Isaiah 43

Mapuna manaaishingbu lanbiba

1 Masini Eeshorna haayriba waashingdu, mapuduna shembikhi nakhoybu he Jacob, saabikhi he Israel, "kiganu maramdi nakhoybu eina kanbikhrabani, nakhoybu naming panduna kourabani, maramsina nakhoy eigi oire.

2 Nakhoyna aruba eeshing laanduna chatpa matamda, loynari Eina nakhoybu, nakhoy turenda kumduna chatpa matamdasu makhoyna nakhoybu chenthaba ngamloi, meirak phaaoduna chatlabasu maduna nakhoybu waaiba ngamloi, meiri marakta chattunasu maduna nakhoybu chakpa ngamloi.

3 Eini nakhoygi Eeshor, nakhoygi laanbiba mapu Israelgi shengthoiraba ebungngoduni, nakhoyda eina Egyptpu loipot oinaa pikhi, Ethiopia amadi Sebabu leiraga nakhoyda eina pikhi.

4 Mityengda eigi mamal yaamlammi, nakhoy, ekaai-khumnabiri eina nakhoybu nungshibikhi nakhoybu eina, eina nakhoyda Edo mishingbu taahankhi, miunshingsu nakhoygi nakhutta taahankhi.

5 Kiganu maramdi eihaak nakhoyga loynari, Nongpoklomda nakhoygi nachaa nasu leikhibashingdu eina khomjinbigani, nongchup haramda leiribashingdusu eina shoydana khomjinbigani, awaang haramda haaygani eina "makhoybu thaadok-u"

6 Kha haramdasu eina haaygani, "makhoybu thinthaba toudana thaadok-u, lamdam thaapna leiriba eigi echaa-nupaashingdu purak-u,

7 Eigi minglen sonjariba mi pumnamak purakkadabani, eina shembikhiba amadi shaabikhiba pumnamak eigi etik eyaai thaagatnaba haayduna shemkhraba pumnamak purakkadabani,

Israeldi ebungngogi saakhini.

8 Mishingdu thokhallakkadabani, thaadokkadabani mishingdu mamit tanglaba manadi paanba adubu tabadi phangdaba

9 Jat khudingmak amadi taaibangsida leiriba mi pumnamak punna tinsanu, makhoygi marakta kanaana masigi paaoukhum piba ngambage yengsi, mamaangda thokkhiba thoudokshingdu kanaana haayba ngambage? thokkhiba thoudokshingdu mayek shengna haaynanaba makhoyna utpa ngamba khudamshingdu amatta chitthadana utsanu makhoyna thokkhiba thoudokshingdugi maramda taaraga haayjasanu 'Masi achumbani.'

10 "Nakhoy eigi saakhini" taakpiri Eeshorna, eina khandokkhiba enaishingni, nakhoyna eibu eshak munna khaangduna eingonda thajanaba, khangnanaba nakhoyna eihaak Eeshorni eigi emangda laai amaa phaaoba thokkhidri, eigi etungda laai amaa leiraroi,

11 “ Eini Eeshordu”, eihaak nattana kanbinaba atei kana amaata leite,

12 Nakhoygi narakta laimang leitringeida kanbirammi, phongdokpirammi eina nakhoygi narakta, Eeshorna taakpiri nakhoy eigi saakhini.

13 Eidi ngashigisu, matam pumnamakkisu Eeshor oiduna adum leiri. Eigi ekhuttagi naanthokkadaba kanaasu leite, Eina karigumba khara touba matamda, kanana Eina toukhibadu honghanba ngaambage?

Babylondagi naanthokpa

14 Eeshorna asumna taakpiri, "takpiri nakhoygi laanbiba mapu Israelgi Eeshorduna: nakhoygi nashunglaangdagi eina Babylondan thaakhibani, thugaaykhi maduda leiramba pouron pumnamak, Chaldeanshinggi laao khongbadu oihankhi eina tengtha naoiba,

15 Eini Eeshordu, shengthoiraba mapu, nakhoygi ningthou Israelgi leishemba mapudu Eini.

16 Samudrada lambi shembikhiba achouba eeshingda shemkhiba lambi, haayri Eeshorna,

17 Thok-hankhiba dolai amadi shagol, laanmi amadi laan toubashing makhoy ture, hougatpa ngamdre, makhoy tumna maangle, mutkhre meirigi matougumna,

18 Houkhiba potshingdu ningshingluranu, chatkhraba matamgi thoudokshingdugi maramda waakhan toururanu,

19 Yeng-u eina anouba thabak amaa touri, houjikti haayriba waaphamsi thoklaklabani, nakhoyna madu udribara? Lamjaao lamhaangda shemgani eina lambi amaa, phatkani ethong leikangla oiba lamda.

20 Lamlakta leiba shaashingna eibu ekaai-khumnagani lamhui amadi achouba uchekshingna ekaai-khumnagani eibu, maramdi lamjaao lamhaangda Eina eeshing pinabi, Eina eigini haayna khandokkhraba mishingduna thaknaba eeshing pibi,

21 Eina shemkhiba mishingduda thaagatkani eigi minglendu.

Israelgi maran

22 He Jacob, nakhoyna eingonda koukhibadi leite, he Israel, nakhoydi eibu uraga namai onthokchaba nattra?

23 Purakte nakhoyna yaao eingonda meida thaaduna katnanaba, kattuna nakhoyna thou ekaai-khumnade eibu, eina nakhoyda thou katlu haayna namde, manam nungshiraba dhup thaao haayna nakhoyda haayde,

24 Akhoina peisa piduna Eigidamak manam nungshiba leiduna pide, nakhoyna katpa thouduna eibu pelhanbasu leite, adubu nakhoyna paap yaamna touduna eibu waahalle, nakhoyna touba araanba thabakshingduna eibu waahalle.

25 "Eini Eeshordu, eigi eramda khantharuraga nakhoygi napaap kokthokpikhibadu Eini, maramsina eina nakhoyna toukhiba paapshingdu ningshinglaroi.

26 Eigi eming panduna kourak-u, ngangnarasi eikhoy punna waaphamdu, nakhoyna haaygadaba waashingdu haayro, aduga achumba kanaano haaybadu yengnarasi,

27 Nakhoygi ehaan haanba nabudhoudu paap toukhi, nakhoygi naphamda waa taakthokpagi thabak toukhibashingdusu paap toukhi, nakhoygi ningthou machaashingna eigi ningnashangdu mangthokkhi, maramsina eina Jacobppu mang tak-hnkhi, thamkhi Israelbu maru phangna manglaba phibhamda.