Amos 2
Moab
2 Eesor-na asumnasu taakpiri: "Moabna masing laakngamdraba ayal aran toukhibagi maramna eina mahaakki mathakta pigadaba awaaphamdu pidaba touraroi, maramdi mahaakna Edomgi ningthougi saru phaaoba sunu tabamakhei mei thaakhre.
2 maramsina eina Moabki mathakta khambi meijao amaa thaagani. adugaa masina Keriothki ningthou konungbu tumna maanghan-gani. houjikti Moab haayba lamsi awaa-anaana thallaba mikap miraokholtana pungjao thinbagi matougumlaba phibhamgi marakta singani.
3 Eesor-na asumnasu taakpiri: "makhoygi marakta leiriba laaibak ngaakpa amasung makhoygi ningthou-machaa-singbu eina Moabka loynanaa haatkani. "
Judah
4 Eesor-na asumna taakpiri: "Judahna masing laakngamdraba ayon araan toukhibagi maramna eina mahaakki mathakta pigadaba awaaphamdu amuk pidaba touraroi. maramdi makhoyna Eesor-gi lengphadraba sanaa-yaathang hiktokle. makhoyna ebungngo-gi lengdraba yaathang ngaakna chatre, adugaa makhoygi mapaa mapuna chatlamba laambel matung ennaa chatpa maramna amadi makhoygi minambana makhoybu lammuknahalle.
5 maramsina eina Judah-gi mathakta khambi meijao amaa thaagani. adugaa masina Jerusalemgi konungbu tumna maanghan-gani. "
Epuroigi waayel Israelgi mathakta
6 Eesor-na asumnasu taakpiri " Israelna masing laakngamdraba ayon araan toukhibagi maramna eina maagi mathakta pigadaba awaaphamdu amuk pidaba touraroi. maramdi makhoyna achumba touba misingbu sen paamba maramna yonthok-e, adugaa awaa-anaasingbu khongup mapu amag sinnathok-e.
7 makhoyna leita lairasingbu khuyaagi uphulgumna lawaai koirelthakta Netpi, adugaa awaa-anaang khaanglaba misinggi laambelbu thingjinbi. eigi sengthoiraba minglenbu kali teinnabagidam nupaa mapaa machaa mannaduna oktabi nupi amattada chang-e.
8 makhoyna eratpung khudinggi nakanda thaariba, waasak loubagi areppa khangna-naba pikhiba phijetki mathakta hipchei, adugaa makhoyna ayon-araangi mamal oinaa loukhraba angur mahibu Eesor-gi yumda thak-e.
9 "Yeng-u, eina waangchaaobada deodar paambigumlaba, kalheibada uyung paambigumlaba Amori haayna kouba misingdu makhoygi mamaangda lepnamak manghanbikhre. Eina mahaakpu maru phangna phuktokle adugaa mahaakki maheibu tumna manghankhre.
10 adugisu mathakta eina nakhoybu Egypt haayna kouba leibaaktagi kouthoktuna Amori singgi lambu nakhoygi oinanaba chahi niphu chupnaa lamhaangda lamjingbi.
11 Eesor-na taakpiri "Eina nakhoygi nachaasinggi maraktagi kharabuna eigi waa taakthokpa oinaa thok-hanba nattra? adugaa nakhoygi narakna nahaa oiriba kharabuna sari namung khngba mising oinaa khandorakpa nattra? asengbamak asumna oikhiba nattrane, he Israelgi Misa?"
12 Toigumbasung nakhoyna eigi sari namung khngbasingbu sanei yuneihalle. eigi waa taakthokpa misingda "nakhoy amuk haanna mapugi yaathang phongdokkanu" haayna akanba yaathang toujari.
13 Yeng-u, mapot lumlaba garigi kangkhong puthakhibagumna eina nakhoybu nakhoy nakhoygi naranyaaida namthagani.
14 Nungsitki mamaang thaana yaangna chendunasu chelliba mahaak adu lepnamak maanggani, akan aheiba mahaaksu mapaanggal leiraroi, thouna leiba mahaaksu punsi kanjaba ngamlaroi. 15 Lirung ten paayba kanaanasu eigi mayok yajaba ngamloi. Nungsitki mamaang thaana chelliba kanaanasu masaana masaabukanjaba ngamloi. adudagisu hendokna sagol tongduna chellaba phaaobada kanaanasu masaagi punsidu-kanjaba ngamroi.
16 Akan athousinggi marakta thamoi chetpa, samai leidaba mi phaaoba eigi numit laaklabada maroi maran takna chenkhigani. Masimak Eesor-na taakpiri.