Job 13
13 1-2 Nahaakna haikhriba pumnamaksi eina mamaangda haanna takhre. pumnamaksi eihaak khangdaba natte khang-e. Nahaakna khangliba pumbaa eisu khanglibani. eihaak hiramsida nahaakna helli haaybasi yaaningde.
3 Eigi waathoksi epuroigani, nahaakka natte. eigi waathoksi ebungngo-gata yetnagadoubani.
4 Nahaakna apangbadu minambana kupsinnaba hotnei. maasidi anababu layengba ngamdaba maaibagumbani.
5 Karisu ngaangthoktrabadi kanaagumbana nahaakpu asingba mini haayna loubasu yaai.
6 Eina eigi waathoksi haayrakpa matamda munna taao.
7 Nahaakna minamba ngaangliba karigino? minamba ngaangbasina epuroigi sadongni ningbra?
8 Nahaakna epuroibu yokkhatke ninglibra? Loysangda mahaak-kidamak nahaak marei yetnagadouribra?
9 Epuroina nahaakpu mityeng taarakpa matamda nangonda kari aphaba natik leiramgadage? mibu namthaak touba adugumna epuroibu namthaak touba ngamgani ningbra?
10 Nahaakki nathamoida michang mikhaai naaiba utlabasu, ebungngona nahaakpu cheirak pibigani.
11 ebungngo-gi touba ngamba matiktu akibaa oirakkani nahaakki naphamda.
12 Nahaakna piriba paaorousingdu utki mapeigumbani, Nahaakna yetliba mareidusu yumpham yaaodabani.
13 Mitkup amatangdi tumin leibiyu adugaa eibu amukta nganghanbiyu, Eina haayribasigi phaldi oiningba amaa oijasanu.
15 Eihak hingduna karisu kannaadre maramsina epuroina eibu aroiba sor holhallabasu amaangba kari leibage? eigi waathaoksi mahaakki maphamda youhallagani.
16 Eigi thounasina eibu kanbigani maramdi phattaba mi amattana epuroiga unaba ngamde.
17 Eina saandokna haayrakkadouriba waasi taro.
18 Eigi waathoksi haayraklage. eihaak araanba amatta toukhide haaybasi eihaak khang-e.
19 He epuroi, nanaaibu maraal sige laklibra? Karigumba eran sibagadouba oirabadi eihaak tuminna karisu haidana sijage haayna leple.
20 Waahang anikhaktang eihaak hangjage. maasibu yabipham thok-e. Masidang hanglaga ebungngo-gi mityengdagi nanaai lottuna leijaroi.
21 Eibu awaapham taahanbasi tokpiro adugaa eibu kihanbasisu tokpiro.
22 He epuroi, nanaaida haanna ngangbiyu adugaa nanaaina matik thokpa paaoukhum pijage. Nattraga nanaai haayjarakke adugaa ebungngona paaoukhum pinabiyu.
23 Eigi eran karino? Eina kari araanba toukhrabage? Kari eranda eihaak awaaba taribano?
24 ebungngona nanaaibu hundokpiriba karigino? yeknabagumna nanaaibu ningbiriba karigino?
25 ebungngona nanaaibu kihanbiriba karigino? nanaaidi singthaba yaadraba unagumbani. ebungngona karisu leitraba charu akangba amada laknabigadra?
26 Eina nahaa oiringeida toukhiba phattaba loukhatpiduna eigi ethakta khaangba ngamlaroidouba eran sijinbiri.
27 ebungngona nanaaigi ekhongda thouri thubire, nanaaina chatpa khuding ebungngona yengsinbiri, asidasu nattana eigi khongul phaaoba masing thibi.
28 Masina maram oiduna eihaak kaosingum taothare. Leisouna chaathoklaba phigumna matat matat tatle.