3 John
Johnna eba ahumshuba laairik
1 Ahallaman oijariba eina achumbada nungaaijaba achaanba Gaiusda ejabani.
2 Achaanba, nahaakki thawaayna thabak pangbagumna, maram pumnamakta nahaakna thabak pangnanaba amasung nashaa phaba oinanaba eina haayjei.
3 Maramdi echin-enaao shingna laaktuna nahaakki achumbagi damak saakhi piba matamda, eina yaamna haraaojare; maramdi nahaakna achumbada chatlibani.
4 Eigi echaashingna achumbada chatli haayba taaba asidagi henba haraaoba eigi leijade.
5 Achaanba; nahaakna echin-enaao oibashingda, thoidokpadi lamlaanbashinggi maphamda toubi toubibada thaajaba yaaba thabak nahaakna touwi;
6 Makhoyna shinglupki maangda nahaakki nungshibagi saakhi pire; nahaakna makhoygi khongchatta makhoybu Eeshorgidamak matik chaaba oinaa thaarabadi, nahaakna phajanaa touba oigani.
7 Maramdi ming adugi maramgidamak, makhoyna atoppa Jaatshingdagi karisu loudana chatthokkhi.
8 Maram aduna eikhoyna achumba adugi damak thabak touminnabashing oinanaba, asigumba mishingbu eikhoyna loushinbipham thok-e.
9 Eina shinglupta waa khara ejare; touegumsung makhoygi marakta athoiba oiningba Diyotrephina eikhoybu loubide.
10 Maram aduna ei laaklabadi, mahaakna touri touriba mahaakki thabak adu eina ningshinghn-gani. Mahaakna eikhoygi ethakta phattaba waana pet pet ngaang-e, aduga waa asitana pendaduna, mahaakmakna echin-enaaoshingbu loubide, loujaningbashingbusu mahaakna khammi, amasung makhoybu shingluptagi ensu enthok-e.
11 Achaanba, phattaba adugi matou louganu, adubu aphabagi matou loubiyu. Aphaba touba mahaak adu Eeshorgini; phataba touba mahaak aduna Eeshorbu udri.
12 Mi pumnamakna amasung achumba adumakna Demetriusgi saakhi pire; hoy, eikhoynasu saakhi pibani, aduga eikhoygi saakhi achumbani haayba nahaakna khang-e.
13 Eina nangonda egadaba waaram yaamna lei, adubu eiba mukna amasung kolamna nangonda haayningde;
14 Touegumsung eina nahaakpu thuna unanaba khouraangna ningjabani, aduga eikhoyna maiga maiga unnaduna waa ngangnagani.
15 Nangonda engthaba leibisanu. Marupshingna nahaakpu khurumjei. Marupshingbu maming maming panduna khurumjei haaybiyu.