Exodus 14
Suez turenda laanthokpa
1 Eeshorna Mosesda haayrammi,
2 "Israelgi mishingda Pihahiroth kouba mapham, Baalzephongi mamaangda leiriba aduga Samudra amadi Migdolgi marakta leiba maphamduda laanban amaa shaaro haayyu. Samudra mapaan nakna haayriba lamsida nakhoyna laanban amaa shaagadabani.
3 Pharaohna Israel machaashinggi maramda asumna haaygani: Israelgi mishing houjikti awaaba taaragani. Tamthiraba leibaakshinggi amadi lamhaangda makhoy ayaamba shigani.
4 Eina Pharaohbu enshin-gani maramsina mahaakna makhoybu tannarakkani. Matamduda Pharaoh amadi mahaakki phamnaaibashinggi mathakta laan-ngam phiran thetkani. Egyptta leiriba mishingna Eisi Eeshorduni haayba khanggani. Makhoyna yaathangsigi matung ennaa thabak pumnamak chattharammi.
5 Egyptki ningthouda Israelgi mishingdu chenkhre haayna tamlaba matamda Pharaoh amadi mahaakki manaaishinggi pukning hongkhi. Maramsina makhoyna haayrammi, "Israelgi mishingbu minaai naaithaang kokhanduna eikhoyna makhoybu chathankhibasi karigino."
6 Maramsina Pharaohna dolai thouraang touraga laanmi puduna laakkhi.
7 Pharaohna khan-gatlaba dolai 600 Aduga areiba dolai ateiga manaaishing tonghanduna laakkhi.
8 Eeshorna Egyptki ningthou Pharaohgi thamoidu kalhankhi. Maramsina Israelgi mishingna laakchana tourammi haayba waakhansiga loynanaa tannarammi.
9 Egyptta leiriba Pharaohgi shagol laanmi, dolai leng amadi khong laanmi puduna makhoybu tanakhi. Makhoyna Israelgi mishingbu Baalzephongi mamaangda shang shaaduna Pihahiroth kouba maphamda leirambadu phangkhi.
10 Pharaohna nakna changsillaklaba matamda Israelgi mishingna makhoybu urammi, maramsina Egyptki laanmi shingna makhoyromda taksillakpadu ubada haayningngai leitana kirammi. Matamduda Israelgi mishingna Eeshorda haayjarammi,
11 Makhoyna upai leitraduna Mosesda haayrammi, "Egyptta mongpham leitbadouna nahaakna eikhoybu lamhaangsida shinanaba puraklibra? Egypttagi nahaakna eikhoybu purakpasida houjikti kari thokle?
12 Masina nattra Egyptta leiringe matamda eina nanggonda eikhoybu ethin pibiganu haayjakhibadu. Eikhoy Egyptki mishinggi minaai oiduna adum leijahouge haayjakhiba nattra? lamhaangsida thawaay thagadoubagi shaarukpudi eikhoy Egyptta minaai oibana henna phei.
13 Mosesna mishingda haayrammi," kiganu. Pukning hongganu. Ngasi kouba numitsida Eeshorna nakhoygi damak paangthokkadouriba aran khubaamdu yeng-u. Nakhoyna ngasi uriba Egyptki mishingsi keidoungeida ubaa phangloi.
14 Eeshorna nakhoygi damak laan shoknagani maramsina nakhoy tuminna leiyu."
15 Eeshorna Mosesda haayrammi, "Eingonda karigidamak nahaak kaplibano? Israelgi mishingda makha chatthanaba paaoutaak piyu.
16 Nahaakna paairiba cheidu thaanggatlaga samudragi eyaaida phuro. Asumna tourabadi eeshingdu mayaaida tangkhay taahan-gani. Samudrada Israelgi mishingna chatpa matamda leikangda chatpaga mannagani.
17 Egyptta leiriba mishinggi thamoisi Eina kansilhan-gani. Maramsina makhoyna nakhoybu taannagani. Matamduda Pharaoh amadi mahaakki shagol laanmishing dolai leng amadi khong laanmishinggi mathakta eigi etik eyaaidu utkani.
18 Pharaoh amadi mahaakki dolai amadi shagol laanmishinggi mathakta laan-ngamba matamda Egyptta leiriba mishingna Eisi Eeshorduni haayba khanggani.
19 Israelgi miyaamgi mamaang thaaduna chatlamba Eeshorgi duttuna makhoygi tungda chatlammi. Makhoygi mamaang thaaduna chatlamba leichin matumduna tungda leikhi.
20 Asumna dut amadi leichinna Israel amadi Egyptki mishinggi maraak khankhi. Leichin amadi amaambana kupsinkhi. Kanaagumba amaa phaaoba makhoygi manaakta laakpa ngamkhide.
21 Matamduda Mosesna Samudrada makhut thaakhi. Ahingchuppa Eeshorna Nongpoklomdagi nungshit sithanduna samudragi eeshingdu mayaaida khadokhi. Samudradu leikangla oihankhi. Eeshingdu choina taakhi.
22 Israelgi mishingna samudragi eeshing marakta kangphaanda chatpagumna chatkhi. Yet amadi oyda leiriba eeshingduna chekpangi matougumna leikhi.
23 Egyptki mishingduna makhoybu samudragi eeshing marakta tannakhi. Pharaohgi shagol laanmishing, shagol garigi laanmishing amadi khong laanmi shingna tannakhi.
24 Ayuk oiraklabada Egyptki laanmishinggi mathakta Eeshorna meibun amadi leichindu phaaoduna yengthakhi. Ebungngona Egyptki laanmishingdubu tamthina laaknakhi.
25 Makhoygi dolaigi chakadu lumhankhi. Maramsina Egyptki mishingna haayrammi Israelgi mishinggi mamaangdagi eikhoy chenkhinaba thouraang tourasi. Maramdi Egyptki mishinggi mayokta Eeshorna laanthengnabire."
26 Matamduda Eeshorna Mosesda haayrammi, "samudrada khut tharo. Egyptki mishinggi mathakta makhoygi dolaishing amadi shagol laanmishinggi mathakta eeshing thumkhatlaknaba nakhut thagadabani."
27 Asumna Mosesna samudrada makhut thaarammi, ayuk oiraklabada samudradu haannagi matougumna kanna echel laakpa houkhi. Egyptki mishingna eeshing marakta chongthara klammi. Matamduda Eeshorna Egyptki laanmishingdu eeshingda eraknahankhi.
28 Eeshing chaaona laaktuna Pharaohgi laanmishing shagol laanmishing amadi dolailengnachingbadu eiraknahankhi. Amaa phaaoba hingkhide.
29 Adubu Israelgi mishingna epaaktu lanba matamda kangphaanda chatpagum chatkhi nakanda leiriba eeshingduna yet amadi oyda chekpan gumna ngaktuna leikhi.
30 Matou asumna Eeshorna Egyptki mishinggi makhuttagi Israelgi mishingbu kanbikhi. Israelgi mishingna Egyptki mishingduna samudra mapaanda sina taaduna leibadu ukhi.
31 Israelgi mishingna Egyptki mishinggi mathakta toukhiba angakpana thallaba thabakshingdu ukhi. Maramsina Israelgi mishingna Eeshorbu yaamna kina toukhi.