John 15
Angur mari amasung masha, taaibang-paal amasung achumbagi thawaay
1 Achumba angur mari adu eini, aduga engkhon koiba mi adu eigi epani.
2 Mahei paandaba eingonda leiba masha khuding adubu ebungngo mahaakna kakthatli, amasung mahei paanba masha khuding adubu mahei henna pannanaba ebungngo mahaakna shengdok-e.
3 Eina nakhoyda ngangkhiba waa adugi maramna houjik nakhoy sheng-e.
4 Eingonda ettattana leiyu, aduga eina nakhoyda etat-tattana leigani. Angur marida masha aduna etat-tattana leiba nattrabadi, mathantana mahei paanba ngamdaba adugumna, nakhoyna eingonda etat-tattana leiba nattrabadi, nakhoynasu mahei paanba ngamde.
5 Angur mari adu eini, mashadi nakhoyni. Eingonda etat-tattana leiba amasung eina maangonda etat-tattana leiba mahaak aduna mahei yaamna palli, maramdi ei yaaodana nakhoyna karisu touba ngamde.
6 Kanaagumba mina eingonda etat-tattana leiba nattrabadi, mahaakpu mashagumna hunsu hunjeki, kangsu kangshilli, aduga makhoyna madubu khomjillaga meinungda langsinduna thaadoki.
7 Nakhoyna eingonda etat-tattana leirabadi, aduga eigi waashing nakhoyda etattattna leirabadi, nakhoyna niningba nijou, aduga madu nakhoyda oirakkani.
8 Nakhoyna mahei yaamna panduna, asum eigi sebok oiba, asida eigi epaana matik mangaan phang-e.
9 Eibu epaana nungshiraba adugumna, einasu nakhoybu nungshire, nakhoyna eigi nungshibada etat-tattana leiyu.
10 Eina epaagi yaathang makhei ngakladuna ebungngo mahaakki nungshibada etat-tattana leiba adugumna, nakhoyna eigi yaathang makhei ngaklabadi, nakhoyna eigi nungshibada etat-tattana leigani.
11 Eigi haraaoba nakhoyda leinanaba, amasung nakhoygi haraaoba mapung phahannanaba, waaramshing asi eina nakhoyda haayre.
12 Eina nakhoybu nungshiraba adugumna nakhoynasu amaga-amaga nungshinou haayba asi eigi yaathangni.
13 Kanaagumba amanaa mahaakki marupshinggi damak mathawaay thaabiba, asidagi henna nungshiba kanagisu leite,
14 Eina nakhoyda yaathang piba piba adu nakhoyna tourabadi, nakhoy eigi marupni.
15 Amuk haanna eina nakhoybu minaai kouraroi, maramdi mabungngona touba adu minaaina khangde, adubu eina nakhoybu marup koure, maramdi eina epaadagi taaba pumnamak adu eina nakhoyda khanghalle.
16 Nakhoyna eibu khanba natte, adubu eina nakhoybu khalle, aduga nakhoyna chattuna mahei pannanaba, amasung nakhoygi mahei adu etat-tattana leinanaba, nakhoyna eigi mingda epaagi maphamda nija nijaba adu ebungngo mahaakna madu nakhoyda pibinanaba eina nakhoybu pham haaple.
17 Nakhoyna amaga-amaga nungshinanaba waaramshing asi eina nakhoyda yaathang piri.
18 Taaibang paanbana nakhoybu tukka chaarabadi, nakhoybu tukkachadringeida eibu tukkachaare haayba khangu.
19 Nakhoy taaibang paanbagi oirabadi, taaibang-paanna mashaagi oibabu nungshiramgadabani, adubu nakhoy taaibang paanbagi nataba maramna eina nakhoybu taaibang-paandagi khalle, asigi maramna taaibang paanbana nakhoybu tukkachei.
20 Minaaina mabungngodagi henna chaaoba natte haayna eina nakhoyda haaykhiba waa adu ningshing-u, makhoyna eibu ot-neirabadi, nakhoybusu otneigani, makhoyna eigi waa ngaklabadi, nakhoygisu ngakkani.
21 Touegumsung eigi minggi maramgi damak makhoyna asi pumnamak nakhoyda tougani, maramdi eibu thaarakpa ebungngo mahaakpu makhoyna khangde.
22 Eina laaktuna makhoyda nganglamdrabadi, makhoygi paap leiramloidabani, touegumsung houjikti makhoygi paap kupsinpham leite.
23 Eibu tukkachaba mahaak aduna eigi epabusu tukkachei.
24 Mi atei kanaa amatana toukhidaba thabak adu eina makhoygi marakta touramdrabadi, makhoygi paap leiramloidabani, touegumsung houjikti makhoyna eibusu epabusu usu ure, tuksu tukkachaare.
25 Touegumsung makhoyna maram leitana eibu tukkachaare haayba makhoygi waayel yaathang adugi laairikta ekhiba waa adu thungna-nabani.
26 Adubu eina epaadagi nakhoyda thaarakkadaba pang-biba adu, haaybadi epaadagi thoklakpa achumbagi thawaay aduna laakpada, ebungngo mahaakmakna eigi maramda saakhi pigani.
27 Aduga nakhoynasu saakhi pi, maramdi ahoubadagi nakhoyna eigaa loynaraklabani.