Amos 1

1 Tekoa kouba lamduda leiba yaao-senba shinggi maraktagi Eeshorgi waa taakthokpa Amos haayba nupaaduna Judahgi ningthou Uzziah amasung Israelgi ningthou Jehoaski mapari Jeroboamna pallingei matam yuha hagadaba chahi ani waatlingeida Israelgi maramda waahei khara taakhi.

2 Amosna haaykhi, "Eeshorna Zion haayna kouba chingdagi nongshana khongbagum khektharakkani. Jerusalem haayna kouba maphamdagi ebungngogi yawaa khonjen thorakkani. Yaaoshenba shinggi shajik pijapungna tengtha naoigani. Carmel haayna kouba loibi chinggi chingdondu patthagani. "

Israelgi khullonnabada ebungngogi chekshinwa

Syria

3 Eeshorna asumna yaathang taothabiri: "Damascusna mashing laakngam-draba ayol-araan toukhibagi maramna eina makhoygi mathakta pigadaba awaaphamdu pidaba touraroi. Maramdi yotki cheirong cheiphang paayduna makhoyna Gileadpu phoubom yeibagum yekhre."

4 Maramsina Hazaelgi emung manungda eina khambi meijao amaa thaagani. Masina Benhadad haayna kouba lamgi ningthou konungbu chakthektuna utki mapeigum maanghan-gani. 5 Damascus haayna kouba lamdugi thongak cheidu eina ngamnamak thudekkani. Aven haayna kouba lamdugi tampaakta taariba mishingbu lepnamak thaangshaangna yendem shorat shoibagum shoigani. Betheden haayna kouba lamdugi leibaakki khoiri chup paayba angamba masu ngamnamak thanggi mayada chatkani. Syria haayna kouba lamduda leiba mishingsu kir haayna kouba lamduda loina chatkani" masimak Eeshorna taakpiri.

Philistia

6 Eeshorna asumna amukkasu taakpiri Gajana mashing laakngamdraba ayon araan toukhibagi maramna eina makhoygi mathakta pigadaba awaaphamdu pidaba touraroi maramdi Edom haayna kouba lamduda Syriagi mi pumbadu yonthoknabagidamak loi oin pui.

7 Maramsina eina Gazagi lamkhei takliba pallida khambi meijao amaa thaagani. Haayriba khambi meisina Gazagi ningthou konungbu ngamnamak utki mapei oihan-gani.

8 Asdodta leiriba praja miyaam pumbaa yendem shorat shoibagum shoigani. Askelon haayna kouba lamdugi leibaakki khoiri chup paayba angamba mabusu lepnamak kakthatkani. Ekrongi mayoktagi eigi khut leithokkani. Philistishinggi maroi manaao leihoubashingsu lepnamak mangtakkani."

Tyre

9 Eeshorna amukkasu asumna taakpiri: "Tyrena mashing laakngamdraba awaaphamdu pidaba touraroi. Maramdi makhoyna Edomda mi mayaam amabu yon-thokhre. Makhoyna machin manaao oibagi thamba areppa waashaktu malang khonggaonakhre.

10 Maramsina eina Tyregi lamkhei takliba pallida khambi meijao amaa thaagani. Aduga masina maagi ningthou konungbu utki mapeigum chakthekkani."

Edom

11 Eeshorna asumna amuksu taakpiri: "Edomna mashing laakngamdraba ayon araan toukhibagi maramna Eina makhoygi mathakta pigadaba awaaphamdu pidaba touraroi, maramdi mahaakna thou-jan erik amaa phaaoba yaaodana thaangshaang paayduna maagi machin manaao oiriba leibaak Israelbu tannei. Maagi ashaaobadu meirigi matougum thamoidagi thorak-e, aduga madu loiba naaidana maagi thamoinungda omduna thammi.

12 Maramsina Temangi mathakta eina khambi meijao amaa thaagani. Aduga masina Bozrahgi ningthou konungbu tumna utki mapeigum maanghan-gani."

Amon

13 Eeshorna asumna taakpiri: "Amonshingna mashing laakngamdraba ayon araan toukhibagi maramna eina makhoygi mathakta pigadaba awaaphamdu amuk haanna pidaba touraroi maramdi makhoyna makhoygi lam pakthoknabagidamak mironbi nupi kayabu Gilead haayna kouba lamduda waaraba khurou erou chelhankhre.

14 Maramsina eina Rabbahgi pankhei khangnaba pallidugi mathakta khambi meijao amaa thaagani. Masina laan shoknaba loubuktagi thoklakpa laao khongbagi khon-jel aduga nonglei nungshit laakpada ngarang ngarang laaobagi khonjengum laaktuna Rabbahki ningthou konungbu utki mapeigum tumhn-gani.

15 Haayriba lamshingsigi ningthoushing aduga makhoygi machaashing loinamak loida chatlagani."