Genesis 35
Eesor-na Jacobpu Bethelda bor piba
35 Eesor-na Jacobta haayrammi, "hougatlo, Bethelda chatlo adugaa maphamduda leiyu. Nahaakna nayaamba Esaudagi chenba matamda uhanbikhiba Eesor-dugi oinaa phaankhong amaa sajou." 2 maramsina Jacobna mahaakki emung-manung amadi mahaakka loynanaa laakliba misingda haayrammi, "nakhoygi narakta leiriba laimangsingdu thaadokpa taay. nakhoy nasa sengdokchou adugaa naphi naronnachingba hongdok-u. 3 Masigi matungda eina awaaba taaraba matamda adugaa eina chatpa mapham khudingda loynanaa lengbiriba adugumba Eesor-gi maphamda phaankhong amaa sarunaba chatsi." 4 maramsina makhoyna Jacobta Laimangsingdu sinnarammi. makhoyna manaada chillamba nainnachingbasingdusu Jacobta pirammi. Sechemgi uyung paambidugi makhaada Jacobna haayriba-singsi lotlammi.
5 makhoyna khongsanlakpa matamda akoybada leiriba saharsingduda Eesor-dagi akibaa amaa thok-hankhi. masina maram oiraduna Jacobki machaasingbu makhoyna tannakhide. 6 Jacobna Canaanda leiba Luz (Bethel) kouba maphamduda mahaakka loynanaa chatliba misingdu puduna laakkhi. 7 Maphamduda mahaakna phaankhong amaa saarammi, amasung maphamdu mahaakna Eesor Bethel thonkhi. maramdi mahaakna mayaambada gi chenkhiba matamda Eesor-na maphamsimaktada maangonda sak khanghanbikhi. 8 Rebekahgi manaai nupi Deborah maphamduda nonggaakhi. Betheldagi maakha khara chattharaga mahaakpu phumkhi. maramsina maphamdugi maming Allon Bakuth koukhi.
9 Paddanaramdagi khongsanlakpa matamda Eesor-na Jacobta uhanbirammi adugaa borsu pibirammi. 10 Eesor-na maangonda haayrammi, "nahaakki naming Jacob kouri adubu nahaakki naming Jacob haayna kounararoi. Masigi mahutta Israel kounaragadabani." asumna matamsidagi houraduna mahaakki maming Israel kounakhi. 11 Eesor-na maakha taana maangonda haaykhi. "Eihak paanggallaba Eesor-duni. Mahei yaanjou adugaa masing laakngamdana mising hen-gatcharo. jaat amaa adugaa jaat amatta nattana jaat kayaamarum nahaakki napandagi thokkani. 12 Abraham amadi esaacta Eina pikhiba lamdu nangonda pibigani. adugaa haayriba lamdu nahaakki tungda laakkadouba chaaron-surondudasu pibigani." 13 maasi haairamlaga Eesor-na maangonda waari saaramba maphamduda hanjinkhi. 14 Jacobna Eesor-na waari saaramba maphamdudamaktada nunggi urong amaa yungkhi. Mahaakna adugi mathakta thaaknaba mahi amadi thaonachingba heikhi. 15 asumna Eesor-na waa ngangbikhiba maphamdubu Jacobna Bethel haayna thonkhi.
Rachel Nonggaba
16 Masigi matungda makhoyna Bethel thaadoktuna chatlammi. makhoyna Ephrathda thunggadouba khara waatlingeida Rachel naaoyekki cheinakhon hainingai leitaana phaaorammi. 17 Yaamna waana naaoyek khanglingeida maayoknabiduna maangonda haayrammi, "kiganu, nahaak nachaa-nupaa pokkadouri." 18 Mahaakna Mathawaai thaaramdaida (mahaak maphamduda nonggaakhi.) angaangdugi maming Benoni koukhi adubu mapaana angaangdubu Benjamin koukhi. 19 asumna Rachel nonggaakhi amasung mahaakpu Ephrath youdringeida laambelda (Bethlehem) phumbikhi. 20 Jacobna mahaakki mongphamgi mathakta urong amaa yungkhi. maadu ngasi phaaoba Rachel mongphamgi urong haayduna leiri. 21 Israelna asum maakha chatthaarakpana Edergi awaangba yumdugi khara hendoklaga khaangpok saakhi.
Jacobki machaa-nupaasing
(1 miron 2:1-2)
22 Israelna haayriba maphamsida leiringeida Rubenna mahaakki mapaagi nupi atonbi Bilhahga phidinnakhre haaybasi Israelna taarammi.
Matamduda Jacobki machaa-nupaa taraanithoi surammi. 23 Leahna pokkhibasing: Ruben, (Jacobna pokpaa ahaanba) Simeon, Levi, Judah, Issachar, Zebulun. 24 Rachelna pokkhibasing: Joseph, amadi Benjamin, 25 Rachelgi minaai nupi Bilhahna pokkhibasing: Dan amadi Naphtali, 26 Leahgi minaai nupi Zilpahna pokkhibasing: Gad amadi Asherni. Mathakta pikhribasingsi Jacobna Paddanaramda leiringeida pokkhiba machaa-nupaasingni.
Isaac nonggaba
27 Abraham amadi esaacna saaidaangduna leikhiba mapham Mamre nattraga Kiriatharba (Hebronsu kounaba) kouba maphamduda mapaa esaacki manaakta laaklammi. 28 Matamduda esaacki masaagi chahi 180 surammi. 29 esaac nonggarammi amasung mapu mapugi marakta tinakhi. Matamduda mahaak chahi yaamlammi. mahaakki machaa-nupaa Esau amadi Jacobna mahaakpu potloikhibikhi.