1 Chronicles 10

ningthou Saul nonggaba

(1 Sam 31:1-13)

1 Philistishingna Israelgi mathakta laandara klammi. Laansida Israelgi mishingna Philistishinggi mamaangda lan kaiduna chellammi. Aduga Gilboa kouba chingda Israelgi mishingbu thatchinduna haatkhi. Saul amadi machaashing loina mamaay leiduna chenkhi.

2 Adubu haayriba laanphamsida Saulgi machaanupa ahum haatkhi. Makhoydudi: Jonathan, Abinadab amadi Malchisua.

3 Laanphamsida Saulbu phagadoubagi tansillakpa matamda ten kappashingna mahaakpu phanglammi. Tenna panduna mahaak shokkhi.

4 Khudaksida Saulna khutlai paayduna mahaakka loynanaa chatliba nupaaduda haayrammi, "nahaakna paairiba thaangduna eibu yaanduna haatlu. Nattrabadi un kaktaba mishingsina laaklaga eibu hatkhragani. " adubu mahaakka loynariba khutlai paayba nupaaduna kiduna Saulna haayribadu chatthaba ngamlamde. Maramsina mashaagi thang shattoktuna thangdugi machinda tusinduna mathawaay thaakhi.

5 Saulga loynaramba nupaaduna Saul shire haaybasi urabada matomta thangna thinduna shijakhi.

6 Asumna Saul, machaanupa ahum aduga emunggi mishingdu numitsida shikhi.

7 Jezreelgi tampaakta taariba Israelgi mishingna Saul amadi machaanupashing shire aduga Israelgi laanmishing kaiduna chelle haaybasi ubada saahardu thaadoktuna chennakhi. Maramsina Philistishingna maphamduda laaklaga khundaakhi.

8 Nonganba matamda Philistishingna ashibaa mashaada yaaoba potshingdu louge haayna laakpada Saul amadi machaanupa ahumgi ashibaa mashaadu Gilboa chingda thengnarammi.

9 Philistishingna Saulda yaaoramba potshing louraba matungda manaa pairamba khutlaishing louthoklammi. Masigi matungda makhoyna mahaakki makok ka klammi. Pumnamaksi loiraba matungda Philistishingna Makhoygi mishingda nungaaiba phongdokpa oinaa paao thaakhi. Masina makhoyna ningliba laaishingdusu haraaohankhi.

10 Saulna pairamba khutlaidu makhoygi laisangda thamkhi. Saulgi makoktu Dagongi laisanggi maangda yaanduna thamlammi.

11 Gileadta taariba Jabeski mishingna Philistishingna Saulbu haatlaga makok yaanduna thamle haaybasi taabada

12 Khwaaidagi mathouna leiba mi khara maphamduda chatlaga saul amadi machaashinggi ashibaa mashaadu Jabes taanna purakkhi. Makhoyna uyung paambi amagi makhongda ashibaa mashashingdu phumbikhi aduga numit taretni chara henduna awaaba phongdokkhi.

13 Eeshorbu khonggaonaba maramna Saul nonggaakhi. Eeshorna piba yaathangshingdu mahaakna enkhide. Mahaakna ashibaa mishinggi mathawaaydu kouduna laaibao phangnaba hotnakhi.

14 Mahaakna Eeshorgi laaibao taakhide. Maramsina Eeshorna mahaakpu sihanduga Jessegi machaanupa Davidta leibaak shinnakhi.