Isaiah 49
Jatsinggi meiri oiriba Israel
49 Smudra mapanda tariba misa, eina hairiba wasi taro, lamdam thapna leiriba mishing, nakhoisu taro eina hairibasi, Ishor-na eibu imagi garbhada leiringeidagi koukhibani, imagi puknungda leiringeidagi houna Ibungona Eigi iming thonkhibani,
2 Oihanbikhi mahakna eigi ichinsi athouba thanggumna, mahakki makhutna khanjinbiduna eibu lotpikhi, mahakna eibu machin phenglaba tengumna oihanbikhi, mahakna eibu tengdongda lotpikhi,
3 Mahakna eingonda haikhi, "nahak eigi inaini, he Israel nahakna eibu matik mayai hen-gat han-gadabani." 4 Masida eina hairammi, "eina arembada thabak kayamarum toukhre, asengbamak Ishor-gi makada lei eigi phangpham thokpadu, eina phangjagadaba manadu Mapu Ibungogi khutta lei.
5 Maramsina Ishor-na takpiri, sembikhi mapuduna eibu manai oinaba imagi puknungda, puraknaba Jacobpu mahakki maphamda, punsinnaba Israelgi mishingbu mahakki manakta, yengu eihakpu Ishor-gi mityengda ikai khumnabiri, eigi Mapu Ibungona oibiri eigi ipanggal
6 Mahakna hai, Jacobki sageibu kannaba eina nahakpu inai oina loubasi thoina laiba natte, Israelgi lemhoubasingdu kannaba laklabada nahakna tougadabadu thoina laiba natte, eina nahakpu jattisinggi mamangda meiri oihangani, madugi mapanna eigi aran khubhamdu malemsigi aroiba mataidu phaoba yougani,
7 Israelgi lanbiba Mapu amadi sengthoiraba Ishor-na yamna waraba aduga jatisingna tukkacharaba amadi wayelbasinggi manaisingduna pamdaba nupaduda asumna takpiri, "ningthousingna mahakpu uraga hougatkani, ningthou machasingna mahakki mamangda makok nongani. Maramdi Israelgi sengthoiraba hongba leitraba Ishor-na nahakpu kanbikhibani."
Jerusalembu kanbiba
8 Ishor-na takpiri, "nakhoibu eina chanbiba matamda pinabikhi paokhum nakhoida, aran khubham phangba numittuda nakhoibu eina pangbigani, mishinggi maphamda nakhoibu cheksinna ngaktuna areppa wasakki pandam louraduna ngakpikhiba natre. Malemsida nakhoina houdokkadabani haikhi, mang taknaba maphamdu nakhoina mi tahangadabani haikhi,
9 Keisumshangda leibasingduda haikhi, "lak-o." amambada leiriba mishingdudasu haikhi eina "thoraklo." Haikhi phanggani leikangladusu sanjabung, awangba akokpa maphamdudasu makhoigi shasinggi sajik chapham leigani.
10 Makhoi aram khoirangba touroi, nonglei nungsit nattraga asaba nungsana makhoibu yethuba ngamloi, makhoibu nungsibiduna chingbigani, laija iphutna lamjingbigani makhoibu.
11 Ching thungna eina lambel semgani, eigi lambelni haina leiribadu sengdokkani,
12 Yengu hairibasingsi athappa maphamdagi lakkani, kharana awangdagi aduga khara amana maninglomdagi lakkani. Khara amana Aswanggi lamdagi lakkani.
13 Hey nongmadon haraona ishei sak-u, hey malem nungngaina thagatchou. He loibi chingsangsa, sakkatlo isheidu. Maramdi Lainingthouna mahakki mishingbu nungngaihalli, mahakki manai awaba khanglibasingdugi mathakta thoujan leibigani.
14 Adubu Zionna hairammi, "Ishor-na eibudi thadokpire, eigi Ishor-na eibukaothakpire." 15 "Kanagumba nupi amana macha makhom thakliba amabu kaoba ngambra? mahakki gharbhadagi taba machanupadubu nungsidaba ngambra?" hairibasingsina kaokhraba phaobada eina nakhoibudi kaoroi.
16 Leiri nakhoigi chekpandu eigi imit mamangda, thamlibani madu eigi ikhubakta,
17 Nakhoigi semgat sagatlibasingduna thuna laklagani, nakhoibu mangna taknaba sinbasingdu ngamnamak nakhoibu thadoktuna chatkhre,
18 Namit laona pangthoktuna nakhoigi akoibada yengjou, makhoina matou karamna punsilliba aduga nakhoigi nathakta laklibadu, Ishor oiriba eina eigi iguna yengduna wasaklibasini, nakhoigi mishingbu uraga chaothokkani, masi luhonggadouribi nupi amana leiteng ujabada toubagumgani.
19 Asengbamak eina nakhoibu mang takhankhre, eina nakhoibu leimaida tahankhre, maramsina houjikti nakhoigi ngamkheidu yamna piklamlagani, nakhoigi mi tabada challamlaroi, houjikti nakhoibu mang tahange haina laklambasingdu yamna thapna chatkhre,
20 Nakhoina yamna wana leiba matamda pokchaba nachasingduna haigani, "leiphamsi yamna pikkhre. Maramsina eigi leinanaba lam piyu. Matamduda nahakna nasa natomtada haijagani, "angang mayamsi matou karamna eina pokkhribano? Oirammi eihak chaboktaba nupa ama, kanana makhoibu chaonaba yokpiraklibano? Eihak itomta leiraba phaobada makhoisi kadaidagi lakpano?
21 Mapu Ibungo Ishor-na hairi, yengu, eing Jatsinggi mayokta ikhut tingthoklagani, mishinggi maphamda eina pigadaba khudamdu utlagani,
22 Purakkani makhoina nahakki nachanupasingdu mapambomda makhoigi, pugani nakhoigi nachanuisingdu marengbanda haptuna,
23 Ningthousingna nakhoibu yokpiba napa oigani, makhoigi maharanisingduna nakhoigi sennabiribi nama oigani, leimaida luktuna makhoigi mamai khurumjagani. Nakhoibu makhoina lekkani makhoina nakhoigi nakhonggi uphuldu, matamduda nakhoina khanggani eihak Ishor-ni haibadu, eibu ngaiduna leibasingdubu eina ikaiba nanghalloi,
24 Akanba nupa amagi makhuttagi amahakna pairiba chanaba pottu munba ngambra? Tamthiraba mishingdugi makhuttugi Keisumshangda leiribasingdubu kanba yabra?
25 Asengbamak Ishor-na asumna takpiri, "mapangal leirabasingna thamliba bandisingdu phaoba loina pukhigani, tamthiraba mishinggi makhutta pairiba chanaba potsingdusu soidana louthokkani, makhoigi mayokta leiribasingdugi mayokta eihak lepkani, kanbigani eina nakhoigi nachasingdu makhoigi makhuttagi.
26 Makhoigi ot neiribasingdu masagi shadong chaduna hingnanaba eina singani, anouba yu thakpagi matougumna makhoigi eedu thakhanggani, taibangpanda leiriba mishingna Lainingthou oiriba eina nakhoibu kanbikhibani haiba khanghangani, nakhoigi lanbiba mapu, Jacobki wangthoiraba mabungo eina toukhibani haiba khanghangani.