Isaiah 2
Lengdraba ingthaba
(Mica 4:1-3)
2 Amozgi machanupa Isaiahna Judah amadi Jerusalemgi matangda phongdokkhiba waheising:
2 Oigani tungda lakkadaba numitsingda, loibi chingdu Ishor-gi, oigani thoina henna wangba loibisinggi marakta, songani matik mayai lei haina chingsinggi marakta. Lakkani masida jat khudingna atatpa leitana.
3 Hairagani mapan naidabamakhei lakliba mishingduna, "lak-o, chatsi loibi singduda Ishor-gi, chatsi Jacobki Mapu Ibungogi ningnashangduda, eikhoida takpisanu mahakna lambidu, chatchanaba eikhoi mahakki khudung induna." Ziondagi thorakkani puyadu, phongdorakkani Jerusalemdagi Ishor-na yawadu,
4 Mahakna wayelbigani leibak pumnamak, mishinggi achum arandu mahakna leppigani, yeigani thangdu makhoina ukaida, thingjingani tadu cheirongda, leibak amana leibak amagi mayokta thang satlaroi, tararoi makhoina lan haibadu amuk hanna.
Mangak chaobabu namthaba
5 Hey Jacobki dharasing, thoraklo, chatlasi Ishor-gi mangalduda,
6 Inthokpikhre nahakna Ibungo nasamakki nanaising, tanthokpire Ibungona Jacobki dharasingbu leiri makhoigi marakta nongpoklomdagi lakpa maiba maibising, Philistisinggi matougumna tungda thokkadaba wa phongdokpa kayana leiteng oire, khutsamnari mireipaktagi lakpa mishingga.
7 Makhoigi leibakta leiri lupa amadi sana mapan naidana, aroiba leite makhoigi pukei amadi langeidu. Leiri sagol mapan naidana makhoigi leibakta, aroiba leite makhoigi dolai mashing thibada.
8 Adubu peiri lai murtina leibak sinbathungna, makhutna saba pottuda khurumjari makhoina nollukchari makhoina sajakhiba pottuda makhutmakna.
9 Asumna taibang mishingna nollukpa sajari, lukchari marai khutsemgi mangda, asina maram oiduna ngakpiranu taibang mi koubasibu.
10 Chingnungda chensinjaro, lotcharo malem khada, Ishor-gi mei houna saobadugi mangda, mahakki matik mayai khangamdabadugi mangda.
11 Taibang mina karamna yengjaribadu leikha tahanbigani. Taibanggi napandusu arembada tahan-gani, taibangpansida Ishor-dani thoina henna wangliba.
12 Napan amadi louthibasinggi mathakta wayelnaba nongthak nongkha anigi Mapu Ishor-gi numit ama lei, maraibak phariba mishinggi mathaktasu mahakna hairiba numitsida wayelbigani,
13 Napanga loinana marai wangna karaba Lebananda houriba deodarsinggi mayokta, Bashanda houriba uyung pambisinggi mathakta.
14 Awangba loibi chingsinggi mayokta, awangba ching khudinggi mathakta,
15 Wangna saraba dalansinggi mayokta, Lebanan-gi matougumna khajallaba chekpansinggi mathakta,
16 Tarshishki Jahajsinggi mayokta, phajana saraba khutsemsingsigi mathakta wayelbigani.
17 Taibanggi napaldu leikha tana puthabirakkani, leikha tahanbigani taibang mina kajariba napaldusu. Taibangpansida Lainingthoudani thoina henna wangliba.
18 Lai murti haibadudi maru phangna manglagadabani.
19 Mishingna loibi chinggi makhunda changduna lotkani, thupchagani malemsida leiriba makhunduda, kanjanaba Ishor-gi asaobadudagi, ujadanaba mahakki matik mayai leiraba gundu. Hougatlakpa matamda mahakna malembu yotlage haina.
20 Hairiba numitsida taibang mi lotpa yaroi, nakhoigi lupagi amadi sanagi lai murtisingdusu yaroi lotpa, Makhoigi makhutna sajakhiba uchi amadi sekpidu. Langsekkani hairiba numitsida.
21 Changgani mahakna chinggi ahoba makhunda, lotkani surungdu thiduna, kanjanaba Ishor-gi asaobadudagi, mahakki matik mayai leiraba gundu, hougatlakpa matamda mahakna malembu yotlage haina.
22 Mi kouba jibadudagi thapna leiyu, manatondagi sor honba jibasingdudagi theidok-u. Mahakpu karini haisige houjikti?