Isaiah 27

1 Adugumba numittuda Eeshor mahaakki kallaba, chaaoraba thaangshaangdu paayduna Leviathan kouba koyna chatliba lindubu dandi pigani. Koyna chatliba Leviathan amadi Samudrada leiriba hingchabadu mahaakna hatkani.

2 Adugumba numittuda: "yengbada angakpa phanglaba angur engkhon amagi maramda haraao eshei shak-u,

3 Eeshor oiriba eihaakna madugi mapuni. Mikup khudinggi maasibu eina eeshing chaibi, kanaagumba mina maasibu neikhaaiba yaai haayna khanduna, ahing nungthin animakta sangli eina mahaakpu, ashaaoba leite masigi mathakta.

4 Leiramlabadi tingkhang amadi napinachingba shengdoknaba, kokthoklamgadabani makhoybu eina matam kayagi mamaangda, thaadoklamgani eina makhoybu khambi meida,

5 Karigumba makhoyna eigi erum thupna leigadaba oirabadi, mahoi eigaa engthana leisanu leisanu makhoy eigaa engthana,"

6 Laakkadaba numit shingduda Jacobna maru oigani, Israelna oigani shaatkairaba lei, paan-gani mahei oinaa aduga than-gani maalemsi masigi maheidana.

7 Mahaakpu thina toubikhibashingdubu neikhibagumna mahaakna maasibu waarakkhrabara? Makhoybu haatkhibashingdubu haatpagi matougumna mahaakna maasibu hatlabra?

8 Pibikhre nahaakna maasibu thabiduna loi kaanglup kaanglup naina, Nongpoklomdagi laakpa nungshitki matougumna, humdokpikhi mahaakna makhoybu.

9 Maramsina masina Jacobki araanba toukhibagi marandu kokpigani. Masina mahaakna toukhiba paapshingdu kokthokpikhibagi apunba mahei oigani. shaaba matamda mahaakna nunggi phaankhong, kaaygani machet machet nungougi matougumna, Asherah nattraga dhup thaana-naba phaankhong amaa phaaoba leihouroi.

10 Chekpan khajillaba saahardu michik miraokhon tararoi, lamhaangda chikpangumna maasida leiba mishingdu maru koklagani, maphamduda sannaao machaashingna shajik chaagani, Maphamduda mahaakna thuptuna leigani aduga masigi mashashingdu chaathokkani.

11 Masigi mashashingdu kanglaba matamda taagani tektuna, nupishingna laaktuna khungani makhoybu shingja oinanaba, maramdi oire makhoy loushing leitba mishing, makhoybu shembikhiba mapuduna makhoygi mathakta thoujaan utlaroi, makhoybu shaabikhiba mapuduna makhoygi mathakta nungshiba utlaroi.

12 Adugumba numittuda Euphrate turendagi Egyptki eephuttu youba phaaobada leiriba mahei marongshingdu Eeshorna loina yeigani. He Israelgi mishing, nakhoy matamduda amam-mam oinaa punshinbigani.

13 Adugumba numittuda makhon houba pere amaa khongani. Assyriagi lamda leiduna toupham khangdarabshing aduga Egyptki leibaakta leiribashingduna madugi makhon taabada chellaaktuna Eeshorbu Jerusalemda leiriba ashengba loibi chingthakta khurum-gani.