Numbers 30
Waashak ngaakpagi niyam
1 Mosesna Israelgi mishinggi luchingbashingda haayrammi, "Eeshorna yaathang oinaa pibirakpashingdu asini:
2 Kanaagumba nupaa amanaa Eeshorgi maphamda shari namunglabadi, mangkat katke haayna waashaklabadi, nupaadu waashak thugaayba yaade. Machindagi thokkhibadugi matung ennaa paangthokkadabani.
3 Kanaagumba nupi amanaa Eeshorgi mingda waashakkhrabadi, nattraga mangkat katke haayna ningkhrabadi waashaktu luhongdringei mapaagi mayumda leiba matamda shaakhiba oirabadi,
4 Aduga waashaktu mapaana taaba matamda karigumba amaa phaaoba haaykhiba leitrabadi, nupiduna shakliba waashaktu kaide haayna lougani. Mahaakki waashakki matung ennaa paangthokkadabani.
5 Adubu adugumba nupidugi nupaaduna waashakkhiba numittuda taaraduna yaaningdaba phongdokkhiba leirabadi, mahaakki waashak amadi mangkat katke ningkhibadu kaire haayna lougani. Mapaana yaaningdaba phongdokkhiba maramna Eeshorna nupidubu ngaakpigani.
6 Waashak leiringeida nattraga ningkhiba waashaktuna pullingeida luhongkhiduna
7 Mapuroibaduna maasi taabada thoidokna yaaningdaba leitrabadi, nupidugi waashak amadi mangkat katke ningkhibadu lengdana leigani.
8 Mapuroibaduna waaphamsi taabada numita yaaningdaba phongdoklabadi, waashaktu kaire haayna lougani. Waakhan etou touhoudana mahaakna haaydokkhiba waashingduna mahaakpu pulloi. Eeshornasu mahaakpu ngaakpigani.
9 Mapuroiba sikhraba nattraga kainaraba nupishingna shakpa waashaktu louroi.
10 Adubu karigumba mapuroi leiringeida shaakkhiba waashak nattraga katke ningkhiba mangkat oirabadi.
11 Waaphamsi hek taaba matamda yaaningdaba leitrabadi, mahaakki waashaktu kairoi.
12 Karigumbada mapuroibaduna waashaktu taaba matamda yaaningdaba phongdoklabadi, mahaakki machindagi thokkhiba waashakki nattraga mangkatki waashaktu kaaygani. Mapuroibaduna yaaningdaba leiba maramna Eeshornasu nupidubu ngaakpigani.
13 Kaiba yaadaba waashak nattraga mapaa mapu thingai khotkaige haayna shaakhiba waahak oirabadi mapuroibana thugaayba yaai. Nattragasu paangthok-hanba yaai.
14 Matam khara karigumba mapuroibaduna yaaningdaba phongdoktrabadi waashak nattraga mangkattu paangthokpa yaare haayna lougani. Waasi hek tabaga mapuroibaduna thoidokpa yaaningdaba leikhidaba maramna waashaktu ngaakpa yaai.
15 Pumnamaksi taaraga matam shaangna tuminna leithoklaga waashak thugaayba thoklabadi marandu nupaaduna pugani.
16 Mathakta piribashingsi Eeshorna Mosesda pibikhiba nupishinggi marakta, mapaa machaashinggi marakta chatnagadouba pathapni. Leishaaringeida nupina mapaagi mayumda leiringeida machaanupi amagi mapaana khangadoubani.