2 Chronicles 6
Solomonna miyaamda piba paaoutaak
(1 Ning 8:12–21)
1 Maasi ubada ningthou Solomonna haayjarammi, "he Eeshor leichin amadi amaambada Ebungngona leibiri.
2 Houjikti nanaaina ebungngogi damak thoidokna ningthijaraba mapham amaa sajare. maasida matam leiba khibikta Ebungngona ngan-thoibiba oisanu."
3 Matamsida Israelgi mishing maphamduda leptuna leirammi. Tilliba Israelgi miyaamduda onsinduna ningthouna bor pibikhi.
4 Mahaakna haayrammi, "Israelgi Eeshordu matik magun chaaoba oisanu maramdi ebungngo mahaakna epa ebungngo Davidta shakpikhiba waashaktu ngasidi thunghanbire.
5 Ebungngona taakpikhi: Egypttagi eigi mishingbu eina puthokkhiba numitudagina ngasi phaaobada eigi minglengi matik magundu ngaanthoinaba Israelgi Jaatshinggi marakta eigi ningnashang sannaba saahar amatta khankhide. Aduga atoppa kanaagumba amattasu eigi mishinggi mathakta ningthou oinaba khandokkhide.
6 Adubu ngasidi eibu khurumjanaba maphamsi Jerusalem-sini haaybadu nakhoyda khanghalli. Davidpu eigi mishinggi mathakta ningthou oinanaba khandokkhi."
7 Masigi makhaada Solomonna haayrammi, "Israelgi Eeshorgi minglen thaagatnabagidamak epa Ebungngona ningnashang amaa shaage ningkhi.
8 Adubu Eeshorna epa ebungngoda taakpikhi: Nahaakki thamoida eigidamak ningnashang amaa shaage haayna lepkhibadu yaamna phaare.
9 Adubunahaakna ningnashangdu shaaba yaaroi. Nahaakki nachaa-nupaana eigidamak ningnashangdu sagani.
10 Houjikti Eeshorna shaakkhiba waashaktu thunghanbire. Eigi epa ebungngo Davidki mahutta Eeshorna waashakpikhiba matung ennaa Israelgi phambaal tonghanbire. Israelgi Eeshorgi minglenda Eina ningnashang amaa sajare.
11 Ningnashangdugi manungda eina ebungngogi phambaaldu pusinjarakle. maasida Eeshorna Israelga shaknakhiba areppa waashaktugi khudamdu leiri.
Solomonna haayjaba
(1 Ning 8:22-23)
12 Maasi haayraba matungda Israelgi tilliba miyaamgi mamaangda Eeshorgi phaankhong manaakta leplammi. Mahaakna makhut tingthokcharammi.
13 Solomonna sumang mayaaida thamnanaba pithraaigi phambak amaa shaarammi. madugi maraak mayung metre aniga point ani oirammi. Mahaakna haayriba phambaksida kakhatladuna miyaamna ubaa maphamduda khurukhudak kulladuna nongmadonda makhut thaanggatladuna 14 Haayjarak-e, "he Eeshor Israelgi Eeshor, Koirou amadi maalemsida nahaakkumba Mapu amaa leitre. Nahaakki areppa waashak amadi chetna channa nungshiba thawaay hakchaang yaaonanahaakki namaangda chatchariba nanaaishingda pinabi.
15 Eigi epa nanaai Davidta utpikhiba pumnamak Ebungngona ngaakna chatkhi. ashengbamak Ebungngona waa ngangbikhi. Aduga ebungngogi nakhutmakna haaybikhiba waashingdu thunghanbire.
16 Maramsina he Eeshor Israelgi Eeshor, eigi epa nanaai Davidta Ebungngona waashakpikhibadu ngaakna chatpiyu. Ebungngona taakpikhi: Karigumba nahaakki nachaashingna chekshinna nahaakna toukhibagumna eigi yaathangdu hiktoktana chatlabadi, nahaakki natungda laakkadouba ningthoushingdu eigi emangda phambaal tongba matamda leikha taaroi.
17 Maramsina he Eeshor Israelgi Mapu, nahaakki nanaai Davidta taakpikhiba waashingdu ngasisu ngaakna chatpiyu.
18 "Ashengbamak Eeshorbu maalemsida Khwaaidagi waanglaba amadi pakchaoraba koirouthaksina ebungngobu yomsinba ngamde. Adu oirabadi nanaaina sajariba ningnashangsidi karisu natte.
19 He Eeshor, epuroi ebungngo, nanaaina ebungngogi khuyaakhaada khurumjariba amadi nijariba hiram shingsida Ebungngona pukning changna tabiyu.
20 Ahing amadi nungthin animakta ningnashangsida mityeng tabiyu. Maphamsimak ebungngogi minglendugi matik chaabaningnashangni haayna leppikhibaduni. Maphamsidagi nanaaishingna khurumjabadu Ebungngona loushinbiyu.
21 Maphamsidagi nahaakki nanaai oijariba eina amadi ebungngogi mi oiriba Israelna haayjaba matamda pukning changna tabiyu. ashengbamak Ebungngona ngaanthoibiriba koirouthaktudagi tabiyu. Yollaba kaada nanaaishingbu ngaakpiyu.
22 " Kanaagumba nupaa amanaa yumlonnaba nupaa amagi maphamda araanba shaajat chaatluraba, aduga ebungngogi ningnashangsigi phaankhonggi maangda mahaakpu waashak saakhi pinnaba purakpa matamda adugumba nupaaduna waashakpa matangda
23 Koirouthakta ngaanthoyduna leiriba ebungngo adugumba nupaaduna shakpa waashaktu Ebungngona tabiyu. Ebungngogi nanaaishingbu waayenbiyu. Makhoyna touba araanba thabakki maheidu makhoygi makoktta taahanbiyu. Achumba touba midubuna achumbadugi mahei oinaa bor pinabiyu.
24 "Karigumbada Israelda leiriba mishingsina araanba thabak tourubadagi yeknabashingna maaythiba pikhrabadi, aduga makhoyna gyaan tana lalle khangjaraduna ebungngo nahaakki nakada changjaraklabadi,
25 Koirouthaktagi Ebungngona makhoyna haayjabadu tabiduna ebungngogi mi oiriba Israelna toukhiba araanbadu kokpiyyu. Makhoygi mapaa mapuda amadi makhoyda Ebungngona pibigani taakpikhiba lamduda makhoybu leihanbiyu.
26 "Makhoyna ebungngogi mayokta araanba touduna karigumbada koirouthaksi thing-khiduna nong marik amaa phaaoba tadrabada, makhoyna ningnashangsigi manungdagi haayjarakpa thoklabadi, aduga ebungngogi minglendu sonjaduna makhoygi araanba laambeldu thaadokkhrabadi,
27 Koirouthaktagi Ebungngona makhoyna haayjabadu tabiyu aduga ebungngogi nanaaisu oiriba aduga ebungngogi misu oiriba Israelgi mishingbu ngaakpiyu. Makhoyna chatkadouba aphaba laambeldu tambiraba matungda maalemsida nong amuk haanna taahanbiyu. Maramdi miyaamsi ebungngogi nanaaishingdugi machaa-masushingni.
28 " maalemsida chaak tangba thoklaba, laaichat thoklaba, nattraga anaaba achouba thokpa nattraga unkha taaraba, nattraga koujeng harou taaraba, nattraga makhoyna leiriba saahardu yeknabana laakshinkhraba, khudong thiba hek thokpa matamda
29 Mi amanaa nattraga Israelgi mishingna masha mashaagi amadi miyaamgi marandu khangjaduna ningnashangsigi manungdagi makhut tingthokchaaduna naphamda haayjaraklabadi,
30 Ebungngona ngaanthoibiriba koirou-thaktagi makhoyna haayjabasi tabiduna makhoyna toukhiba maranshingdu kokpiyyu. Manaa manaa toujaba thabaktugi matung ennaa thamoidu chaang toubiraga bor pinabiyu. (Ebungngona mioibagi thamoibu khangbiba ngammi.)
31 Adu oirabadi Ebungngona eikhoygi epa epushingda pinabikhiba lamsida makhoyna leijabada ebungngobu kina chatchaaduna laakkadouba numit shingda ebungngogi aningbadu makhoyna touba ngamgani.
32 "ebungngogi mini haayna leiriba Israel machaashing nattaba kanaagumba lamlaanba mina athaappa lamdagi ebungngogi matik magun leiraba minglen, angakpa thabakshing toubikhiba, ebungngogi matik mayaaidu yengduna ningnashangsida changjaraklaga haayjarabadi,
33 Adugumba nupaaduna haayjarakpa matamda Ebungngona tabiduna kubiyu. Adu oirabadi maalemsida leiriba mi khudingna ebungngogi matiktu khangba ngamgani. Maalemsida Leiriba mishingna ebungngogi minglendubu kina khn-gani. Makhoysu ebungngogi mishing oiriba Israel machaashingna toubagumna nollukkani. Adu oirabadi nanaaina sajariba ningnashangsi ebungngogi minglengi matik magun louduna shaabani haayba khanggani.
34 "ebungngogi aningba matung ennaa karigumba nanaai, oiribashingsina laan thengnaba chatpa matamda, Ebungngona khandokpikhraba saahar amadi nanaaina sajariba ningnashangsida mamaay ollaga haayjaba matamda,
35 Koirou nongmadondagi makhoyna hakjaba amadi khurumjabadu Ebungngona thunghanbiyu.
36 "Ayon araan toudaba mi leitba hounadabanina karigumba makhoyna ebungngogi aningbadugi mayokta araanba thabak tourabadi, aduga madugi mahei oinaa karigumbada Ebungngona makhoybu shaaorabadi, aduga yeknabagi makhutta makhoybu pithokpirabadi, amadi makhoybu anakpa nattraga athaappa maphamda laanpha oinaa pukhrabada
37 Makhoybu laanpha oinaa pukhibaduna leiriba lamdudagi maraal haaydokchaaduna ebungngogi naphamda haayjaraklabadi, aduga asumna haayjarabadi, "Nanai eikhoy phattaba thabak touduna ebungngogi maphamda laankhre."
38 Aduga makhoybu laanpha oinaa thamliba lamdudagi mapukchel shengna maraal haaydokchaaduna Ebungngona khandokpikhraba saahar amadi ningnashangsida olladuna khurumjaraklabadi,
39 Ebungngona ngaanthoiriba koirou-thaktagi makhoyna haayjabadu tabiyu aduga makhoyna ebungngoda nijarakpadu thunghanbiyu. Makhoyna ayon araan kayaa toukhrabasu ngaakpiyu.
40 He epuroi, nanaaishingda mityeng tabiyu aduga maphamsida ngasi thounijaribasi kubiyu.
41 He epuroi, Eeshor, lengkhatlasi aduga Ebungngona ngaanthoinanaba chaaoraba natik nagungi urong oinaa thajariba phambaalsida. He epuroi Eeshor, ebungngogi seba changjagadouriba purohit shingsi thoujaanbiyu.
42 Epuroi Eeshor, Ebungngona khandokkhraba ningthoudu thaadokpiganu. Matam leibada nanaai Davidpu Ebungngona nungshina toubikhibadu kaobiganu.