2 Peter 1
Peterna iba anisuba lairik
Khurumjaba. Christianna phanglaba matik amasung chatkadaba lamchat
1 Jesus Christagi minai amasung Pakhonchatpa oiba Simon Peterna eikhoigi Ishorsu kanbiba mapusu oiba Jesus Christagi dharmachenbada eikhoiga loinana mamal tuba mannaba thajaba phangminnabasingda:
2 Ishorbu amasung eikhoigi prabhu Jesusbu changkhonna khangbada thoujal amasung ingthaba nakhoida yamkhatpisanu:
3 Maramdi Ibungogi Ishorgi oiba panggalna, Ibtmgomakki matik mangal amasung aphaba matouna eikhoibu koubiraba Ibungobu changkhonna khangbagi mapanna, hingbagi amasung Ishor ningbagi oiba pumnaniak eikhoida pibire; 4 Matik mangal amasung aphaba matou asigi mapanna Ibungona eikhoida mamal luraba amasung thoidok hendokna chaoba waleppa khibik pibire; aduna asisinggi mapanna nakhoina apaibana taibangpanda leiriba amangba adudagi hinghouduna, Ishorgi oiba mahousagi saruk phangminnabasing oiraknanabani.
5 Aduga maram asimakki damak nakhoina yamna maram okpa oiduna, nakhoigi thajabada aphaba matou, nakhoigi apha matouda khangba, 6 Nakhoigi khangbada nasa khudum chanjaba, nakhoigi nasa khudum chanjabada khangheiba, nakhoigi khangheibada Ishor ningba, 7 Nakhoigi Ishor ningbada nachin nanaogumna channaba, amasung nakhoigi nachin nanaogumna channabada nungsiba hapchillu. 8 Maramdi pumnamak asi nakhoigi oiduna yainkhatlabadi, eikhoigi prabhu Jesus Christabu changkhonna khangnabagi damak masisingna nakhoibu atanba amasung mahei yandaba oihalloi. 9 Maramdi pumnamak asi leitaba midi, mahakki ariba paptagi sengdokpiba adu kokhiduna, nakna leibata uba mittangbagumbani.
10 Maram adugi damak, ichin inaosa, nakhoibu koubiba amasung khan gatpiba adu chethannanaba henna maram ok-u; maramdi nakhoina asising tourabadi, keidoungeidasu khudi thiroi. 11 MaraMdi asum touna eikhoigi Prabhusu kanbiba mapusu oiba Jesus Christagi lomba naidaba leibakta changnaba nakhoida marang kaina pibigani.
Petergi siba naksillakpa. Petergi marannaigi amasung Ishorgi wa takthokpasinggi sakhi
12 Maram adugidamak nakhoina ishingbu khangduna, nakhoida leiriba achumba aduda chetna leirabasu, nakhoibu asisinggi maramda ningsinghannaba matam leiba khibikta ei thourangda leigani. 13 Amasung eina phigi yum asigi manungda leiringei, makhei nakhoibu ningsinghannaba insinba chummi haina ningjei; 14 Maramdi eikhoigi prabhu Jesus Christana eingonda takpikhibagumna, eigi phigi yum thadokpa matam adu thuna lakli haiba eina khangi 15 Aduga eigi thawai lankhiba matungda matam khudingda nakhoina pumnamak asi ningsingba ngamnanaba eina ngambamakhei hotna jagani.
16 Maramdi eikhoina eikhoigi prabhu Jesus Christagi panggal amasung lengbirakpa adu nakhoida khanghanba matamda marei marana semba warisinggi matung injade, adubu eikhoidi Ibungogi achouba matik adu mitmakna ujabasing oirakle. 17 Maramdi Ibungona mapa Ishordagi ikaikhumnaba amasung matik mangal phangjabada, chaoraba matik mangaldagi asigumba khonjel asi thoklak-i, masi eigi athanba icha nipani, mangonda eina yamna pelle; 18 Amasung eikhoina Ibungoga asengba chingda leiminnaringeida, khonjel asi sargadagi thoklakpa eikhoimakna tabani.
19 Aduga eikhoida leiba Ishorgi wa takthokpagi Wa adu henna chethanbani, wa asina nakhoina, nongngandriba phaoba amasung nakhoigi pukningda sajik thoktriba phaoba, amamba maphamda thaomeida pukning changbagumna chinglabadi, nakhoina phajana tou. 20 Sastragi takthokpa wagi handokpa adu pukthoktagi kari amata thokte, haiba asi hanna khangu. 21 Maramdi Ishorgi wa takthokpa kari amata mioibagi ningbadagi khak thokte, adubu thawai asengbana tongbiduna mioibasingna Ishordagi ngangle.