Joshua 7
Akhangi maraal
1 Jerichogi manungdagi pot amaa louba yaade haayna Eeshorna yaathang toukhibadu Israelgi mishingna chekshinna ellamde. Judahgi shaageigi Zerahgi machaanupa Zabdina pokpaa Karmigi machaanupa Akhanna louba yaadaba pot khara lonna lourammi. Maramsina Eeshorna Israelgi mishinggi mathakta mei houbamakhei shaaorammi,
2 Bethelgi nongpokta leiba Betheldagi thoina laptaba lam Ai koubaduda laangi pomit yenglunaba Jerichodagi mi khara thaarammi. Mahaakna mishingduda haayrammi, "chattuna haayriba lamsi munna aronba kayaa thijinlak-u. Mishingduna maphamduda chattuna Ai-gi aronba pumnamak khangdo klammi.
3 Makhoyna hallaklaga Joshuada haayrammi, "maphamduda laangi damak mi yaamna tharuduna thoina kaannaba leite. Maramdi makhoygi mishing thoina yaamde. Laanmi lishing ani ahumdang tharaga matik ok-e."
4 Asumna makhoy lishing ahumgumbana Ai-da laandarunaba chatlammi. Adubu Ai-gi mishinggi mamaangda makhoy ninghannaba taakhi.
5 Ai-gi mishingna Israelgi mi khuthraatarukkumba haatkhi. Ai-gi mishingna makhoybu Sebarimgi thonggal youna taanshinkhi. Chingdagi haithaarakpaduda Israelgi mishingdu makhoyna haatkhi maramsina Israelgi mishingdu thouna hanthakhi aduga mapukningda thoidokna akibaa amaa poklammi.
6 Haayriba thoudoksigi matungda Joshua amadi Israelgi ahalshingna Eeshorgi areppa waashakki uronggi mamaangda Numidaang-waairam phaaoba marai lukthaaduna leikhi. Makhoyna makokta uphun chaikhatlammi.
7 Mataangsida Jo-suana haayrammi, "onthokpani, he Eeshor, karigidamak ebungngo nahaakna mishingsibu Jordan waangmada pubiraklibano? Jordan turelgi waangmada eikhoy leijaramlabadi asigumba awaabasi thoina taramloidoubani.
8 He Eeshor, Israelna makhoygi yeknabagi mamaangda leppa ngamdrabada nanaaina kari amuk haayjakhigani?
9 Waaphamsi Canaanda leiba mishingna taaragani. Makhoyna eikhoybu koishinduna maalem-sidagi eikhoygi mingsi muthatlagani. Adu oirabadi nahaakki matik mayaai leiraba nagundu ngaaknaba kari tougadouri?
10 Eeshorna Joshuada haayrak-e, "hougatlo, karigidamak nahaak narai luklibano?
11 Israelna ayon araan touribasi nahaak khangde? Eina makhoyda toukhiba yaathangdu makhoyna ende. Makhoyna lonna pot louwi. Potshingdu louduna makhoygi potshinggi marakta thammi.
12 Maramsina Israelgi mishingna makhoygi yeknabashinggi mayokta leppa ngamdribani. Yeknabashinggi mamaangda makhoy chendaba yaaroi maramdi makhoy tumna manggadouribani. Nakhoygi narakta leiriba lourunu haayna yaathang pikhiba potshingsi hundoktribamakhei eihaak nakhoygi narakta leiraroi.
13 Hougatlo, mishingsibu shengdokpiyu. Aduga makhoyda asumna haayyu: Hayenggidamak nakhoy shengdokcharo. Israelgi Eeshorna masimak haayribani. Nakhoygi narakta shokpa yaadaba potshing leire. Hey, Israel, nakhoygi narakta leiriba potshingdu thaapna hundoktribamakhei nakhoy yeknabagi mayokta leppa ngamloi.
14 Maramsina nakhoygi shaagei pumbaa ayukta tin-gadoubani. Eina khandoklaba tribetu kaanglup kaanglup naaina thoklakkadabani. Eina mayaamdugi maraktagi aroibada khandoklaba tribetu emung manunggi oinaa pareng pareng thoklakkadabani. Eina madugi maraktagi Amukka emung manunggi oinaa khandokkani aduga emungdugi nupaashingdu amatta chitthaba leitana thoklakkadabani.
15 Louba yaade haayna yaathang toukhraba potshingdu phangba nupaadu mahaakki leiriba potshingduga konnana mahaakki emunggi mi yaaonameida thagadoubani. Maramdi adugumba nupaaduna Israelbu ekaaiba nangnaba thabak touwi."
16 Ayuk angaanbada Joshuana Israelgi tribe pumnamak tilhallammi. tribeshinggi maraktagi Judah tribetu khandoklammi.
17 Mahaakna Judah tribetu khandoklaba matungda Zerahigi emung khandoklammi. Asumna Zerahigi emunggi nupishingdu amam-mam oinaa lenghallammi. madugi maraktagi Judahgi shaagei, Zerahgi machaanupa Zabadagi machaanupa Karmina pokpaa Akhanbu khandoklammi.
19 Joshuana Akhanda haayrak-e, "he nupaa, Israelgi Eeshorgi maangda haayyu nahaakna kari araanba toukhre? Nahaakna toukhiba thabaktu eingonda haaydok-u. Nahaakna eingondagi waaphamsi lotpa yaaroi."
20 Akhanna khumkhi. "waphamsi achumbani Israelgi Eeshorgi mathakta eina araanba toukhre. Eina toukhibadu asini.
21 Eikhoyna lourakpa potshinggi marakta Babylonda shaaba phurit achonba amaa eina phangjakhi. Masigi arumba silver kilo 2.3 Aduga sanaana grams 575 Amagumba oigani. Eina maasibu pammanduna purakpani. Eina leiriba shangdugi manungda leinungda silverduna makha thanglaga phumduna leiri.
22 Joshuana Akhanna leiriba khaangpoktuda mi thaarammi aduga mahaakna lotkhiba potshingdu makhoyna phangkhi.
23 Makhoyna haayriba potshingdu khaangpoksangdudagi puraklaga Joshuagi maangda purakkhi. Makhoyna potshingdu Eeshorgi maangda sallammi.
24 Joshua amadi Israelgi mishingna Zerahgi machaanupa Akhanbu pharammi. Mahaakka loynanaa silver, phurit achonba, sanaa khangel, nachaa-nupaa amadi nupishing, san, lola, yaao amadi mahaakkini haayna leiriba pot khudingmak puduna Achor kouba maphamduda chatkhi.
25 Joshuana haayrammi, "eikhoigi ethakta nahaakna karigidamak awaaba taahallibano? Eeshorna ngasidi nahaakki nathakta awaaba taahalledo." Israelgi miyaamduna Akhanbu nungna thaaduna haatkhi. Makhoybu meida thaakhi. Mahaakka loynanaa emung manunggi mi loina nungna thaaduna haatkhi. Haayriba nungshingdu ngasi phaaoba taaduna leiri maasi paangthoklaba matungda Eeshorgi ashaaoba meimutkhi.
26 Makhoyna Akhangi thakta nung yaamna peikhatlammi. Maramsina maming Achor tampaak koukhi.