1 Samuel 8
Israelgi misingna ningthou happiyu haayjaba
8 Samuelna ahan matam oiraklabada machaasingdu Israelgi mathakta waayelba oinaa haplammi. 2 Mahaakna pokpaa machaa-nupaa ahan-gi mamingna Joel adugaa atonba adugi mamingna Abijah kourammi. Beersebada makhoyna waayelba oirammi. 3 adubu mahaakki machaasingna mahaakna chatlambadugumna enba ngamkhide.
4 Israelgi ahansingna mitin amaa phamlaga Ramahda Samuelgi manaakta laaklammi. 5 makhoyna Samuelda haayrammi, "houjikti, nahaak ahan oire. Nahaakna pokpaa nachaasingsinasu nahaakna chatpadugu-mna chatpa ngamdri. maramsina jaat ateina tounabagumna eikhoybu ngaakpi senbinaba ningthou amaa thambiyu." 6 "Eikhoygidamak ningthou amaa happiyu" haayba makhoygi waasi taabada Samuel mapukningda nungaairamde. 7 Eesor-na Samuelda haayrammi, " misingsina nahaakki naphamda laaklaga haayriba waasingsi munna tasillu. makhoyna nahaakpu hunjekpadi natte. makhoyna hunjeklibadi makhoygi mathakta ningthou oiriba Eidani. 8 Makhoybu Eina Egypttagi puthorakpa numittudagi ngasi phaaobada makhoyna eigi ephamda touriba thabaksingsina takpadi Eibu thaadokle haaybani. makhoyna laimangsing latpagi matoudu nahaakki naphamdasu makhoyna tamlakli. 9 makhoyna haayriba waasingsi munna tasillaga makhoyda nahaakna tuminna paaoutaak pibiyu."
10 Samuelna Eesor-na taakpikhiba pumnamak ningthou happiyu haayna laakliba misingdugi maphamda taakkhi. 11 Mahaakna haayrammi, "nakhoygi nathakta pallagadaba ningthoudu oiragadoubadi asini: nakhoyna pokpaa nachanu-pasingdu laanmi oihan-gani, kharana mahaakki laangi dolai sennaba oihan-gani, asidasu nattri makhoyna mahaakki dolaigi maangda chen-gadouribani. 12 Mahaakna lising amadi yaangkheigi makok oinaba mising khandokkani. Kharana mahaakki loubuktta thabak suhan-gani adugaa mahei marong lokhan-gani. Khara amanaa mahaakki laanda sijinnanaba khutlai amadi dolai sahanbasing oihan-gani. 13 Nachanupi-singna mahaak-kidamak manam nungsiba thaao sunghan-gani adugaa khara amanaa chakthongbi oinaa sijinnagani. 14 nakhoygi Khwaaidagi pharaba loubuk angur paambi amadi chorphon paambi thaaribasingdu mahaakki manaaisingda pithok-kani. 15 Mahaakna nakhoyna lokpa mahei maronggi saruk taraa thokpagi amaa loukhigani. nakhoyna sungjaba angur mahidusu taraa thokpagi amaa mahaakna loukhigani. ningthouduna maasi louraba matungda mahaakki phamnaaiba-sing amadi manaaisingda phithokkani. 16 Mahaakna nakhoyna loiriba minaai nupaa amadi nupi, saa-san amadi lolanachingba louraga mahaakki thabak suhn-gani. 17 nakhoygi yaao sanggulaktagi mahaakna taraa thokpagi amaa lougani. nakhoy nasamkpusu minaai oinaa mahaakna sijinnagani. 18 Haayriba numitsida nakhoyna khanjakhiba ningthouduna maram oiraduna mikap miraokhon thokkani. Thoudoksi thoklaba matamda Eesor-na nakhoygi haayjabadu tabiroi.
19 adubu miyaamduna Samuelna haayriba waadu manaada haplamde. makhoyna thoina hennadum asum haayna taksinkhi, "natte, eikhoy ningthou amaa pamjei." 20 ningthou amaa leirabadi eikhoy Jaati ateigu-mna oiba ngamgani. eikhoyda ningthouna ethakta waayelbigani adugaa eikhoygi ethakta waayelbigani adugaa eikhoygi mang thaaduna mahaakna laan thengnagani." 21 Samuelna miyaamna haayriba waasi tasillaga Amukka haanna Eesor-gi maphamda waa hanglammi. 22 Eesor-na Samuelda haayrammi, "makhoygi apaamba yengduna makhoygi ningthou amaa khanbiro." Yaathangsi phanglabada Samuelna miyaamduda haayrammi, "phare, nakhoy loynaba nasa nasagi saharsingda hallo."