2 Kings 15
Judah-gi ningthou Uzziah
(2 miron 26:1-23)
15 Israelgi ningthou Jeroboamna paanba kuntaretsuba chahida Judah-gi ningthou Amaziahgi machaa-nupaa Uzziahna ningthou oiduna pankhi. 2 Mahaakna ningthou oinaa paanba matamda chahi taraa taruk surammi. mahaak Jerusalemda chahi yaangkheinithoi ningthou oinaa pankhi. mahaakki mamaagi mamingdi Jerusalemdagi Jekoliah koubiduni. 3 mahaakki mapaa Amaziahna toukhibagumna mahaaksu Eesor-gi mityengda aphaba thabaksing tourammi. 4 adubu laimangsing khurum-pham oiriba maphamsingdu muthatpadi ngamkhide. mi pumnamak laimangsing khurumlammi. 5 maramsina Eesor-na Uzziahbu kusti pakpa nupaa amaa oinaa sihankhi. maramsina mahaak matomta leihankhi. ningthougi machaa-nupaa Jothamna leibaak ngaktuna leikhi.
6 Uzziahna touramba pumnamak Judah-gi ningthouron eba laairiktuda eduna lei. 7 Uzziah siraba matungda Davidki saharduda leiriba konunggi mongphamduda phumbikhi. machaa-nupaa Jothamna 8 Judah-gi ningthou Uzziahna paanba kunthraanipal subaa chahida Jeroboamgi machaa-nupaa Zechariahna thaa taruk Samariada konung oiduna ningthou oinaa pankhi. 9 mahaakki mapaana toukhibagumna mahaaksu Eesor-gi mityengda phattaba thabak kayaa toukhi. Israelbu araanba lambida lamjingbikhiba Nabothki machaa-nupaa Jeroboamgumna mahaak phattaba thabak kayaa toukhi. 10 Jabeski machaa-nupaa sanlumna mahaakki mathakta lotna thabak touba hourammi. sanlumna mahaakpu haatlaga ningthou oikhi.
11 Zechariahna touramba thabaksingdu Israelgi ningthouron eba laairiktuda eduna leiri.
12 Eesor-na ningthou Jehuda nahaakki chaaron Marisubana ningthou oiduna pallagani haaybikhibadu mataangsida thokkhi.
Israelgi ningthou sanlum
13 Judah-gi ningthou Uzziahna paanba kunthraamapansuba chahida Jabeski machaa-nupaa sanlumna ningthou oiduna Samariada thaa amaa pankhi.14 Matamduda Gadagi machaa-nupaa Manahem Samariada laakkhi. Samariada mahaakna Jabeski machaa-nupaa sanlumbu haatkhi. adugaa mahaakki mahutta ningthou oikhi. 15 sanlumna toukhiba thabaksing adugaa mahaakki aaronba thouraangsinggi maramda Israelgi ningthouron eba laairiktuda eduna lei. 16 Manahemna Tirzah phaaoduna laakkhi adugaa masida leiriba misingbu mahaakna haatkhi. saharsigi akoybada leiriba misingbusu haatkhi maramdi mahaakna laandaba matamda makhoyna mahaakki mayokta leikhi. mironbi nupising phaaoba mahaakna mabuk segaayduna haatkhi.
Israelgi ningthou Menahem
17 Judah-gi ningthou Uzziahna paanba kunthraamapansuba chahida Gadagi machaa-nupaa Menahemna Israelgi ningthou oinaa pankhi. mahaak Samariada chahi taraa ningthou oikhi. 18 Eesor-gi mityengda phattaba thabaksing mahaakna toukhi. Israelbu araanba lambida chingkhiba Nabothki machaa-nupaa Jeroboamna toukhibagumna mahaaksu toukhi. 19 Syriagi ningthou Pul-na Israelgi mathakta laandarakkhi. Menahemna ningthou khubaam phangnaba-gidamak pul-da silver kilo 34,500 khudon oinaa katkhi. 20 Syriagi ningthouda haayriba khudonsi katnanaba-gidamak Israelgi manungda leiba enaak khunba-singdagi silver shekels yaangkhei yaangkhei loukhat-khi. Haayriba khudon-si puduna Tiglath-Pileser kouba Syriagi ningthoudu hankhi.
21 Menahemna touramba thabaksing loina Israelgi ningthouron eba laairikta eduna leiri. 22 Mahaakna nonggaraba matungda machaa-nupaa Pekahiahna ningthou oikhi.
Israelgi ningthou Pekahiah
23 Judahdgi ningthou Uzziahna paanba yaangkheisuba chahida Menahemgi machaa-nupaa Pekahiahna Israelgi ningthou oikhi. Mahaakna Samariada konung saaduna chahi ani ningthou oinaa pankhi. 24 Mahaaksu Eesor-gi mityengda phattaba thabaksing toukhi. Israelbu araanba lambida chingbikhiba Nabothki machaa-nupaa Jeroboamgumna toukhi. 25 Remaliahgi machaa-nupaa Pekahna mahaakki mayokta lonna loutunakhi. Pekahna Gileadki mi yaangkheiga loynanaa Samariada haatkhi. maasi konnungmaktada thok-khibani. mahaak sirabada Pekahna ningthou oinaa pankhi 26 Pekahiahna touramba thabaksing loina Israelgi ningthouron eba laairiktta eduna lei.
Israelgi ningthou Pekah
27 Judah-gi ningthou Uzziahna paanba chahi yaangkheinithoi subaa matamda Remaliahgi machaa-nupaa Pekahna Israelgi ningthou oikhi. Mahaakna Samariada konung oiduna chahi kun pankhi. 28 Eesor-gi mityengda phattaba thabak pumnamak mahaaksu toukhi. Israelbu araanba lambida chingbikhiba Nabothki machaa-nupaa Jeroboamgumna mahaaksu toukhi.
29 Israelgi ningthou Pekahgi matamda Syriagi ningthou Tiglath-Pileserna laandaraktuna Ijon, Abel, Bethmaakah, Janoah, Kedes amadi Hazor adugaa Gilead, gililee, amadi Naphtalida leiriba lamsingdu loi chansinkhi. Syriada haayriba maphamsingsida leiramba misingdu bandi oinaa pukhi.
30 Remaliahgi machaa-nupaa Pekahgi mayokta Elahgi machaa-nupaa Hoseana lonna thabak touduna Pekahbu haatkhi. Uzziahgi machaa-nupaa Jothamna paanba kunsuba chahida mahaakki mahut sinduna ningthou oikhi 31 Pekahna touramba thabaksingdu Israelgi ningthouron eba laairiktta eduna houjik phaaoba leiri.
32 Israelgi ningthou Remaliahgi machaa-nupaa Pekahna paanba anisuba chahida Judah-gi ningthou Uzziahgi machaa-nupaa Jothamna ningthou oikhi. 33 ningthou oiba matamda mahaak chahi kunmanga surammi. mahaak Jerusalemda chahi tarataruk ningthou oiduna pankhi. mahaakki mamadi Zadokki machaanupi Jerusa koubiduni. 34 mahaakki mapaa Uzziahna toubagumna Eesor-gi mityengda aphaba thabaksingdu toukhi. 35 adubu laimang ningnaphamsingdu muthapadi ngamkhide. miyaamna haayriba maphamsingsida chatlaga thounachingba katnarammi. Mahaakna Eesor-gi ningna sanggi mathak thangba thonggaldu saakhi. 36 Jothamna touramba thabaksingdu Judah-gi ningthourongi laairikta eduna leiri. 37 Haayriba matamsida Eesor-na Syriagi ningthou Rezin amadi Remaliahgi machaa-nupaa Pekahbu Judah-gi mathakta laandahankhi. 38 Jotham siraba matamda Davidki saharduda mahaakpu phumbikhi. mahaakki mahutta machaa-nupaa Ahazna ningthou oiduna pankhi.