Job 6
6 Jobna paokhum pirak-i:
1-2 Eigi awaba amadi anabasi khanda onba yaramlabadi,
3 Ipak achoubagi khongbalda leiriba leingoi mariktagisu hengani,
aduga masi yaramlabadi eigi marik chumdraba wasingsi karisu ngakningai leite.
4 Panggallaba Ipuroiduna eibu tenga thongduna kakkhre tenda happa huduna eigi isa pumba sinba thungdhre. Ipuroina asaobagi meiridu eigi ithakta tahanbirabani.
5 Lolana sajik chajaraga penjei, sanna charu charaga tuminna leithok-i,
6 Adubu maidi mahao leitaba thum thaktaba pottu chaningde? Yerumgi angouba saruktuda kari mahao yaobage?
7 Mathakki asigumna charuba amatta mahao yaodre, Charuba khuding oningi.
8 Eina pamjaba pottu Ipuroina pinabiroidoubagi maram karino? Karigidamak Ibungo mahakna eina haijabadu tabiroidoubano?
9 Ibungona eigi iramda ningbibadugi matung inna sijarabadi nungngaijagani.
10 Karigumba Ibungona masi thunghanbigadoure haibasi khanglabadi haraoduna jagoidum sajagani. Khangdunasu awaba haininggai leitana, adubu eina khangba ama leiri madudi Ipuroidi sengthoibani, Ibungogi yathangdu eina keidoungeidasu indaba leikhide.
11 Taibang chainjak chaduna eina leigadouribasi kanagi mapannano? Asa leitrabada kari touruni asum sangna hingduna leiraga?
12 Eibu nungna sabra? Eigi isasi pithraina yeiduna sembra?
13 Eihak isabu kanjaba panggal leitre, maikei khudingda eibu kanbinaba kanasu leitre.
14 Asigumba khudong thiba taraba matamda lengdaba marup changi, Ipuroi thadokpa nattraga thadoktaba haibasina amani.
15 Adubu hey marupsa, nakhoidi ichelgumna eibu minamli, nong tadaba matamda icheldu ngamnamak kangkhibani.
16 Icheldi unsu thingba ngambani,
17 Adubu meshada thamduna leiriba undu soudokpani, matamduda ichelsu ngamnamak kangkhigani.
18 Utki parengna ishing thibada lambel mangbani, lammangnaduna makhoi leikangladuda siduna tokpani.
19 Sheba amadi temmadagi ut parengna thijari laija mabu, Adubu asa pumba kanglaba ishingkhonggi torbanda loikhibangaktani.
21 Nakhoisi adugumba kanglaba ishing khonggi matougummi, eigi iraibaksi uraga nakhoi ninghannari.
22 Eina nakhoida khudon pot katlanaba haijakhrabara? Nattraga eigidamak kanagumba amagi maphamda senja thumja tourunaba haijakhibra?
23 Nattraga eibu kanagumba yeknaba amagi makhuttagi kanbinaba haijakhrabara?
24 Phare, eigi iran karino hairo, Eihak tuminna nakhoina haibadu tarage.
25 Pukchel sengna haidorakpa wadi louba tabani, Adubu nakhoina ngangliba asidi artha yaode.
26 Eina ngangliba pumba karisu natte ninglabadi, karigidamak awaba taraba eina ngangba wagi paokhum piri?
27 Mapa mama leitabasingdugi mathakta laibak chang tougani, luna tinnaba narupsingdu yonthoktuna peisa tan-gani.
28 Eigi imaida munna yengu, eihak oidaba hairoi.
29 Nakhoina hairibasi amatta natte maramsina chumdabana achumba sabadu toklo. Eibu lalli haibasi haibiganu maramdi eihak aranba ama phaoba toude.
30 Khalli nakhoina eina oidaba ngangi, Aranba nattaba achumba wa ngangbasi eigi ithou nattrabara?