Judges 10
Tola
1 Issachargi emung manunggi nupaa Dodogi machaanupa Puahna pokpaa Tolana Abimelekki mathangda Israelgi mathakta waayennaba thoklakkhi. Mahaak Ephraimgi chadhanggi lamda leiba mapham Samir koubaduda leirammi.
2 Mahaakna chahi kunhumdoi Israelbu waayenbirammi. Masigi matungda mahaak nonggaakhi aduga makhoyna mahaakpu Samirda phumbikhi.
Jair
3 Mahaakki mathangda Israelgi mathakta chahi kunnithoi waayenduna paankhiba Gileadki Jair thoklakkhi.
4 Mahaakki machaanupa 30 leirammi. Makhoygi saahar 30 Gilead ki lamda leirammi. saaharshingdugi mamingdi Havvoth Jair kourammi.
5 Jair nonggaraba matungda Kamonda phumbikhi.
Jepunneh
6 Israelgi mishingna Eeshorgi mityengda phattaba thabak touba Amukka haanna houraklammi. Makhoyna Tamar, Sidon, Moab, Amoni, amadi Philistishingna ninglamba laai Baal amadi Asherahnachingbasi ningba houkhi. Makhoyna Eeshorgi mingkhei shonkhide.
7 Maramsina Eeshorna Israelgi mathakta yaamna shaaokhi. Mahaakna makhoybu Philistishing amadi Amonishinggi makhutta taahankhi.
8 Makhoyna haayriba matamsigi manungda Israel machaashingdubu yaamna ot-neibirammi. Jordan waangmada Gileadki lamda leiriba Israelgi mishingbu chahi taraanipal chupnaa ot-neibikhi.
9 Amonishingna Jordan laanduna Judah, Benjamin amadi Ephraimgi mathaktasu ot-neikhi. Asumna makhoyna Israelgi mishingbu yaamna thina toubikhi.
10 Waaraba matamsida Israelgi mishingna Eeshorbu ningshingba hourakkhi. Makhoyna ebungngoda haayjakhi, "eikhoina ebungngogi mayokta araanba kayaa toukhre. Eikhoyna epuroibu thaadokkhre. Eikhoyna Baal kouba laimangdu ninglure."
11 Eeshorna Israelgi mishingda haayrammi, "eina nakhoybu Egypt, Amonshing, Amorishing, amadi Philistishinggi makhuttagi kanbikhiba nattra?
12 Sidonnishing, Amalekshing, Maonishingnasu nakhoybu neibikhiba nattra? nakhoyna Eingonda haayjaba matamda Eina kanbikhi.
13 Adubu nakhoyna Eibu thaadoktuna atoppa laai ningkhi. Maramsina nakhoybu eina amuk haanna kanbige ningde.
14 Nakhoyna pamjaduna ningjaruba laaishingduda haayjaru. Nakhoyna awaaba taaraba matamsida makhoyna kanbipham thok-e."
15 Maasida Israelgi mishingna Eeshorda haayjarammi, "eikhoi araanba toure. Ebungngona asina phei haaybadu nanaaishingda toubiyu. Adubu taariba awaabasidagidi nanaaishingbu kanbiyu. Masitangdi nanaaishingna ebungngogi khuyaakhaada nollukna punemjari."
16 Asumna Israelgi mishingna laimangshingdu thaadokkhi. Matamsidagi houraduna amuk Eeshorbu ningba houjakhi. Makhoyna mamaay leirakpasi ubada Israelgi mishingbu kanbirage ningkhi.
17 Matamduda Amorishingna Gileadta laanban shaaduna leirammi. Makhoygi mairo-ng yaaduna laanjangnaba Israelgi mishingsu Mijpahada laanban shaaduna leirammi.
18 Miyaam amadi Israelgi phamnaaibashingna amanaa amada asumna haaynarammi, "kanaana ngasigi laansi mangjin thaaduna chinggadouribano? Ngasigi laansida luchingba nupaadu Gileadgi makok oihan-gani."