1 Samuel 22
Purohit haatkhiba
1 Davidna Gath kouba saahardu thaadoktuna Adullam kouba lamdugi manaakta leiba shurung amada lotkhi. Mahaakki mayaambaashing amadi emunggi mishingna mahaak maphamduda lottuna leire taabada makhoysu laaktuna leiminnakhi.
2 Mishingna ot-neibiraba nattraga sendon shingdokpa ngamdabashing, nattraga ningba kairabashingna mahaakka loynanaa leikhi. Davidna makhoygi makok oikhi. Mahaakka loynanaa mi 400 leikhi.
3 Maphamdudagi David Moabki Mizpahda chatkhi. Mahaakna Moabki ningthouda haayrammi, " Eeshorna eigi eraibakta kari tamlak-e haaybadu khangdriba phaaoba epa amadi ema anisi ebungngogi manaakta thambiyu. Waaphamsi nanaaina nollukna hanggatcharibani."
4 Moab ningthougi manaakta mahaakna makhoybu thaamlamlaga ayaamba matamda laanbanda leikhi.
5 Matamsida maaichou Gadna Davidki manaakta laaklaga haayrammi, "laanbanda matam leibada leithokpa chumde. madugi mahutta Judahgi laanmishingda khara toyna chatpa phei." maramsina Davidna maphamdu thaadoklaga Hereth kouba umangda chatkhi.
6 Nongmagi numitta Saulna Gibeahda houriba mangge paambidugi makhongda makhutta ta amaa pairaga phamduna leiringei matamda mahaakka loynariba mishingna mahaakpu koishinduna leirammi.
7 Mahaakki akoybada leiriba manaaishingduda haayrammi, "Benjamingi mishing eina haayribasi taao, Davidna nakhoyda lou unanaba loubuk aduga angurgi engkhon pibigani ningbra? Mahaakna nakhoybu mahaakki laanmi lingkhattuna phamnaaiba oihanbigani khanbra?
8 Asigumba maramsi leina leina nakhoyna eigi mayokta leipham thokpraa? eigi echaa-nupaga Davidka jutti touba matamda kanaanasu eingonda taakthokte. Nakhoyna eigidamak karisu khan-de. Ngasi oiriba asigumna eigi mayokta lanhounaba eigi echanupaana enshinba matamda nakhoy kanaanasu eingonda haaydokkhide."
9 Saulgi phamnaaibashingga loynanaa Doegta leptuna leirammi amasung mahaakna haayrammi, "Davidna Nobta leiriba Ahitubki machaanupa purohit Ahimelekkida laakpa matamda eina urammi.
10 Ahimelekna Eeshorgi maphamdagi Davidna kari kari toujagade haaybadu hangbirammi aduga chaanaba potnachingbasu pikhi. Davidta Philistigi Goliathki thangdusu pikhi."
11 Ahitubki machaanupa purohit Ahimelekpu ningthouna mi thaaduna koukhathankhi. Mahaakki shaageigi mishing amadi Nobta leiba purohit pumnamak ningthougi manaakta koukhatkhi.
12 Saulna Ahimelekta haayrammi taro, Ahimelek,
Ahimelekna khumkhi, "yaathangdu taakpiyu."
13 Saulna maangonda hanglammi, “nahaakka Davidka mannaduna eigi mayokta lalong sillibasi karigino? Nahaakna maangonda karigi tal piribano? Eeshorgi laaibao nahaakna maangonda taahankhiba nattra? Mahaakna ngasi lanho-unaba hotnaribasi nahaakka manaduna touba nattra?
14 Ahimelekna ningthou Saulda haayrammi, "ebungngogi phamnaaibashinggi manungda Davidkumna mapuk shengba kanaa yaaobage? mahaakti eningthougi emaksu oiriba aduga ebungngogi ngakselliba mayaamsigi makoksu oiriba asumna ekaai-khumnaba yaaba kanaa yaaoribage?
15 Eeshorgi laaibao hanglabadu ngasikhaktagi waa natte. Adubu eningthouda nanaaina punemjari madudi nanaai oiriba eihaak amadi eigi shaagei-naateigi mishingbu awaaba dandi pibiganu. Maramdi Ebungngona nanaaida taakpikhibashingdu nanaaidi karisu khangjaba natte."
16 Ningthouna maangonda haayrammi, “nahaak sipham thok-e. Ahimelek, nahaakka loynanaa nahaakki shaageigi mishingsu sipham thokpani.
17 Ningthou manaakta leiriba phamnaaibashingduna haayrammi, "Eeshorgi purohitni haayduna leiribashingsi phaaduna haatlu. Maramdi makhoysu Davidki mi loina oire. Mahaak michenni haayba khanglaba phaaobada makhoyna eingonda mahaakki maramda taakthokte." adubu phamnaaibashingduna Eeshorgi purohit shinggi mathakta makhut thaao haayba yaakhide.
18 Saulna purohitshinggi leibaak oiriba Nobta leiriba miyaamdubu haatna-naba yaathang tourammi. Nupaa, nupi, angaang ahan, shaa-san, yaao haameng loina amatta chitthaba leitana haatkhi.
20 Adubu Abiathar, kouba Ahimelekki machaanupa amakhakti naanthoktuna chenkhi. Mahaak Davidki manaakta chensinkhi.
21 Mahaakna Davidki maphamda Saulna Eeshorgi purohit shingbu haatkhi haaybasi tamkhi.
22 Davidna Abiatharda haayrammi, "eina Doeg haayba nupaadu purohitkida ubaa numitumakta mahaakna Saulda shoydana haaydokkani, haaybasi chingnarambani. Nahaakki shaagei tumna maangkhibasigi daidu eina pugadouribani.
23 Eigaa loynanaa maphamsida leiro aduga napukningda karisu chingnaba pokkanu. Saulna haatninglibasi nahaakka eigabuni adubu nahaakna eigaa leirabadi karisu chingnaningai leite."