Esther 8

Jewishshingda masha kanjanaba laanthengnanaba yaathang

1 Haayriba numitsida Jewishhinggi yeknaba Haman-gi maranmathum pumnamak maharani Estherda shinnakhi. Matamsimaktada Estherna haayrammi madudi mahaak Mordecaigi mari matani. Matamsidagi houna Mordecai ningthougi loysangda changba yahankhi.

2 Ningthouna makhuttu siriba chajum yaaoba khudoptu louthoklaga Mordecaida shinnarammi. (Haayriba khudopsi Hamanda sirambaduni) Estherna Mordecaida Haman-gi maraan-mathum pumnamak shinnakhi.

3 Masigi matungda Estherna ningthouda amuk waa khara haayrammi, mataangsida Estherna ningthougi makhong konduna kapladuna haayjarammi. Agagki chaaron oiriba Hamanna Jewishshinggi mathakta maangnanaba sillamliba thousindugi maramda mahaakna ningthougi maphamda kokpinaba haayjarammi.

4 Ningthouna sanaana shaaba cheidu paaykhatlammi. Maramsina Esther ningthougi maangda leplaga haayrak-e,

5 “Eningthou nanaaibu chanbiba amadi nungshibirabadi, aduga ebungngogi mityengda nanaaina hanggatchagadouribasi achumbani haayna yaabira badi, Agagki chaaron Hammedathagi machaanupa Hamanna Jewishshingbu maangnanaba touramba yaathangdu kakthatpiyu.

6 Karigumba thoudoksi thoklabadi nanaai karamna khaangba ngamgadouribano? nanaaigi mari matashing haatkhiba matamda nanaai karamna yengduna leigani?"

7 Ningthou Xerxesna maharani Esther amadi Jewish Mordecaida haayrammi, "yeng-u, Jewishshinggi mathakta lalong tourambagi eina Hamanbu thouri yaanduna hatkhre. Mahaakki marandu Estherda pibirabani.

8 Adubu ningthougi mingda thokkhiba aduga adugumba yaathangduda ningthougi khudopna chajum namkhrabadi, amuk thugaayba yaade. Nakhoyna pamlabadi Jewish khudingda eigi mingda amadi chajum namduna eningba marondu ijou."

9 Maasi ahumshuba thaagi Sivangi kunhumdoini shubaa numittani. Mordecaina ningthougi laairik ebashingbu kouraduna Jewishhingda pikhiba chithi ehankhi. Masidasu nattana endiadagi Sudan phaaobada leiriba leibaak 127 ki leengakpashingdasu marondu khanghankhi. Chithishingdu lam lamdugi lon amadi mayekta eduna khanghankhi aduga Jewishshinggina makhoygi maron amadi mayekta ekhi.

10 Mordecaina haayriba chithishingsi ningthougi mingda ehankhibani aduga konunggi chajumnachingba namkhi. Konunggi shagolsangdagi ayaangba shagol toungdunna haayriba chithishingsi matam chaana youhankhi.

11 Haayriba chithishingsida eribadi asini madudi lam lamda leiriba Jewishhingna punna masha ngaakthoknaba shemshaaba yagani karigumba lam lamda leiriba Jaatshingna khutlai paayduna makhoygi mathakta laandarakpa matamda makhoysu laanthengnaba yaai. Aduga Jewishshingna makhoygi matumacha amadi emunggi mishing amatta thamlamdaduna haatpa yaai. Haatlaba matungda makhoygi maranshingdu louba yaai haaybasisu yaaorammi.

12 Haayriba yaathangsi taraanithoishuba Adar kouba thaagi tarahumdoini panbada chatnagani 

13 Haayribasi chatnapathapni haayna lougani aduga lamshingda leiriba mishingdasu khanghan-gadabani. Akhannaba numittu laaklaba matamda Jewishshingna makhoygi yeknabashinggi mathakta masha ngaktho-knaba laan shoknaba yagani.

14 Ningthougi yaathang matung ennaa shagol tongbashingna yaangna thouduna paao khanghankhi. Haayribasimak konung Susadasu phongkhi.

15 Mordecaina konung thaadokpa matamda setkhiba phidi khamenchatpa sangbanaba, angouba amadi mugana shaaba phurit achonbani. Phajaraba sanaagi luhup amasu upikhi. Matamsida Susagi laambelda miyaamna nil khongladuna haraaoba phongdokkhi.

16 Jewishshingna thoudoksida maay paakkhi. Aduga makhoygi pukningda nungaaiba amadi haraaoba pokkhi.

17 Ningthougi yaathang youkhiba lam lam khudingda Jewishshingna chaakkhangduna haraao tayaamna leikhi thoudoksigi matungda mi kayaamarum kibadagi Jewish onkhi.