Psalm 9
Ebungngona achumba toubagidamak thaagatpa
1 He Eeshor, thawaay yaaona ebungngobu thaagat-chaagani. Ebungngona toukhiba angakpa thabakshingdu nanaaina phongdokchaagani.
2 Ebungngobu yengduna nanaaina haraaona eshei shakchaagani, paanggallaba Eeshor, nanaaina thaagat eshei shakchaagani.
3 Ebungngona nanaaida onsinbirakpa matamda yeknabashing maaythikhi, makhoy maaythibada nattana shiba phao shikhi.
4 Ebungngodi cheirak piba matamda shengna pibibani, Ebungngona nanaaibu thoujaanga loynanaa waayenbi.
5 Laimang ningbashingbu Ebungngona namthabi, phattabashingdu tumna manghanbikhre, makhoydu matamgi echelda lupkhiduna kanaasu ningshingloi.
6 Eikhoigi yeknabashingdu loisinbikhre Ebungngona ngamnamak, manghanbikhre Ebungngona makhoygi saaharshingdu, maramsina makhoybu kaonakhre miyaamna.
7 Adubu Eeshordu matam leibada ningthou oiri, waayennabagidamak Ebungngona phambaal amaa shembire,
8 Ebungngona taaibangsida achumbana cheiring oiduna waayenbi, Jaatshinggi mathakta waayenba matamda achumbana liching oi.
9 Ot-neiribashingdugi changjaphamdi Eeshorna oibi. Awaaba matamda ebungngoda thuppham oi.
10 He Eeshor, ebungngobu khangbashingduna ebungngoda thaajagani, ebungngoda changjarakpashingdu Khonggaonabide.
11 Zionda waayenliba Eeshordubu thaagatsi, Ebungngona toukhibashingdu Jaatshingda phongdok-u.
12 Awaabada taarabashingdu Eeshorna ningshingi, makhoyna koujaribadu Ebungngona kaoba leite. Makhoygi mathakta araanba toubashingdu cheirak pibi.
13 He Eeshor, nanaaibu thoujaanbiyu, eigi yeknabashingna thokhalliba awaabashingsi khangjinbiyu, he Eeshor, nanaaibu kanbiyu ashibagi khayattagi.
14 Adu oirabadi nanaaina Jerusalemgi mi mamaangda leppa ngamgani, nanaaina ebungngobu thaagatcharibasigi maramda makhoyda phongdokpa ngamgani. Ebungngona nanaaibu kanbiba maramna nanaai haraao tayaamjari.
15 Laimang ningbashingdu mashaana toujaba komda takhre, makhoyna thakchaba langda makhoy ngamnamak thukhre.
16 Achumba waayel touduna Eeshorna mashaamakpu phoungdok-e, phattabashingdu masha mashaana toujaba thabakshingduna khudong thiba oi.
17 Phattabashinggidi ashibagi khayatta tabana aroibani, Eeshorbu Khonggaonabashinggisu masimakni.
18 Pambei leijadabashingdu keidoungeidasu kaoroi, laairabashingna toujariba asadu lemna manghanbiroi.
19 He Eeshor, yakaibiro, ebungngobu taaibang mina Khonggaonahanbasi touhanbiganu, maramsina Ebungngona makhoygi mathakta waayenba leppiganu.
20 He Eeshor kihanbiyu, makhoydi ashibaa naaiba machaashingni haaybasi Ebungngona khanghanbiyu.