Daniel 10
Tigris turenda Danielna uba
1 Beltesazzar haayna mingthonkhraba Danielgimaphamda Persiagi ningthou Cyrusna ningthou oiba ahumshuba chahida paao amaa khanghallakkhi. Mahaakna paaodugi manung hanjinba waadu phajanaa khangkhi. Aduga mahaakna pirakliba khudamshingdugi waa machangdu Shangshangna ukhi.
2 Matamsimaktada Daniel eihaak chayon ahum chupnaa tengthaaduna leirammi.
3 Eina ahaao-athum, shaa-ngaa, yunachingba eyada taahankhide. Chayon ahum chupan eihaak thaonachingba teikhide.
4 Ahaanba thaagi kunmarini shubaa numitta eina achouba turenda Tigris koubadugi torbanda leptuna leiringeida
5 Eina nongmadonda koyyeng yenglammi. Yeng-u, matamduda kanaagumba nupaa amaa makhwaangda Uphaz kouba lamdugi sanaana leitengba leemonna shaaba phi shetpa amaa urammi.
6 Mahaakki mashaadu asangba muktagi matougumlammi. Maaythong yengbada nongthaang kuppagi matougumlammi. Mahaakki makhondu miyaamgi makhongumna hourammi.
7 Daniel eihaak khaktana khudamsi urammi. Maramdi eigi loynariba mishingduna khudamsi uramde. Adubu makhoygi mathakta angakpa phangba akibagi ethina amaa pok-hankhi. Maramsina makhoy lotnanaba chenkhirammi.
8 Asumna ei etomta leihoure aduga ei etomtana haayriba khudamsi urammi. Eihaak toupham khanglamde. Eigi ngaangleinaba kuchusi taiphet taarammi. Isasida paanggal amatta leiramde.
9 Matamduda eina mahaakki makhon taarammi. Eina mahaakki makhonjen taaba matamda emaaysi luktharaduna isisina tumbagi matougumna leirammi.
10 Yeng-u, khut amakhakna eibu shoklakpada eihaak ekhut ekhong nikladuna leplammi.
11 Mahaakna eingonda haayrammi, "he Daniel, natou yengbada nungshiraba nupaa, eina nangonda haaygadouriba waashingsi phajanaa taao. Chumna lepu maramdi eihaakpu nahaakki naphamda chatlu haayna thaarakpani." Mahaakna waashingsi haayringei matamda eihaak kina kina lepkhatlammi.
12 Matangduda mahaakna eingonda haayrammi, "he Daniel kiganu. Nahaakki Eeshorgi maangda nahaakna nollukpa mi oige haayna ningkhiba numittudagi nahaakna haayjaba pumnamak tabirabani eina laaklibasi nahaakki waaheishingdu taaduna laaklibani.
13 Persiagi dut ningthou machaaduna eibu maphamduda numit kunmathoini phaaduna thamlammi. Adubu Michael kouba ningthou machaashinggi dut marakta athoibaduna eibu eteng pangbinabagidamak laaklammi. Maramdi eihaak etomta Persiada leirammi.
14 Nahaakki naphamda eina laaklibasi tungda nahaakki mishingda kari thokkani haaybadu taakpige laakpani. Haayriba khudamshingsi laakkadoriba matamgi waani
15 Mahaakna waashingsi eingonda haaykhraba matungda, eihaak maay leida lukladuna waa ngangdana leirammi.
16 Yeng-u, matamduda taaibang mi maanba dut amanaa eigi echinsi sho klammi. Matamduda eigi echin phajillibadu kaathoktuna waa ngaangba hourammi. Eigi emanga lepliba nupaadugi maphamda eina asumna haayrammi. "he ebungngo, eina uruba khudamshingduna maram oiraduna eihaak ethawaay yaamna waare. Eihaak epaanggal amatta leitre.
17 Ebungngogi nanaai oiriba eina ebungngoda karamna waa haayba ngamgadage? maramdi houjikti nanaaigi paanggal leitre. Aduga nanaai shor phaaoba honba ngamsillaktre."
18 Matamsida taaibang migi mawong maanba amanaa eibu shokpiraga epaanggal happirammi.
19 Mahaakna eingonda haayrak-e, "taaibangna yaamna nungshina touriba nupaa kiganu. Nahaak mara tappu. Napaanggal amadi nathouna thoina henna phangjaba oihallu" Mahaakna waashingsi haayba hek loibada eihaak epaanggal yaamna kallammi maramsina eina maangonda haayrammi, "Ebungngona nanaaida taakpigadabadu taakpiyu maramdi nanaaibu Ebungngona paanggal happire."
20 Matamduda mahaakna eingonda haayrammi, "eina nahaakki naphamda laaklibasi karigino khanglabra? houjikti Persiagi dut ningthou achadugi mayokta laandarunaba eihaak haanna chakkadouribani. Eina mahaakpu yeithuba ngamlaba matamda Greeceki ningthou machaa amaa thorakkani.
21 Achumba waa eduna leiriba laairiktuda eba matung ennaa eina nangonda thoklagadaba waashingdu heige. Nakhoygi ningthou machaa oiriba Michael nattana eigi eteng pangbinaba kanaasu leite.