Genesis 41
Josephna Pharaogi manggi artha hanba
1 Thoudoksigi matung chahi ani pharaba matamda Pharaohna maangda Nile turelgi mapaanda leptuna leirammi.
2 Yeng-u, Nile turendagi matu nanba, masha noiba sanbi taretkhak phaogatlaaklammi. Makhoyna shingmut shingnaang chaarammi.
3 Yeng-u makhoyshingdugi matungda atoppa mayaang kangbi sanbi taret amasu Naildagi phaogatlaaklammi. Makhoyshingduna ahaanbagi tarettugi manaakta Nile turelgi mapaanda leptuna leirammi,
4 Mayaang kangbi sanbi tarettuna masha noibi amadi matu nanbi sanbi tarettu chaathokkhi. Mangsigi matungda Pharaoh mikap thoklammi.
5 Pharaoh amuk tumthakhirammi amasung mang amuk haanna mangba hourammi. Handakna marik chumba chaarong taretkhak paambi amada paallammi.
6 Haayribashingsigi mathangda Nongpoklomdagi sitlakpa nungshitna yeikhraba marik chumdaba marek taaraba chaarong taretkhak phaogatlaaklammi.
7 Chaarong chumdaba tarettuna chaarong achumba tarettubu chaathokkhirammi. Pharaoh masigi matungda mangphaonarammi. Pumnamaksi mang oirammi.
8 Maramsina ayukki matamda mahaak thawaay laangtaknarammi. Mahaakna Egyptki mitrang heiba amadi leibaaktuda leiba ashingba mishingbu koukhatlaga Phraohna makhoyda mangshingdu lirammi. Adubu mangshingdugi artha haanba ngamba kanaasu leiramde.
9 Matamsida chana-thaaknaba pannariba makoktuna Phraohda haayrammi, "ngasidi eigi eransi ningshinglakle.
10 Phraohna nanaaishinggi mathakta shaaoringei matamda eigaa loynanaa tal houbashinggi makkoktuga thaongakpashinggi makokki yumda leiriba keishumshangda leiringeida,
11 Eikhoy ani mang amamam manglammi. Mang animaktu tongaan-tongaanba artha leirammi. 12 Thongakpashingdugi makok oiriba nupaadugi manaai Ibriya amaa leirammi. Eikhoyna maangonda mangdu liba matamda mahaakna artha handokhi. Maagi maagi tongaan-tongaanba mangdugi matung ennaa artha handokhi.
13 Mahaakna handokhiba adugumna thoudoksu thokkhi. Eina ephamda hanjinkhi aduga tal houba nupaaduna thourida chatkhi.
14 Pharaohna mi thaaduna Josephpu kouhankhi. Makhoyna khonglei thuna keishumshangda chatkhraga mahaakpu purakkhi. Mahaakna makoi phandokle maphi hongdokle amasung Pharaohgi maangda thungkhi.
15 Pharaohna Josephta haayrammi, "eina mang amaa manglammi adubu kanaanasu masigi artha handokpa ngamdre. Adubu nahaakki maramda mina haaynaba taare. Nahaakti taaraga manggi artha haanba ngammi haayri."
16 Josephna haayrammi, "madu eigi etik nachade. Adumnadi oirabada Eeshorna Pharaohda matik chaaba paaoukhum pibigani."
17 Maasi taabada Pharaona Josephta haayrammi, "yeng-u, Eina maangda Nilegi torbanda leptuna leirammi.
18 Masha noibi amadi matu nanbi sanbi taretkhak Niledagi phaogatlaklaga shingmut shingnaang chaaduna leirammi.
19 Makhoyshingsigi matungda yaamna phibam thiraba mayaang yaamna kangbi sanbi taretkhak phaogatrakkhi. Haayribashingsi eina Egypt kouba leibaaksida keidoungeida ukhidri.
20 Mayaang kangbi sanbi taretuna masha noibi ahaanbagi sanbi tarettubu chaathokkhi.
21 Makhoyna anoibashingdu chaakhraba matungdasu hannagumna mayaang adum kangduna leiramba maramna kanaanasu makhoyna sanbishingdu chaakhre haayba khanglamde. Masigi matungda eihaak mangphaonare.
22 Eina paambi amada marik chumba chaarong taretkhak panduna leiriba amasu ukhi.
23 Makhoyshingsigi mathangda marek taaraba chaarong chumdaba nongpokki nungshitna phudeklaba taretkhak phaogatlakkhi.
24 Marik chumdaba chaarong tarettuna marik chumba tarettu chaathokkhi. Masimak eina mitrang heibashingda haayre adubu makhoy kanaanasu mangsi artha haanba ngamdre.
25 Josephna Pharaohda haayrammi, "Phraohna mangliba mangsi amattani. Eeshorna Pharaohda tungda tougadaba thabakshingdu taakpire.
26 Masha phabi sanbi taret amadi chaarong chumba tarettuna chahi taretpu takli. Mangdi amattani.
27 Mayaang kngba anoibashinggi mathangda thoklakkhiba sanbi tarettuna chahi taret amaa takli. Asigumba Nongpoklomdagi sitlakpa nungshitna marek taaraba mahei yaaodaba chaarong tarettuna chahi taret amaa takli. maasida chaak tanggani.
28 Eina haayjakhibagumna Pharaohna kari tougani haaybadu masina takli
29 Egyptki leibaaksi thungna mapaan naaidaba chahi taret laakadouri.
30 Adubu mapaan naaidabadu Egyptta kaonakhigani. Chahi tarettugi matungda yaamna tamthiraba chaak tangba amaa thokkadouri. Chaak tangbasina leibaaksi makok mamei khangloi. 31 Chaak tangbadu asukki Matik tamthigani madudi leibaaksida mapaan naaidaba haaybadu kaonakhragani.
32 Pharaohgi mang mannaba ani mangbagi thoidokpa arthadi asini. Masimak Eeshorna thok-han-gadouribani. Haayribasimak Eeshorna ekui kuidana thok-han-gadouribani.
33 Maramsina houjikti Pharaohna thoidok hendokna matik mayaai leiraba kanaagumba heishingba nupaa amabu khallaga Egypt leibaaksigi makok oihanbiyu.
34 Leibaaksi thungna kupna yengshinbinaba mishingdu Pharaohna khanbiba taay. Haayriba mishingsigi mapaanna chaathok leiba chahisidagi mangaa thokpagi amam-mam Egyptki lamsida thokpadu peisilhouba taay.
35 laakkadouba chaathok leiba chahishingsidagi makhoyna chinjaak matik chaana khomjinhouba taay. saaharsida chaananaba Pharaohgi pukei thamgadabani aduga makhoyna haayriba chinjaakshingdu chekshinna shennaba taay.
36 Haayriba chinjaakshingsi Egyptki leibaaksida thokkadouriba chaak-tangbasi thengnadanaba aduga lamsi tumna chaak-tangbada maangdananaba ningthina thamjinba taay."
37 Haayriba waaphamsi Pharaoh amadi mahaakki manaaishingda yaamna khudong chaaba amaa oinaa urammi.
38 Pharaohna minaaishingda haayrammi, "Eeshorgi thawaayna chingliba nupaa amaa eikhoyna mapham ateida phangba ngamgadra?"
39 Maramsina Pharaohna Josephta haayrammi, "Eeshorna nahaakki naphamda pumnamaksi utpikhrabanina nahaakumna loushing leiba amadi heishingba kanaasu leibaaksida leitre.
40 Maramsina nahaak eigi emung manunggi mapu oiba taay. Eigi mishingna nahaakna haayba matung ennaa chatthagani shinghasansigi matangdadi nangondagi eina chaaoba taay."
41 Pharaohna Josephta haayrammi, "yeng-u, Eina nahaakki naphamda Egypt leibaaksi thungna shinnarabani."
42 Maasi haayraba matungda Pharaohna khudombida siriba khudoptu louthoklaga Josephki makhutta pirammi, Pharaohna mahaakpu phajaraba amonba kabranggi phina phijet oinaa sethaallaga sanaagi lik amasu mahaakki mangakshamda sihallammi.
43 Ningthouna mahaakpu mathangda dolai tonghallammi. Aduga miyaamna laaorammi, "khurumjou". Matou asumna Pharaohna Josephpu Egyptki leibaak thungna mapu oihankhi.
44 Asigisu mathakta Pharaohna Josephta haayrammi eihaak Pharaohni. Nahaakki waa taabada Egypt kouba leibaaksida kanaanasu lam henba yaaroi
45 Pharaohna Josephki maming Zaphenathpaneah koukhi. Pharaohna ongi purohit Potipheragi machaanupi Asenathpu mahaakka loynanaa luhongbikhi. Matou asumna Josephna Egyptki lam thungna koyna chatkhi.
46 Egyptki ningthou Pharaohgi thabakta changba matamda Joseph mashaagi chahi 30 shurammi. Josephna Phraoh thaadoktuna Egyptki leibaak thungna chattuna yengkhi.
47 Chaathok leiba chahi tarettugi manungda mahei marong maraang kaina phangkhi.
48 Thoidokna chaathok leiba kumshingdugi potthokshingdu matik chaana khomjinduna Egyptki lamshingda thamjinkhi. saaharshingda haayriba chinjaakshingsi punshinkhi. saahar khudingda mahaakna akoybada leiriba loubukshingdagi chinjaak peisinkhi.
49 Josephna onba ngamdabamakhei samudragi leingoigumna mapaan naaidana chinjaak peisinkhi. Peisinkhiba chinjaaktu mapaan nairamde.
50 Chaak tanggadouba chahi ani waatlingeida Josephki machaanupa ani pokkhi. Haayribasi ongi Purohit Potipheragi machaanupina maangonda pokkhibani.
51 Josephna ahaanba pokkhiba machaanupadu Manasseh kourammi. Mahaakna haaykhi, "Eeshorna eigi awaaba pumnamak kaohanbire aduga eigi epaagi emunggi mishingsu ngamnamak kaohanbire."
52 Anishuba machaanupadugi mamingna Ephraim kourammi. Eina waana khaangba lamsida Eeshorna mahei yalhanbire."
53 Maraang kairaba chahi taret Egypt tana nungaaikhibadu loisinlammi.
54 Josephna haaykhiba gumna chaak tangba chahi tarettu houraklammi. Leibaak khudingda chaak tangba thoklammi. Adubu Egypttadi chaak phangdabadi touramde.
55 Egyptta thungna chaak tangba thoklaklabada mishingna Pharaohda cheng pinaba haayjarammi amasung Pharaohna Egyptki mishingda haayrammi, "Josephki manaakta chatlaga mahaakna nakhoyda tou haayrakpadu paangthok-u."
56 Leibaak shinba thungna chaak tangba thoklabada Josephna pukei pumnamak kaithokpa hourammi. Egyptta thokkhiba chaak tangbadu yaamna tamthiba matou amaa oirammi. Asumna Egyptta leiriba mishingda Josephna chengchak yonkhi.
57 Maalemsi thungna haayriba chaak tangbasi thokkhi. Maramsina mapham ateidagi mishing laaktuna Josephtagi mahei marong leirammi.