Hosea 13
Israelgi mathakta aroiba waayel waaroi
1 Ephraimgi haayjaba taabada mi pumnamak thak thak ni klammi, Israelgi manungda maabu waangna thaanggatli. Adubu manaa Baal kouba laaidu khurumkhiba maramna paap touwi amasug si.
2 Houjikti mahaakna thoina henna paap toure, aduga laai murti shaaduna latpa houre. Makhoygi silverna shaaba laaishingdu atei karisu natte khutsaheibashingna shembani. Makhoyna haayribashingsida erat puja toujei, mishingna san-laigi makhong chuppi.
3 Maramsina makhoy ayukki leichingum oigani, thuna maangkhiba liklaagi matougum oigani. Loubuktagi nungshitna pukhiba phouhamgum oigani, nattraga thongnaaodagi paithokkhiba meikhugum oigani.
4 Egypt leibaakta leiringeigi houna eidi nakhoygi Eeshor oiraklabani. Ei natana nakhoyna atei laai amattasu ningkhide, ei nattana nakhoygi kanbiba Mapu amatta leikhide.
5 Akngba lamda haaybadi lamjaao lamhaangda nakhoybu mashak khangbikhibadu Eini.
6 Nakhoybu maraang kaina chaana thaaknaba pirabada, awaat-apa leihandrabada makhoy napan touba hourakle. Maramsina nakhoyna eibu kaaothokkhibani,
7 Maramsina nakhoygi naphamda eihaak nongshagi matougum oigani. Kabo keina toubagum eina nakhoybu laambelda ngaaiduna leigani.
8 Macha maangkhraba shaaomgi matougumna eina nakhoygi nathakta choungshingani. Eina nakhoygi nathabak shegaaigani. nongshagi matougum eina nakhoybu shegaaigani. Lamlakta leiba shaana toubagum eina nakhoybu shegaaigani.
9 He Israel eina nakhoybu maanghan-gani, kanaana nakhoybu pangbigadage?
10 Houjikti nakhoybu kanbinaba nakhoygi ningthou kadaayda chatkhre? nakhoybu ngaakpinaba ningthou machaashing kadaayda chatkhre? nakhoygi ningthou amadi ningthou machaashingdu eingonda piyu.
11 shaaoraduna eina nakhoyda ningthou pikhiba nattra? houjikti shaaoraduna amuk haanna nakhoygi naphamdagi eina louthokle.
12 Ephraimgi paap khutta leiriba akonba cheda isille, maagi ayon araan pumnamak laairikta pansille.
13 Mahaak pokpagi mamaada naaoyek piba matamdasu, mahaak yaamna khudong chadana laakkhi. Maramdi mahaak matam chaana garbhadagi thokpa ngamkhide.
14 Mabu eina asithendagi kanbikhisira? ashibaa kouba laaigi khayattagi maabu kanbikhisira? he ashibaa kadaayda leikhre nahaakki nahudo,? he asithen kadaayda leikhre nahaakki maanghanba ngambagi nagundo? eigi mityengda maabu nungshiba leitri.
15 Shingmut paambigumna mahaak chaaokhatpa naairabasu, Eeshorgi nungshit Nongpoklomdagi laakkani, madu marubhumidagi hourakkani. Masina mahaakki eephut knghn-gani, masina mahaakki eeshingkhongsu knghn-gani. Mahaakki mamal yaamlaba lan-thum pumnamak, masina thanna puthokkhigani.
16 Samariasu maraal yaamna leiragani, maramdi maagi Eeshorgi mayokta mahaakna laan houre. Makhoy thanggi mayada chatkani, makhoygi machaa-masushingdu machet machet taaragani. Makhoygi mirollibi nupishingsu machet machet taahangani.