2 Samuel 3

1 Saul amadi Davidpu shougatliba kaangbu anidu matam yaamna kuina khatnaduna leirammi. Davidki mapaanggal hen-gatlakpagi matung ennaa yeknabagi mapaanggal hanthakhi.

Davidna pokpaa machaanupashing

2 Hebronda leiringeida Davidna pokkhiba machaanupa taruktu mathang manaao

naina makhaada piriba asini: Jezreelgi Ahinoamna pokpaa Amnon,

3 Carmelgi Nabalgi nupi oirambi Abigailna pokpaa Kileab, Gesurgi ningthou Talmaina pokpaa Maakahna Davidta pokkhiba Absalom,

4 Haggithna pokpaa Adonijah, Abitalna pokpaa Sephatiah,

5 Eglahna pokpaa ethream. Haayriba machaanupashingsi Davidna Hebronda leiringeida pokkhibashingni.

Abnerna Davidki maphamda changjaba

6 Saul amadi Davidki emung manung anigi marakta tattana laanthengnaringeigi matamda Abnerna Davidki nakanda chongsinduna mahaakki mapaanggal thoina henna kankhatnanaba hotnarammi.

7 Rizpah koubi Saulna lourambi atonbi amaa leirammi. Mahaak Aiahgi machaanupini. Nongma Isbosethna Abnerda haayrammi, "nahaakna eigi epaagi nupi atonbiga tuminnariba karigino?"

8 Isbosethki waadu taabada Abner yaamna shaaorammi. Mahaakna haayrak-e, "Shaulbu eina karisu nattana khalle haayna loubra? eihaak Judahgi thabak tuba mira? Ngasi phaaoba eina napaa ebungngo Saulgi emung, mahaakki machin manaaoshing, aduga mahaakki marup mapaangshinggi maphamda eina touba yaaba pumnamak paangthoktuna Davidna maaythiba pigadoubadudagi kanduna laakli. Adubu nahaakna ngasi eibu nupi amagi maramda eran pisillibra?

9 Phei, Eeshorna shoydana thok-han-gani haaybikhiba waadu eina thunghaba ngamdrabadi Abner eihaak ebungngo mahaakna awaaba taahanbiba oisanu.

10 Eeshorna Davidki makhutta leibaaksi pithokkani haaykhibadugi matung ennaa Israel thungna Davidki leibaak shaandokhange. Dandagi Beerseba youna Israel amadi Judahgi mathakta Davidna paanba oisanu."

11 Kibadagi Isbosethna Abnergi maphamda waa amaa phaaoba ngaangba ngamlamde.

12 Abnerna mi thaaduna Hebronda leiriba Davidki maphamda paao asumna haayhankhi: kanaagino leibaaksi? Nahaakka eigaa yaanaba amaa thamnasi. Israel pumbaa nahaakki nakhada purakpa ngamnaba nateng pangjage."

13 Davidna haayrammi, "phare, yaanaba amaa thamba eisu yaai." adubu maasi thamsi haayrabadi Saulna pokpaa Michalbu purakpa ngamlabdi eihaak nahaakna haayba yaare haayna louro."

14 Masigisu mathakta Davidna Isbosethki maphamda paaochatpa mi thaaduna asumna haayhankhi, " Philistishinggi mi chaammagi maun khoktuna loukhiba eigi nupi Michalbu eigi ephamda hallak-u."

15 Isbosethna mi thaaduna Laiski machaanupa Paltielgi mayumdagi Michalbu purak-hankhi.

16 Michalbu louriba Paltielna Bahurim phaaoba kaptuna matung ennakhi. Adubu Abnerna maangonda haaykhi, “nahaak nayumda hallo." Masigi matungda Paltiel mayumda hankhi.

17 Abnerna Israelgi ahanshinga waari shaaba matamda haayrammi, "matam kharagi mamaangda Davidpu nakhoygi ningthou oibinaba haayduna thijarammi.

18 Adu oirabadi haaykhiba waadu houjiksu thok-hanba yaai. Maramdi Eeshornasu Davidta waashak amaaga loynanaa asumna haaybikhi: Eigi enaai Davidki makhutta Eina eigi mishing oiriba Israelbu yeknabashing amadi Philistishinggi makhuttagi kanbigani."

19 Abnerna Benjamingi mishingdasu asumna haayrammi. Israel amadi Benjamingi mishingna haaykhiba waashingdu tamnabagidamak mahaak Hebron taanna chatkhi.

20 Abnerna mi kum puduna Hebronda Davidki manaakta laakpa matamda Davidna Abner amadi mahaakka loynarakliba mishingdubu ekaai-khumnaba utpa oinaa chaakkhangkhi.

21 Abnerna Davidta haayrammi, "Ei eshaamak koyna chattuna eningthougi maphamda Israel pumbaa tilhange. Makhoyna eningthouga yaanaba mawongda areppa waashak loujasanu. Adu oirabadi eningthouna pukningda ningbiribadu shoydana thunglagani." maasi haaynaraga Davidna Abnerbu yaamna nungaaina bidai pikhi.

Abnerbu haatpa

22 Matamsida Davidki laanmishing Joaba chingduna Lan-thum yaamna puduna lan chatlubadagi hallaaklammi. Matamsidadi Abner Davidka loynanaa Hebronda leiramde. Matamsidadi Davidna mahaakpu kanbigani haayduna bidai pikhrabani.

23 Joab amadi mahaakka loynanaa chatluriba laanmi shingna Abner ningthou manaakta laaklammi aduga nahaakpu yaamna engthana ningthouna thabikhi haaybasi taakhi.

24 Maasida Joabna ningthougi manaakta chattuna haayrammi, “Eningthou touribasi lalle maramdi Abner eningthougi manaakta laaklaba phaaobada lemna thaadokpikhre.

25 Eningthousu khangbiba yaai, Nergi machaanupa Abnerna eningthoubu namthaak touba laaklibani. Eningthou kari touri haaybasi khaangdoklu haayna laaklibani.

26 Joabna Davidki manaaktagi thoraklaga paaochatpa mi thaaduna Abnerbu tannahankhi. Makhoyna mahaakpu Sirahgi pukhri haayna khangnaba maphamdudagi purakkhi. Waaphamsi Davidna khanglamde.

27 Abnerbu Hebronda purakpa matamda Joabna waari sanasi haaybagi mawongda thonggal mayaaida puthoklammi. Maphamdumaktada mahaakna Abnergi mapukta thangna thinduna haatkhi. Mahaakki manaao nupaa Asahel haatkhibagi lamandu shingkhi.

28 Matungda waaphamsi Davidna taarabada asumna haaykhi, " Nergi machaanupa Abnergi taariba eedugi marandu eihaak amadi eigi mishinggi mathakta taaroi. Thoudoksigi maramda eikhoygi eran amatta leite. Maasi Eeshorna khangbiribani.

29 Thoudoksigi phangpham thoikpa maheidu Joab amadi mahaakki dhaaraada phangba oisanu. Mahaakki emungda kusti thungdaba mi leitba oisanu. Gonoriya paktaba leitba oisanu. Thanggi mayada chattaba nattraga unshaagi laaina paktaba mi leitba oisanu. Chara hendaba mi yaaodaba oisanu."

30 Asumna Joab amadi manaao Abisaina Abnerbu haatkhi. Makhoyna manaaonupa Asahelbu Gibeongi laanphamda haatkhibagi laman shingkhi.

Abnerbu phumba

31 Matamduda Davidna Joab amadi mahaakka loynanaa leiramliba mishingduda haayrammi, "naphi shegaaiba aduga engumna lallaba phi setlaga Abnergidamak tengthaao phumba matamda ningthou Davidna ashibaga thangnana chatkhi.

32 Makhoyna Abnerbu Hebronda phumlammi. Ningthouna khonjen waangna Abnerbu kouduna kapkhi. Maphamduda tilliba mishingnasu mahaakpu kouduna kapkhi.

33 Ningthouna asumna Abnerbu kouduna tengthaakhi:

34 "Aapangba amanaa shibagumna Abner siragadra? Nahaakki nakhuttu kanaana punba ngamkhibage? Nahaakki nakhongdu kanaana phajinba ngamkhibage? adubu phattabashinggi mamaangda nahaak eraai laaina tukhi." maasi haayraba matungda maphamduda tillamliba mi pumnamak Abnerbu kouduna kapkhi.

35 Nongma chupnaa miyaamna Davidki manaakta laaklaga chaak chaanaba haayjarammi adubu Davidna waashakladuna haayrammi, "numit tadringeida eina chaak chaaba thoklabadi eingondasu thaokliba asigumna thokpa oisanu."

36 Waaheisi taabada miyaamdu thoidokna haraaorammi, maramdi ningthouna touba thabak khudingmak miyaambu pelhallammi.

37 Asumna numittuda Israelgi miyaamna ningthouna Nergi machaanupa Abnerbu sihanninglamde haayba khangkhi.

38 Ningthouna manaaishingda haaykhi, "Israelgi thoidokna shingthaanaba yaraba luchingba amaa leitre haaybasi nakhoy khangdraa?

39 Eeshorna eibu ningthou oinanaba khandoklabasu eihaak epaanggal thokpa eya yaade. Zeruiahgi machaashingsi thoidokna lam helli. Maramsina Eeshorna makhoybu matik chaaba dandi pinabisanu.