chakhanduna leihangadabani. Purohitna phankhongduda ayuk khudinggi sing hapkadabani. Masigi mathakta Purohitna meida thaduna katkadaba potlamdu mathang manao naina hapkadabani. Lamdai sumdaigi thoudusu mahakna masida haplaga thagadabani. 13 Matam leibakhibikta maramsina phankhongduda mei chakhanduna thamgadabani. Karigumbadasu mei muthanba yade.
Mahei maronggi thou
14 Mahei maronggi thou touba matamda tougadouba chatnaronsingdu asini: phankhong mamangda Aaron-gi machanupasingna mahei maronggi thoudu Eshor-gi khuyakhada katkadabani. 15 Nupaduna mahei maronggi thou oina katnaba purakpa pottudagi aphaba yam khujok ama, thao amadi manam nungsiba kharaga louraga ningsingnabagi masak oina Eshor-gi maphamda manam nungsina kakhatkhinaba meida thagadabani. 16 Masidagi lemhoubasingdu Aaron amadi mahakki machanupasingna chagadabani. Asengba maphamda masibu mayai kahandana thamlaga chagadabani. Sumangduda masibu makhoina chagadabani. 17 Masi mayai kahallaga houba yaroi. Meida thaduna touba thougi potlamdagi Eigi saruktagi Makhoigidamak Eina saruk khaibirabani. Aayon-aran-gi nattraga tinkok laikokki touba thougumna masisu thoidokna asengba pot amani. 18 Eshor-gi maphamda meida thaduna thou oina katlaba pottu nakhoigi lakkadouba miron khuidingmakta Aaron-gi imungda pokpa nupa oirabadi chaba yai. Hairiba thousigi potsingdu soklurabadi sokluriba nupadu asengbani haina lougani."
19 Eshor-na Mosesda hairammi, 20 "Aaronbu thao noiba numitta Aaron amadi machanupasingna Eshor-gi maphamda katkadouba potsingdu asini: mahei maronggi thou oina aphaba yam ephah amagi saruk tara thokpagi ama atatpa leitana katkadabani. Tangkhai amana ayukta aduga atoppa tangkhai amana numidangwairamda katkadabani. 21 Khang amada thao haplaga masibu hougadabani. Mahei maronggi thou katpagumna masi phajana neiraga katkadabani. Masibu Eshor-gi maphamda manam nungsiba kakhatkhinaba thou ama oina katkadabani 22 Matam leibakhibikta pangthoknaba haiduna yathang pikhibagi matung inna mahut sinba yanaba thao noirabaduda pusillakliba pottu meida loina thagadabani. 23 Purohitki oina mahei maronggi thou katthokpa tarabadi, potsingdu amatta chitthaba leitana meida thadokkadabani. Masi chaba yaroi.
Ayon aran koknaba thou
24 Eshor-na Mosesda hairammi, 25 "Aaron amadi machanupasingda haiyu. Aayon aran thoukhibagi thou tounabagi chatnabidi asini: meida thaduna touba thougi sha hatnapungduda ayon-aran-gi thougi shadu Mapu Ibungogi mangda hatkadabani. Maramdi masisu thoidokna asengba thou amani. 26 Ayon-aran-gidamak thou touriba purohittuna masibu chaba yai. Mitinshanggi sumangda masi chagadabani. Chagadouriba maphamdu thoidokna asengba mapham ama oigadabani. 27 Kanagumba mina shadongsibu soklurabadi, mahak sengle haina lougani. Masidagi tarakpa eeduna karigumba phi amada chongkhrabadi, phidu asengba mapham amada sudokkadabani. 28 Thousida katpa sha thongnariba leibakki chaphudu thugaigadabani. Korphu amada thonglabadi phajana phengdokkani. 29 Purohitsinggi manungda nupa oibasingna masibu chaba yai. Maramdi masi thoidokna asengba sarukni. 30 Mitinshanggi asengba maphamda ayon-aran-gi thouda katpa potki eedu youraklabadi kananasu masida katpa pottu chaba yaroi. Masi meida loina thadokkadabani.