Matthew 11
11 Amasung matou asum thoklare, Jesus-na mahaakki sebok taraanithoi aduda taakpiba loiraga, ebungngona mapham adudagi makhoygi sahar saharda tambiba amasung paao saandokpa lengthok-khi.
Buptized toubiba John-gi waahang amasung Jesus-gi paaoukhum
( Luke 7.18-35 )
2 Amasung Johnna keisum-sangda Christagi thabaksing adu taaraga, mahaakki sebok-singbu thaaraktuna ebungngo-da hanggathalammi, 3 Lenglakliba adu ebungngora, nattraga eikhoyna atoppa amabu ngaaijakhigadra? 4 Amasung Jesus-na makhoyda khumlak-e, nakhoyna ubaa amasung taaba pumnamak adu chat-tuna, Johnda tammu; 5 mittaangbasingna ujari, khongtekpasingna koijari, kusthi thungbasingna sengba phangjari, naa-pangbasingna taajari, asiba-singbu hinggathalli, saandokliba aphaba waapaao adu laairaba-singbu taahanbi. 6 Amasung eingonda khudi thidaba mahaak adu yaaiphabani.
7 Amasung makhoyna chatkhrabada, Jesus-na miyaam aduda John-gi maramda haayba hourakle, nakhoyna lamjaaoda kari unaba chatlubage? Nungsitna lenghanba seeng-utpura? 8 touegumsung nakhoyna kari unaba chatlubage? Amonba phi setpa mi amabura? Yeng-u, amonba phi setpa makhoy adudi ningthou-singgi saanggaida leibani. 9 touegumsung karigi chatluribano? Eesor-gi waa taakthokpa amabu yengnanabara? hoy, eina nakhoyda haayri, mahaakti Eesor-gi waa taakthokpa amadagi helli. 10 maasi mahaak aduni, mahaakki maramda eduna lei, maadudi, yeng-u, eina eigi paakhonseebab nanggi namaangda thaay; mahaakna nanggi namaangda nanggi lambi semgani. 11 Eina nakhoyda thaanggei sengna haayribani, nupi-singna pokpaa makhoy adugi marakta buptized toubiba Johndagi henna chaaoba kanaasu phaaokhidri. Adum oinamak swarga leibaakta khawidagi henna pikpa mahaak aduna maangondagi henna chaaoi 12 Amasung buptized toubiba John-gi matamdagi houjik phaaoba swargagi leibaak asi paanggalna laaksilli, amasung laaksillibasing aduna maadu namduna louri. 13 maramdi Eesor-gi waa taakthokpa sing pumnamak amasung waayel yaathang aduna John phaaoba taakthokpikhre. 14 Amasung nakhoyna louge ninglabadi, laakkadouriba Elijah adu mahaakni. 15 manaakong paanba mahaak aduna tajaasanu. 16 Amasung eina miron asibu karida chaangdam-nagadage? maasidi asigumba angaang-singga maannei, makhoyduna keithenda phamduna makhoygi mapaangsingbu kouduna haay; 17 maadudi, eikhoyna nakhoygi damak baangsi khongle. adubu nakhoyna jaagoi saade; eikhoyna tengthaare adubu nakhoyna thabaak yeide. 18 maramdi Johnna chaada-thaktana laaklammi amasung makhoyna mahaakpu bhut pubani haay. 19 migi machaa nupaa aduna chaa-thaktuna lengbirakle, amasung yeng-u, pukchaaoba amasung yu thakpa, khaajana thoubaa-sing amasung paap chenba-singgi marupni, haayna makhoyna haay. amasung lousingbu maagi thabaksingna chummi haayna utle.
Thaajadabasingbu waarakpa amasung potlum pubasingbu koubiba
( Luke 10.13-15; Luke 10.21,22 )
20 Matung aduda ebungngona mahaaki ayaamba toungamdaba thabak toukhiba sahar saharbu paaothangnana cheiba hourakle; maramdi makhoyna mapukning honglamde. 21 He Chorazin, nangonda awaabanida! he Bethsaida, nangonda awaabanida! maramdi nakhoyda toukhiba toungamdaba thabaksing adu Tyre amasung Sidonda touramlabadi, makhoyna adungeida thouri phi settuna amasung ut teiduna mapukning honglamgadabani. 22 touegumsung eina nakhoyda haayri, waayelgi numitta nakhoydagidi Tyre amasung Sidonna henna saaphagani. 23 Amasung he Capernaum, nangdi swarga phaaoba waangkhatkadra? Nangdi khamnung leibaak phaaoba kumthagani; maramdi nangonda toukhiba toungamdaba thabaksing adu Sodomda touramlabadi, houjik phaaoba Sodom leiramgadabani. 24 touegumsung eina nakhoyda haayri, waayelgi numitta nangondagidi Sodom leibaakna henna saaphagani.
25 Thoudok asida Jesus-na haayrak-e, he epa, swarga amasung Prithibigi Eesor, eina nahaakpu thaagat-chari; maramdi nahaakna hiram sing asibu asingbasing amasung akhngbasingdagi thuptuna thamlaga angaang machaasingda phongdokpire. 26 hoy, epa, maramdi masina nahaakki mityengda apenbani. 27 hiram pumnamak eigi epaana eingonda sinnabire; amasung mapaa adu nattana machaa nupaa adubu kanaanasu khangde, adugaa machaa nupaa adu amasung machaa nupaa aduna maangonda phongdokningba kanaagumba adu nattana, kanaanasu mapaabu khangde. 28 thabak waana subaa amasung potlum puba pumnamak eingonda changjarak-u, amasung eina nakhoybu pothaahanbigani. 29 eigi potpu nathakta thongu, amasung eingondagi tamjou; maramdi eidi pukning tapi amasung thamoi nemmi; amasung nakhoyna nakhoygi thawaayda pothaba phangjagani. 30 maramdi eigi potpudi laay, amasung eigi potlumdi yaangi.