Genesis 28

1 Isaacna Jacobpu kouraduna bor piraduna yaathang tourak-e, "nahaakna Cannan-gi nupishing louba yaade.

2 Paddanaramda leiba namagi mapam napubok Bethuelgi mayumda chatlo aduga namagi mabung Labanna pokpaa machaanupishinggi maraktagi amaa nahaakki nupi oinaa lou.

3 Paanggallaba Eeshorna nahaakpu kubigani aduga nangondagi mi mayaam amaa chongthoraknaba nahaakpu mahei yalhan-gani amadi mashing laakpa ngamdana mishing yaamhan-gani.

4 Eeshorna Abrahamda pibikhiba nahaakna Shaaidaangduna leirugadouriba lamdu nahaak amadi nahaakki chaaron-shuronduda ebungngo mahaakna Abrahamda pibikhibadugumna pibiba oisanu."

5 Matou asumna Isaacna Jacobpu thaakhi aduga Aramean Bethuelgi machaanupa Laban, Jacob amadi Esaugi mamaagi mapuwa, Padanaramda leibadugi manaakta chatkhi.

Esauna atoppa nupi amaa louba

6 Isaacna Jacobpu bor piraduna Padanaramda nupi lourunaba thagadouri haaybasi Esauna khanglammi, mahaakna bor piraduna asumna haayrammi, “nahaak Cannanda leiriba nupishingsi luhongduna louba yaaroi."

7 Jacobna mapaa amadi mamaana haayba enduna Padanaramda chatkhre haaybasi mahaakna khanglammi.

8 Asumna Esauna Cannan-gi ningol loubasi mapaana pende haaybasi khanglabada,

9 Esauna Ismaelgi emungdagi Abrahamgi machaanupa Ismaelna pokpaa Nebaiothki machaanupidu lourammi. Mahaakki hannana loukhraba nupishingsu leirammi.

Bethelda Jacobna mang mangba

10 Jacobna Beerseba thaadoktuna Haranda chatlammi.

11 Mahaakna karigumba lam amada thungkhiba matamda maphamduda ahingduma lekkhi maramdi maphamduda numit taarammi. Maphamduda leiramba nung amaa thaanggatlaga mon oinaa khaangduna tumkhi.

12 Maalemda makhong oiraga yungkhattuna thaaba keirak amaa mahaakna maangda ukhi. Keiraktugi matondu nongmadon yourammi. Yeng-u, haayribasida Eeshorgi dutshingna kakhat kumtha touduna leiribadu mahaakna urammi.

13 Yeng-u Eeshorna madugi matonda lepladuna leirammi aduga haayrammi, " Ei Eeshorduni. Napaa Abrahamgi Eeshor aduga Isaacki Eeshordu Eini. Nahaakna tumliba lamsimak nang amadi nahaakki chaaron-shuronduda eina pibigani.

14 Nahaakki chaaron-shurondu maalemsida leiriba uphulgi matougumna mashing yaamhan-gani. Nakhoyna nongchup, nongpok, awaang amadi khaa maaykei thungna shaandokkani. Nahaak amadi nahaakki chaaron-shuronggi mapaanna maalemsida leiriba mi khuding bor phanggani.

15 Yeng-u, eihaak nahaakka loynanaa leiri. Nahaakna chatpa mapham khudingda Eina ngaakpi senbigani. Nahaakpu maphamsida Eina amuk haanna purakkani maramdi nahaakki naphamda Eina phongdokpikhrabashingsi thungdri phaaoba Eina nahaakpu thaadokloi."

16 Matousida Jacobna tumbadagi hougatladuna haayrak-e, "taashengbamak maphamsida Eeshor leire adubu einadi maasi khangjakhide."

17 Mahaakna mapukningda kiba pokladuna haayrk-e, " Maphamsi kayagi matik chinglemkhraba, maasi Eeshorgi leipham nattana atei karisu oiroi. Maphamsimak koirouthakki changjapham thonggalduni.

18 Maramsina Jacobna ayuk nganna hougatladuna monkhang oikhiba nungdu puraga yungkhatladuna madugi matonda thaao heijarammi,

19 Thoudoksidagi maphamdugi maming Bethel thonkhi. Haayriba maphamsida leiba ahaanba saahardugi maming Luz haayna khangnarammi.

20 Matamduda Jacobna waashakladuna haayrak-e, "karigumba Eeshorna eibu loinabiraba, eina chatchaba mapham khudingda Ebungngona ngaakpi senbiraba, chaanaba tal amadi shetnaba phi pinabiraba,

21 Aduga epaagi yumda engthana halhanbirabadi, Eeshor nahaakpu nanaaigi epuroi oijage.

22 Aduga ngasi yungkhriba nungshigi maphamsida Eeshorgi Ningnashang oigani. Ebungngo nahaakna nanaaida, pinabigadouba pot khudinggi taraa thokpagi sharuk amam-mamdi ebungngoda katchaagani."