Ezekiel 24
Kolhing karaba thongnab patra
1 Mapaanshuba chahigi taraashuba thaagi taraani paanba numitta Eeshorna eingona taakpirakpa waashing:
2 He nupaa, ngasi kouba nongsi esinduna thammu. Babylongi ningthouna Jerusalemgi mayokta ngasi kouba nongsida laandakle.
3 Mangak kallaba mishingsigi maphamda waa machang yaaoba waari amaa libiyu, makhoyda haayyu Eeshorna asumna taakpiri: Meithakta khangjao amaa thaanggatlu, maasi thaanggatlaba matungda manungda eeshing heiyu,
4 Masigi manungda happu shadongshingdu, happu khan-gatlaba shaa machetshing maphaigan amadi marengjumgi anoibadu, masigi manungda khandoklaba sarushingdusu happu,
5 Shanggulaktagi khan-gatlaba amaa puraklo masigi makhaada shing peikhatlo, masigi machet machet kaklaba shadongdu meida lollu, masigimanugda sharudusu yaaohallu.
6 Eeshorna taakpiriba waaphadu asini.: Eina loukhong oinaa chelliba saahar amadi manungda amotpa yaamna leiraba shengdoktunasu amotpa kokpa ngamloidaba patradugi khallubada awaabagi mashakni. Apaamba yengduna masigi manungdagi shaa machetshingdu amam-mam oinaa loukhatlu.
7 Mahaakna taahankhiba eedu houjik phaaoba leiri, taahankhiba eedu mahaakna ahaangba loibi chingda thamkhi. Leimaayda tahanduna maasibu uphulna kupshinnaba hotnakhide.
8 Eihaak shaaoraktuna lamna khumba yaanaba mahaakna thok-hankhiba eedu eigi chingmaida taahalle. Maasibu kupshinba yararoi.
9 Maramsina Eeshorna asumna taakpiri: ee naaina thallaba saahardu awaabagi mashakni. Masigi manungda peikhatkadouriba mayaamdu eina mashing hen-gathan-gani.
10 Shing peikhatlo, aduga maduda mei churo. shadongdu phajanaa londuna mahi chingthoklo, amsigi matungda sarushingdu phajanaa ngouro.
11 Haayribasi touraba matungda loutharaga meithakta thamduna Amukka shaagat-hallo. Adu oirabadi masigi manungda leiriba konthidu taanthoktuna manungda amotpa leirambadu mangkhigani.
12 Adubu arembada eina warure maramdi masigi manungda leiriba amotpasi meina kokpa leite.
13 Maasida pakliba amotpasi nakhoyna touba phattaba thabakki maheiduni. Eina nakhoybu shengdokpinaba laaknakhrabasu nakhoyna hongba leikhidrabanina houjikti eigi ashaaobasigi meiri nakhoygi nathakta murtiba phaaoba nakhoy shengdokpiraroi.
14 Eeshor oiriba eina haaykhiba waashingsi shoydana thokkadabani, eina haaykhiba waashingdu shoydana paangthokkani. Eihaak ninghannaba leiroi. Eina lemna thaadokloi. Eihaak ningamdaba laaktuna haanba touraroi. Nakhoyna toukhiba thabak amadi naramchatshingdu yengduna eina nakhoygi nathakta waayen-gani. Masimak Eeshorna taakpiri.
Maaichougi nupi shiba
15 Eeshorna eingonda haaybirakpa waashing:
16 He nupaa, yeng-u, thoudok amada nahaakna yaamna pamjariba potshingdu thaapna thamkhigani. Adubu haayribasi touba matamda nahaak tengtha nao-oidua namittagi naapi taroidabani.
17 shor phuina honba yaai adubu mi taanaba honba yaaroi. Nonggakhrabashingdu ningshingduna tengthaaba yaaroi. Nakokta koyet yetladuna nakhongda khongngup upsillu. Nachinda khadaangchet laakshin-ganu. Aduga tengthaaribashingna chaaba taldu charoidabani.
18 Asumna eina mishingda ayukta waashingsi haayrammi. Numidaang-waaigi matamda eigi nupi nonggaakhi. Mathanggi ayukta eina toukhiba yaathangdugumna eihaak chattharammi.
19 Mishingna eingonda haayrammi, "Nahaakna touribashingsigi machang oiba waadu eikhoyda taakpiraroidra?
20 Matamduda eina makhoyda haayrammi, " Eeshorna eingonda haaybikhiba waashing:
21 Israelgi mishingda haayyu, Eeshorna asumna taakpiri: yeng-u, eina eigi ningnashangdu mangthoklagani. Nakhoygi napaanggal amadi napangi nungaaipham oiriba pottu eina leihalloi. Nakhoygi nathawaayna taajaraba potshing nakhoyna thamnaba nachaa-nupaa amadi nupishing loynaba thanggi mayada taahallani.
22 Eina toukhibasigumna nakhoysu tougani, nakhoyna nachinda khadaangchet laaklaroi. Aduga ashibashinggi oinaa nakhoyna katpa taldusu chaaba yaade.
23 Nakokta kokyet yetkani. Nakhongda khongngup tongani. Adubu nakhoy tengtha naoiroi. Ahoinadum awaaba meishaa laangladuna amanaa amada yenglaga laaoduna leigani.
24 Ezekielna nakhoygi namaangda oiriba khudamdu masini. Mahaakna toukhiba pumnamaktu nakhoyna tougadabashingni. Haayribashingsi thoklaraba matamda makhoyna Eisi Eeshorduni haayba khangadabani
25 He nupaa, eina makhoygi maphamdagi makhoygi lanba, makhoygi nungaaiba amadi matik mayaaishing, mathawaayna yaamna tajariba potshing, thamoida yaamna pamjana toujariba potshing, aduga makhoygi machaanupa amadi nupishingbu tumna manghannaba numittuda,
26 Kanaagumba michen amanaa nahaakki naphamda paao taaknanaba chellakkani.
27 Haayriba numitsida chellakliba nupaadugi maphamda nahaakna nachinna waa haaygani. Matamduda nahaak tuminna leithokpa yaaroi. Masini nahaakna makhoygi maphamda oigadouriba thoudoktugi khudamdu matamduda makhoyna eisi Eeshorni haayba khanggani.