Exodus 16

Eeshorna Israel machaashingda manaa piba

1 Matam khara leiraga Elim tungoinaramle. Israelgi mishingna Elim amadi Sinaigi marakta leiba Sin kouba lamhaangduda Egypt thaadoktuna laakpa anishuba thaagi taraamarini shubaa numitta thunglammi.

2 Israelgi mishingna lamhaangda chatpa matamda Moses amadi aron-gi mayokta murum murum sonnakhi.

3 Mishingna makhoyda haayrammi, "shaa-ngaa amadi chaak puk thanna chaaringeida Egypt leibaakta Eeshorgi khutta thawaay thaarambana henna pharamgani. Nakhoyna miyaamsibu chaaba phangdana yaamna waana shinnaba purakpada taare."

4 Matamduda Eeshorna Mosesda haayrammi, "yeng-u, nongmadondagi nakhoygi damak Eina talgi nong chuhan-gani. Mishingsina makhoyna nongmada chaananaba chinjaak asuk chang-e, haaybadu peisilhougadabani. maasida makhoyna eigi puyadu kaina nattraga kaidana chatkani haaybadu chaang tougadouribani.

5 Tarukni shubaa numitta makhoyna purakpashingdu shem shaaringeida nungtigi changdudagi sharuk ani hen-gani.

6 Asumna Moses amadi aronna Israelgi mishingda haayrammi, "numidaang-waairamda Egypttagi nakhoybu Eeshorna pubirakpani haaybasi shoydana khanggani.

7 Ayuk oirakpa matamda Eeshorgi matik mayaaidu shoydana ubaa phanggani. Maramdi nakhoyna Eeshorgi mathakta murum murum sonbadu taare."

8 Mosesna haayrammi, "eikhoina touribasi karino? haayna nakhoyna murum murum sonnabaduna maram oiraduna Eeshorgi mathakta ninda toubadu ebungngo makna taare. Maramsina Eeshorna Numidaang-waairamda chaanaba shaa aduga ayukta chaanaba talnachingba pibiragani. Nakhoyna murum murum shollibadu eikhoygi ethakta natte adubu Eeshorgi mathaktani haaybasi khangu."

9 Matangduda Mosesna aronda haayrammi, "maphamsi taanna nakna laaklaba Israelgi mishingda haaybiyu. Makhoyna murum murum sonbadu Eeshorna taare maramsina Eeshorgi maangda changsillak-u."

10 Aronna Israelgi mishingda asumna waa ngaanglingeida makhoyna lamhaanglomda yengthoklammi, matamduda Eeshorgi matik mayaaidu leichinlakta phaora klammi.

11 Matamduda Eeshorna Mosesda haayrammi,

12 "Israelgi mishingna murum murum sonbadu eihaak taare." maramsina makhoyda haayyu: Numidaangda nakhoy shaa chaagani aduga nungthindana tal chaagani. Matamduda Eisi nakhoygi Eeshorni haayba khanggani.

13 Numidaang-waairamda cheklaaobi kouba uchektuna makhoyna leiriba sangdugi manaakta mashing yaamna paira klammi. Ayuktana liklaa taraktuna kupsinlammi.

14 Liklaa takhiba matamda lamhaangda leibaak mathakta yaamna phajaraba maron maron naaiba unna ngoubagumna ngouba pot amaa taarammi.

15 Israelgi mishingna madu ubada makhoy amanaa amada haaynarammi, "masi karino?" makhoyna haayriba pottu karino haayba khangba ngamlamde. Mosesna makhoyda haayrammi, "nakhoyna chaanaba Eeshorna pibirakpa taldu."

16 Masini Eeshorna nakhoyda pibigani haaykhibadu. nashaa nashaana chaaba ngamba chaang yengduna ngambamakhei khomjinlu. Emung amanaa kilo ani ani khomjin-gadabani."

17 Israelgi mishingna haayriba yaathangsi kaidana paangthokkhi. Kharana yaamna aduga kharana khajikta khomjinkhi.

18 Adubu makhoyna khan onba matamda yaamna purakpadusu lemlamde aduga khajikta purakpadusu waatlamde. Pumnamak maagi maagi oknaba purakkhi.

19 Purakliba potsi ayuk phaaoba lemhanbadi yaaroi haayna Mosesna haayrammi.

20 Adubu Mosesna haayba waadu kharana ellamde. Maramsina makhoyna ayuk youna thamkhi. Lemliba pottuda tin-taarammi. Maramsina manam namthiba phaaorammi. madu ubada Moses yaamna shaaorammi.

21 Manaa manaa chaaba ngamba changdu yengduna ayuk khuding makhoyna haayriba potsi khomjinlammi. Numit haigatlakpa matamda haayriba potsi shoudoklammi.

22 Taruknishuba numitta makhoyna kilo 4 gi chaangda chinjaak khomjinlammi. Aduga haayriba waaphamsi makhoyna Mosesda tamlammi.

23 Mosesna makhoyda haayrak-e, Eeshorna thaarakliba yaathangsi taro. Hayengsi chinglemba Eeshorbu ningshingnaba numitni. Nakhoyna hougadaba tal amadi thonggadouba potshingdu thongdoklo. Lemhouba karigumba leiragana mathanggi ayuk youdriba phaaoba khaklo.

24 Mosesgi yaathang matung ennaa lemhoubadu ayuk phaaoba khaktuna thamlammi. Aremba chinjaaktu pumkhide. Tin taakhide.

25 Mosesna makhoyda haayrammi, "madu ngasi charo maramdi ngasisi Eeshorbu ningshingnaba numitni. Ngasidi eikhoyna chariba chinjaaksi loubukta phangloi.

26 Numit tarukni nakhoyna maasi khomjngadabani. Adubu taretni shubaa potthaaba numittadi madudi machet amaa phaaoba phangloi."

 27 Taretnishuba numitta madu louge haayduna mi kharana loubukta chatlammi adubu haayriba pottu phanglamde.

28 Eeshorna Mosesda haayrammi, "matam kayaa kuina nakhoyna eigi yaathang amadi puyadu kaidana chatloidage?"

29 Eeshorna potthaaba numit kaidana chatnanaba yaathang pinabire. Maramsina Taruknishuba numitta nini chaananaba chinjaak pinabikhi. Nakhoyna leiriba maphamdudagi taretni shubaa numitsidi lengba yaade. Taretni shubaa numitta kanaasu mapaan thokpa yaaroi.

30 Asumna mishingna taretnishuba numitta pothaaduna leirammi.

 31 Israelgi mishingna maasibu maanna kourammi. Maasi phadigom marumuk chaaorammi. Machusu ngourammi. Maasi chaabada khoihi teiduna shemba akamba talgi matougumlammi.

32 Mosesna haayrammi, " Eeshorna tourakpa yaathangdu asini: nakhoygi laakkadaba miron phaaobada mannasi thamjinlu. Nakhoybu Eina Egypttagi pubirakpa matamda nakhoyda eina kari pijakhi haaybadu khangnaba chetna thamjinlu.

33 Mosesna aronda haayrammi paattra amaa louraga mannadu pik thanna haplaga thamjinlu. Nakhoygi laakkadouba miron khudingda madu ningshingnaba mashak oinaa leihounaba Eeshorgi mamaangda thammu.

34 Mosesgi yaathang matung ennaa aronna matik mayaai khangnanaba thamliba phaankhong mamaangda mannadu thamlammi.

35 Israelgi mishingna mi taaba khun youdriba phaaoba manna chaarammi. Israelgi mishingna Cannan-gi ngamkhei youdriba phaaoba mannadu chahi 40 Chaakhi.

36 Matamdugi omer amaaga ephah taraa tohokpagi amaaga mannarammi.