2 Kings 9
Jehubu Israelgi ningthou oinaa shengdokpa
1 Maaichou Elisana nahaa oiriba maaichou amaa kouraga haayrak-e, "naphi setlaga thaao liklisi puduna Ramothgilead taanna chatlu.
2 Maphamdu youraga Nimsigi masunupa thokpa, Jehu kouba Jehosaphatna pokpaa nupaadu thidoklo. Marup mapaangshinggi maraktagi mahaakpu tongaanna kouthoklaga aronba ka amada punshinduna
3 Chorphongithaosi mahaakki makokta heiyu amasung heiba matamduda asumna haayyu: "Eeshorna nahaakpu ngasidagi Israelgi ningthou oinaba shengdoklabani." maasi loiramlaga maphamdu thaadoktuna thuna laak-u.
4 Nahaa oiriba maaichouduna Ramo-thgilead taanna chatkhi.
5 Maphamduda mahaakna laanmigi luchingbashinggi mipham amaa thengnakhi. Makhoygi marakta changduna mahaakna haayrammi, "ebungngo, nanaaina ebungngogi damak paao amaa purarakli." Jehuna hanglammi, "nahaakna paamlibadu kanaano?" Mahaakna khumlammi, "ebungngo buni."
6 Makhoy ani ka amada changminnaraba matungda nahaa oiriba maaichouduna mahaakki makokta thaao heirammi amasung haayrammi, "Israelgi Eeshorna taakpikhi: eigi mi oiriba Israelgi ningthou oinaba haayduna nahaakpu ngasi thaao noirabani.
7 Nahaakki nabungngo oinaa leiriba Ahabki machaanupa ningthoudu haatlu. Adu oirabadi Jezebelna eigi maaichoushing amadi enaishing haatkhibadugi laman shingba shakkani.
8 Ahabki emunggi mishing amadi machaa-masushing loina shiba taay mahaakki emungda leiriba nahaa ahan khaktana loina shibagi dandi pigadabani.
9 Israelgi ningthou Jeroboam amadi Baasgi emungda taahankhiba dasadu mahaakki mathaktasu taahangani.
10 Jezebel mongphamda phumloidoubani. Jezreelgi lam-kheida mahaakki ashibaa mashaadu huina chaagani." maasi haayramlaga nahaa oiriba maaichoudu maphamdu thaadoktuna khonglei thuna chatkhi.
11 Jehuna phamnaaibashinggi manaakta hallakpa matamda makhoyna hangkhi, "thoidokpa awaa-anaagi paaodi nattedana? angaaobaduna kari haayribano?"
Jehuna haayrammi, "mahaakna paamlibadu karino haayba nakhoyna khanglibaduni."
12 Makhoyna haayrammi, "eikhoidi khangde. Mahaakna kari haayrambage eikhoyda haayyu."
Mahaakna haayrammi, "Eeshorna taakpiri: Eina nahaakpu ningthou oinaba thaao noibirabani."
13 Jehuga leiminnaramba phamnaaibashingduna khudaktumaktada siriduda phi achonbadu tingthoktuna thaarammi. Mdugi mathakta mahaakpu lephanlammi aduga makhoyna pere khongduna laaonarammi, " Jehu ningthou oire."
Israelgi ningthou Joram haatpa
14 Asum touna Nimsigi machaanupa Jehosaphatgi machaanupa Jehuna Joramgi mayokta lonna thabak touba hourakkhi. Matamsida Joram Israelgi laanmishing puduna Ramothgileadta Syriagi ningthou Hazaelgi mathakta laandaba chatlammi.
15 Adubu ningthou Joram Syriagi ningthouga laan thengnaba matamda shoktuna Jezreelda layengnaba chatkhi. Maramsina Jehuna phamnaaibashingduda haayrammi, "karigumba nakhoyna eibu ningthou oiba pamlabadi Ramoth thaadoktuna kanaa amaa phaaoba chatthokpa yaaroi maramdi kanaagumba Jezreelda leiriba mishingduda paao piba yaaroi."
16 Matungda Jehuna shagol tongduna Jezreel taanna chatkhi. Maphamduda Joram laikannaduna leirammi. Matamsida Judahgi ningthou Ahaziahsu Jorambu yengge haayduna laaklammi.
17 Awaangba Laanjabungda sariba shangduda mi yengduna leiriba laanmiduna Jehuga loynanaa laakliba laanmishingdu urammi. Maramsina mahaakna haayrammi, "mi kaanglup amaa laakle."
Masida Joramna haayrammi, "yeknabani nattraga marupni haayba khangnanaba shagol tongba nupaa amaa thakho."
18 paao chatliba nupaaduna Jehugi manaak taanna shagol thoukhiduna hanglammi, "marup oinaa nattraga yeknaba oinaa laakpani haaybadu ningthouna khangning-e."
Jehuna haayrammi, "madu nahaakki nathou natte.Eigi etung ellu. Awaangba sangda mi yengliba nupaaduna haayrammi, madudi paaopuba nupaadu maphamdi youkhraga hallaktre.
19 Atoppa paao puba nupaa amasu thaakhi aduga mahaakna chap maannana waahangdu Jehuda hangkhi. Jehuna maasida khumkhi, "madu nahaakki nathou natte. Eigi etung ellu."
20 Amuksu mi yengliba nupaaduna haaykhi paaopuba nupaadusu maphamdi youkhre adubu hallakpadi toude. Mahaakna makha taana haaykhi, "lakliba kaanglupsigi luchingbadu angaaobagumna shagol gari thouri aduga Jehusu malli. "
21 Ningthou Joramna haayrammi, “eigi dolaidu shem shaaro. Dolai shemshaaduna ningthou Joramga loynanaa nupaadusu dolai amaa thouraga Jehubu unaba thokkhi. Nabothki loubuktuda makhoy unakhi.
22 Joramna hanglammi, "Jehu, nahaakna laaklibasi lalla nattraga engthana laaklibra?"
Jehuna haayrammi, "karamna engna laakkadouribano? Nama Jezreelna houdokpa laai murtishing amadi jaduna leibaaksi thalle."
23 "Masidi lanni, Ahaziah." haayramlaga dolai mamaay leiduna chenkhi.
24 Jehuna ngamjabi thaaduna ten kappa matamda lengjum anigi marakta panduna thamoi phaaoduna chatkhi. Maramsina mahaak dolai mathakta haithakhi.
25 Jehuna mahaakka loynariba Bidkarda haayrammi, "pamkhattuna Jezreelgi Nabothki loubuktuda mahaakpu langthok-u. Eigaa nangana mapaa Ahabki nakan yet-oida thougan chatpa matamda Eeshorna mahaakki mathakta tungda thorakkadouba waashing phongdokkhibadu nahaak ningshinglibra?"
26 Eeshorna taakpikhi: "Eina ngarangta Naboth amadi machaashinggi eedu Shangshangna ukhibagu-mna eina nahaakpusu haayriba maphamsida laman shinggani." maramsina houjikti Eeshorna taakpikhiba waadu thungnnaba mahaakpu pamkhattuna loubuksida langthokU.
27 Judahgi ningthou Ahaziahna thokliba thoudoksi ubada Bethhaggan taanna chenkhi. Jehuna mahaakpu tannaraga haaykhi, "mahaakpu tenna kappu." Ephraimgi manaakta leiba Gurgi haigatlakpa aduda makhoyna mahaakpu tenna kapkhi. Adubu mahaak Megiddo taanna chenkhi. Mahaakpu mapaa Davidki saaharduda mahaakkini haayna shemkhraba mongphamduda phumbikhi.
29 Ahabki machaanupa Joramna paanba taraamaathoy shubaa chahida Ahaziahna Judahgi ningthou oikhi.
Jezebel koubi maharanidubu haatpa
30 Jehuna Jezreelda laakpa matamda Jezebelna thokliba thoudokshingsi taarammi. Mahaakna mamitta kajal thaare, masham manaa phajanaa haatlaga thongnaaoda yengthorak klammi.
31 Jehuna thonggalda changlakpa matamda mahaakna haayrammi, "hai Zimri, Mihatpa, nahaakna maphamsida changlakliba karigino? mi haatke haayribra?"
32 Jehuna yengkhatladuna laaoraklam-mi, "kana kanaa eigi tung engadouba mi leibage?" Konungda leiramba phamnaaiba ani ahumkhak thongnaaodagi yengthora klammi amasung
33 Jehuna makhoyda haayrammi, "mahaakpu makhaada thadarak-u." makhoyna Jezebelbu makhaada langtharakkhi. Maangondagi thorakpa eeduna phaklang amadi shagolshingda chongkhi. Jehuna shagol amadi dolaina mahaakki mashaadu takkhaaikhi.
34 Konungda changduna chaak chaakhi. Matamsida mahaakna haaykhi, "phattabi nupidubu puraga phumbikho yaamdrabada mahaak ninthou amagi machaanupini."
35 Mahaakpu phumge haayna chatkhiba nupaashingduna makokki sharu amadi makhong makhutki sharu nattana karisu phangkhide.
36 Makhoyna matousi Jehuda haayruba matamda mahaakna haaykhi, "masi Eeshorna maaichou Elaaijada taakpikhibadu thoklibani. Ebungngona taakpikhi madudi huina Jezebelgi mashaadu Jezreelgi lamsida chaagani.
37 Mahaakki lemhouba shaaruktu amaangbagum oigani aduga mahaakpu mashak khangba ngamloi."