Isaiah 33
Tengbangbinaba haayjaba
1 Mang tak-hnliba ateibu awaabanida, mangkhide nahaak nashaamakti, tamthiraba nupaa, kanaanasu tamthina toukhide nahaakpu, nahaakna mishingbu maanghanba tokpa matamda, maanghan-gani nahaakpusu. Nahaakna tamthina ateibu touba hek tokpa matamda tourakkani ateina nahaakpu tamthina.
2 He Eeshor, nanaai eikhoyda thoujaanbiyu maramdi nanaai eikhoyna ebungngo nahaakpu ngaaiduna leijarakli, oibiyu ayuk khuding eikhoygi paambom, awaaba taaraba matamda oibiyu eikhoygi aran khubham,
3 Nong khakpagi matougumba nahaakki khonjen taabada chelli mishingna ebungngo nahaakna mathi phonglakpa matamda Jaatshingsu kaayduna chelli.
4 Koujeng phaaobana lan thum khomjinba yaai, harou mapei leibagumna mishingna maasida chensilli.
5 Nongmadonthakta leiduna ngaanthoibiba maramna Eeshor yaaiphare, mahaakna Zionda achumba amadi ashengbana thalhan-gani,
6 Oibigani mahaakna nahaakki matamsigi lengdaba mapham, leibigani mahaakna mapaan naaidaba aran khubham, loushing amadi pukning oina, oigani mahaakki pukkei Eeshorbu kina chatchabaduna.
7 Yeng-u, Assyriana laambelda kapli. Engthaba paamba kayaana thamoi shokna kapli,
8 Yaangbi sorok lamsangsi khuntak lansire, langphei chatpa kanaasu maasida chatkhide. Areppa waashaknakhibadu leitre, saakhishingsu mamaay thire, taaibang mi haaybasigi thoina mamal leitre,
9 Malemsi tengtha naoire, Lebanan lammuknare aduga khuithare, Saron leikanglagi lamgumle, Basan amadi Carmel manaa amaa phaaoba pandre.
Eeshorna chekshin waa haayba
10 Eeshorna taakpiri, "houjikti eihaak hougatpa matam oire, " houjikti eshaamak mathiphongba matang chaare, eihaakpu waangna thaagatpa matam oire.
11 Nahaak phouham haayraga charukhok ngaakta phanggani, nahaakki shorduna nashaabu maanghan-gani,
12 Mishingsi sunugi komda taaduna meida chakpagi matougum oigani, tingkhangdu yaanthoklaga thajanbagum meinungda oigani makhoysu.
13 Lamdam thaapna leiribashing eina toukhibashingdu taro, nakna leibasa, khangjaro eigi epaanggalgi etiktu,
14 Zionda leiba paapishingdu kiba pokle, phattaba thabak toubashingdu thak thak nikle, "chakthekliba meisiga loynanaa eikhoygi erakta kanaana leiba ngamgadage?" Loiba leitana chakliba meisiga kanaana eikhoygi erakta leiba ngamgadage?"
15 Leigadabadu maduda ashengba amadi achumba ngaangbashing, ot neiduna sendong tandabashing, lonna senja thumja toudanaba makhut chingsinjaba, ee nai taabagi waa tajadaba, phattaba potta mitarudabashingduni.
16 Leigani mahaakna awaangba matonda, mahaakki leiphamgi chingaktu oigani loibi chingshingna, mahaakki chara waatpa leiroi, thaknaba eeshing phangdaba leiroi.
Tunggi asha
17 Nahaakki namitna ningthoudubu mahaakki matik mayaaigi phajabaduda ubaa ngamgani, ugani makhoyna maaykei shinba thungna shaandokliba lam amaa,
18 Nahaakki thamoina akibadugi maramda khallakkani: "mashing thiramba nupaadu kadaayda chatkhre, loipot ollamba nupaadu kadaayda leikhre." Awaangba Laanjabung mashing thiramba nupaadubu kadaayda leikhre?"
19 Phattaba mi amaa phaaoba nahaak ubaa phanglaro, nahaakna khangba ngamdaba waa ngaangba kanaasu ubaa phanglaroi, marei loyba nahaakka khangba ngamdaba kanaasu ubaa phanglaroi.
20 Akhannaba chaakkhaangbagi saahar oiriba Zionda yeng-u, ugani nakhoygi namittuna Jerusalembu, phanggani maphamduda chikna mi tariba, lengnaidaba khaangpok amada, masigi humdang sidokpa leiraroi, thadatloi peiya parei amaa phaaoba:
21 Maphamduda Eeshorna matik mayaai puthokpiduna eikhoyga loynanaa leibigani, maphamduda chelli paklaba turenda amadi eeshing khongshing, maphamduda nouna hounaba hi changba yaaroi. Changloi maphamduda achouba Jahajsu.
22 Eeshorna oibiri eikhoygi waayenba, oibiri Eeshorna eikhoygi ngaakpiriba mapu, Eeshorna oibiri eikhoygi ningthou, kanbini mahaakna eikhoybu.
23 Nakhoygi thouridu komle, phadre masina nungshit pannaba higi phidu, masina pangkhadu haayhanba ngamdre. Matamduda chinjaak amadi lan thum mapaan naaidana yengani, khong tekpa mi phaaoba sharuk phanggani.
24 Taaibang-paansida leiriba mishingna haayroi, "eihak nare". Maphamduda leiba mishingdu paap loina kokpigani.