1 Corinthians 6
Christiansinggi marakta wathoknaba
6 Nakhoigi narakta kanagumba amana ateigi mathakta wathok leirabada asengbasinggi mamangda chattaduna dharamachendabasinggi mamangda wayelhannaba thouna haribra? 2 Aduga asengbasingna taibangpanbabu wayelgani haiba nakhoina khangdra? Amasung taibangpanbabu haiba nakhoina wayel tourabadi, piklaba wathok adu nakhoina wayelba matik chadaba oibra? 3 Eikhoina sargadutsingbu wayelgani haiba nakhoina khangdra? Mipal asida oiriba wa adu eina haiba amuk kanaba leibra? 4 Adunadi mipal asida oriba wa adu nakhoina wayelba tarabadi, wayelnanaba singlupta mashing chandabasingbu nakhoina phamhanbra? 5 Nakhoibu ikaihannanaba eina haibani. Karino! machin manaosinggi marakta waroibiba marakta kanagumba asengba mi nakhoigi narakta ilei leitra, 6 Adubu machin manao amana amagi mathakta wakatpa, adusu thajadabasinggi mamangda chatpra?
7 Aduna houjikti nakhoi amana amaga wakatnaba lei haiba asi aoibamak nakhoigi sotthabani. Adugi sarukpudi nakhoina aranba khangbidaba karigino? adugi sarukpudi nakhoibu, lounam touba yabidaba karigino? 8 Touigumsung nakhoi nasamakna aranba amasung lounam toui, adusu nachin nanaosingi mathaktani.
9 Aduga dharmachendabasingna Ishorgi leibak phangloi haiba nakhoina khangdabra? Nakhoibu minamhan-ganu; marumbi thamba, laimurti latpa, mitu miwa lannaba, akhatpa thabak touba, matao taunaba, 10 Huranba, karamba, yu ngaoba, wahei thiba amasung namja namtheknaba, makhoi asina Ishorgi leibak phangloi 11 Amasung nakhoi kharana asigumba oirammi. Adubu eikhoigi prabhu Jesus Christagi mingda amasung eikhoigi Ishorna thawaida nakhoibu chamsu chamthokle, sengsu sengdokle, chumsu chumhalle.
Sengdaba thabakka Christian mipan-ga chunadaba
12 Eihakki damak pumnamak ya yabani, adubu pumnamak kanaba natte. Eihakki damak pumnamak iya yabani, adubu eidi karigumba amagi panggalgi makha ponna leiraroi. 13 Achapotna pukki damakni, aduga pukna achapotki damakni; adubu Ishorna amabusu amabusu manghan-gani. Touigumsung hakchangdi marumbi thabakki damak natte, Prabhugi damakni, aduga Prabhuna hakchanggi dammakni; 14 Amasung Ishorna Ibungo mahakki panggalgi mapanna Prabhubu hinggatpire, aduga eikhoibusu hinggatpigani.
15 Nakhoinakhoigi hakchang adu Christagi kayatni haiba nakhoina khangdabra? Adunadi Christagi kayat adu eina louthoklaga oktabigi kayat oihan-gadra? Madu khak oidasanu. 16 Aduga oktabida napsinba mahak aduna maga hakchang amata oi haiba nakhoi khangdabra? Maramdi Ishorna hai, ani aduna hakching amata oigadabani. 17 Touigumsung Prabhuda napsinba mahak aduna Prabhuga thawai amata oi.
18 Marumbi thabaktagi chenthok-u Mina touba pap khuding hakchanggi mapandani; adubu marumbi tinnaba mahak aduna mahakmakki hakchangbu yeknaduna pap toubani. 19 Aduga nakhoi nakhoigi hakchangdi nakhoina Ishordagi phangba, nakhoigimanungda leiriba thawai asengba adugi asengba shangni haiba nakhoina khangdabra? Aduga nakhoidi nakhoi narannaigi natte; 20 Maramdi nakhoibu mamanna leire. Maram aduna nakhoi nakhoigi hakchang manungda Ishorbu ikaikhumnou.