Numbers 35
Levisingda piba saharsing
35 Moabki Tampak Jordan mapan Jarichoda Ishor-na Mosesda hairammi, 2 "Israelgi mishinggi chakthungdagi Levisinggi saruk tamgadabani. Makhoida pigadouriba saharsingdugi akoibada sanjabung oinanaba maphamsu pigadoubani. 3 Pithoklaba saharsingdu makhoigi oigani aduga makhoi mapham-singduda leigadabani. Makhoida piraba sanjabungsingdu makhoigi sansingna sajik chapham oigadabani. Makhoina masibu atei thabakttasu sijinnaba yai. 4 Nakhoina Levisingda piriba sanjabungsingdu sahargi chekpandagi lam lishing amamam sangna pigadoubani. 5 Saharsingdugi chekpandagi lam onduna nongpok nongchup khaawangda lam lishing amamam oihangadabani. Makhoina leigadouba saharduna mayaida leihanllaga akoibada sanjabung semhangadabani. 6 Levisingda nakhoina pigadouba saharsingdu michen leiphamni haina khaidoklaba sahar taruktu oihangadabani. Taruksigi mathakta saharniphunithoi amasu pigadoubani. 7 Sanjabung yaona nakhoina Levisingda pigadouba saharsingdu punna niphunipal sugadabani. 8 Ishraelgi mishinggi saruktagi Levisingda pinnaba khaidokpa matamda achouba salaidagi khara henna yamna louthoklaga pigadoubani. Apikpa salaidagi khara hanthagani. Magi magi chakthungdu yenglaga chang ama kaklaga Levisingda pigadabani.
Michen lotpham saharsing
(Anisuba wa 19:1-13, Josh 20:1-9)
9 Ishor-na Mosesda hairammi, 10 "Israelgi mishingda asumna haiyu: Nakhoina Jordan landuna Canaanda changba matamda, 11 Nakhoigidamak michen leipham sahar khandokkadabani. Kanagumba hatke khandana hatluba mishingna leinaba mapham khandokkadabani. 12 Laman singningba kanagumba mishinggi makhuttagi makhoi nasabu kanjanaba michen lotpham sahar oina thamgadabani. Mi hatpa nupadu wayel cheirak pidriba phaoba kanagumbana hatkhidanaba saharsingsi khandoktuna thamgadabani. 13 Nakhoina pigadouriba saharsingdu michen leipham oiriba sahar taruktu yaogadoubani. 14 Jordan wangmada sahar ahum ama khaidokkadabani. 15 Hairiba saharsingsi Israelgi michen leipham oigadouribani. Lamlanbasing amadi Saidangduna leibasing hatningna hatpa nattrabadi hairiba saharsingsida chellaga lotkkadabani.
16 Mihatpaduna yotki khutlai ama paiduna thaba matamda kanagumba ama siba thoklabadi yot pairiba nupadu mihat-pani haina lougani. 17 Nupa amana makhutta nung ama paiduna phuba matamda atoppa nupa ama sirabadi hatliba nupa mihatpani haina lougani. Mihatpa nupadu sibagi dandi pigani. 18 Kanagumba amana atoppa ama chei paiduna phuba matamda siba thoklabadi hatliba nupa mihatpani haina lougani. Mihatpa nupadu sibagi dan-di pigani. 19 Tariba edudagi laman singadouriba nupaduna mihatpa nupadubu hatkani. Mihatpa nupadu hek unaba mapham amada hatpa yai. 20 Tukkachaba amaga loinana nattraga tuminna ngaiduna leiraga hatlabadi, 21 Yeknabagi laman khubmba oina makhutmakna hatlabadi, mihatpa nupadu sibagi dandi pigani. Mihatpa nupa amani haina lougani. Tariba eedudagi laman khumgadouriba nupaduna mihatpa nupadubu unaba mapham amada hekta hatpa yai.
22 Yeknaduna touba nattaba karigumbada soikhiduna toukhiba oirabadi, nattraga tuminna ngaiduna leiraga hatpa nattrabadi, 23 Nattraga mi siba yaba nung ama pairaga langkhiba matamda siraba nupadubu una una langsinkhiba nattrabadi, yeknaduna nattraga mathawai lourage haina toukhiba nattrabasu miyamna mihatpa amadi laman singningliba anidugi marakta wayelbigani. Masi chatnapathapki matu-ng ingani. 25 Eegi laman singningliba nupadugi makhuttagi miyamna mi hatluliba nupadubu kanbigadabani. Michensingna lotpham oiriba saharduda miyamna mihat-pa nupadu thabikhigadabani. Adugumba nupaduna asengba thao noiraba purohit-lenduna sidriba phaoba maphamduda leigadabani. 26 Mihatpa nupaduna lotliba sahardugi mapanda chatluba matamda 27 Eegi laman singningliba nupaduna mahakpu karigumba phangba thoklabadi, mihatpa nupadubu laman singningliba nupaduna hatpa matamda mihatpa nupa amani haina louroi. 28 Maramdi mihatpa nupaduna michen leipham saharduda purohitlen sidriba phaoba maphamduda lottuna leigadabani. Purohitlen siraba matungda mihatpa nupadu mapa mapugi saharduda lakpa yai.
29 Nakhoina leirubu mapham khudingda hairiba lengba nairaroidouba chatna pathapsi miron miron khudingda hongba leitana ingadoubani. 30 Kanaguma nupa amana atoppa nupa amabu hatlabadi sakhisingdu chang touraga hatpa senglabadi mahakpu sibagi dandi pigadabani. Adubu sakhi amattagi machindagidi kanagumba nupa amabu sibagi dandi piba yaroi. 31 Purohitlenna leiringeida kanagumba nupa amana mareipaktta mi hatluraba matungda michen leiphamdagi hallakke haiduna maram kayararum pirabasu nakhoina yaroidoubani. 32 Mihatpagi maran leirabadi sibagi dandi pigadabani. 33 Nakhoina leiriba leibaktu chumdabana achumba oihanduna manghalloidoubani. Eena leibak manghanba ngambani. Malemsida takhiba eedudagi ayon aran koknaba thou leitabani. ee tahanba nupadugi ee tahanduna ayon aran thou touba nattanadi aranbadu koknaba lambi leitabani. 34 Eina leiriba leibaksi nakhoina mangthokloidoubani. Israelgi mishinggi marakta Ishor oiriba Eihak matam leiba khibikta leiribani.