Job 32
Elihuna waa ngaangba hourakpa
(32:1-37:28)
1 Jobna maraal leite haayna lengdana leikhiba asida mahaakki marup ahumduna paaoukhum pinaba hotnarambadu tokhre.
2 Adubu manaak nakna leiptuna leiriba Elihu kouba nupaadu Jobna mashaamak maraal leite aduga marandi Eeshorgini haaybasi taabada shaaoninglammi. (Elihu Ramgi shaageigi Buzgi dhaaraadagi Barachelgi machaanupani.)
3 Mahaak Jobki marup ahum adubusu shaaoninglammi. Makhoyna matik chaaba paaoukhum piba ngamkhide maramsina mameithangdadi marandu Eeshorgi oiba taarammi.
4 Elihuna tilliba miyaamdugi manungda nahaa eoi oirammi maramsina mayaamna ngangkhraba matungda mahaak ngaangba taarammi.
5 Marup ahumduna Jobki paaoukhumdu matik chaana piba ngamde haaybasi khanglabada, mahaak shaaoraduna waa ngaangba houraklammi. Elihuna makha taana haayrak-e: eidi angaangni aduga mayaamdi ahan oirabani, eina khalliba waakhansi phongdokpa kijei.
7 Eigi epukningda khanjakhi makhoyna ngangpham thok-e, khankhi ahan oibanina nakhoyda loushinggi mangaandu leiramgani.
8 Adubu paanggallaba Eeshorgi thawaaydutana mioibada loushinggi mangaan hapibani.
9 Ahan oirakpaduna mi shingba natte, nattraga achumba karino haaybadu khangba ngambasu natte.
10 Maramsina eina haayjaribasi amuk tabiyu, Eina waakhandu mayaamda amuktang phongdokchage.
11 Nakhoyna ngaanglingei matamda tuminna eihaak tajakhi, nakhoyna heishingna waa ngaanglingeida ngaaiduna leijakhi.
12 Eina thawaay yaaonatajakhi adubu achumbaduda laakkhide, Jobna haaykhibadu leithokpa ngamkhide.
13 Loushinggi mangaandu nakhoyna phangle haaybasigi khudam karino? nakhoyna khumba ngamdrabanina Eeshorna paaoukhum piba taay.
14 Jobna nakhoyga awaai akhum tounakhi adubu eigi paaoukhumsi nakhoyna pikhiba aduga mannaroi.
15 Job, makhoygi machinna lang thakle, makhoyna nahaakki waahanggi paaoukhum piba ngamdre.
16 Makhoyna ngangningai leitaduna tuminna leiribasi yengduna ningaidana leithoksira?
Yeng-u, makhoy makha taningai leitaduna tuminna leptuna leiri.
17 Natte, houjikti eigi waakhandu phongdoklage, eina khanbadu mashak taklage.
18 Eihaak waa ngangdana tuminna leiba ngamlaktre, echinsi phaaba ngamdre.
19 Eihaak ngaangthoktrabadi, anouba yu heijillubadagi pokhaairaklaba yu haappa khaogumlagani.
20 Tuminna leithokpa ngamdre, ngaangba taare,
21 Mareisida sina chummi sina laalli haayroi, amanaa laalli aduga amanaa chummi haayroi,
22 Eihaak chiron touroi, Eina chiron tourabadi Eeshorna eibu cheirak pigani.