Job 42
42 Masigi matungda Jobna Eshor-da paokhum pirak-i.
2 HeyEshor-, Ibungona panggallabani haiba nanai khangjei. Taibangsida Ibungona touba ngamdaba kari leibage.
3 Nanaidi apangba jiba amani maramsina karamna nanaina Ibungogi mapan naidraba khangbiba ngamba natiktu chingnajadouribano? Eina ngangkhiba pumnamak khangduna ngangkhiba nachade, nanaina mapan naidraba potsingsibu kari khangba ngamgani.
4 Ibungona nganglingeida nanaibu tajanaba takpikhi, aduga Ibungogi wahangsinggi paokhum pinaba haibikhi.
5 Nanaina khanglibasi mina takpibani adubu houjikti Ibungobu imitmakna ujare.
6 Nanaina haijakhiba pumnamaktu ningsingluraga thoina henna ikaijei, maramsina nanaina leimaida onthoina iran haidokchari.
Wakonlon
7 Eshor-na Jobta haigadouba pumba haiba loirabada Eliphazna onsinduna Ibungoda hairammi, "nahak amadi nahakki narup anidugi mathakta eihak saoningi maramdi inai Jobna toubagumna nakhoina eigi achumbadu ngangkhide. 8 Maramsina houjikti yao taret amadi shallaba taret puduna eigi inai Jobki maphamda piraga nasa nasagi oina meida thaduna touba thounidu pangthokkadabani. Inai Jobna nakhoigidamak haijabigani. Mahakna nakhoigi haijarabatada narandugi phangpham thokpa cheiraktu phangloi. Mahakna khangbagumna eigi achumba iramchattu nakhoina khangkhide."
9 Eliphaz, Bildad amadi Zopharna Eshor-na takpikhiba matung inna pangthokkhi aduga Eshor-na Jobna haijaba matamda paokhum pinabikhi.
10 Jobna marup ahumdugi haijaba loirabada Eshor-na mahakpu hannagumna nungngai yaiphaba ama oihankhi. Hanna leirambadudagi saruk ani hen-gatna pibikhi. 11 Jobki machin manao, machan machesing, amadi marupsingna hannagumna lakkhi aduga chamin thakminnakhi. Eshor-na mahakki mathakta tahanbikhiba awa ana mayamdu ningsingladuna makhoina mahakpu singthanakhi. Arakpa khudingna sanana saba khudop amamam aduga lupa oina khara kharasu pirammi.
12 Jobki ahanba tangkakki punsibudi anisuba tangkaksina henna yaiphaba oihankhi. Jobki yao lishing taramari, ut lishing taruk, shal lishing ani, amadi loladana lishing ama leirammi, 13 mahakki machanupa taret aduga machanupi ahum pokkhi. 14 mahakki ihan hanbi machanupidu Jemimah kourammi. Anisubiduna Keziah aduga ahumsubiduna Keren Happuch thonkhi. 15 Taibangpanda Jobki macha nupi ahumsigumna phajaba nupi leiramde. Makhoigi mabungsinggumna mapana makhoida saruk thungbikhi.