Genesis

MEIHOURON

WAAHOUDOK

Genesis haayba waaheisigi arthadi meihouron haaybani. Laairiksigi manungda thoidokna khanggadouba hiramdi taaibang maalemsibu semba, mioibagi hourakpham taakpa, mioibana taaibangsida matou karamna araanba thabak touba hourakpa-nachingba adugaa Eesor-na mioibaga kari mari leinabanachingba pumnamaksi eri. Meihouron kouba laairiksi saruk ani thokna khaaidokpa yaai.

1. Pandup 1-11 phaaobagi manungda taaibang maalem semlaba matungda mioibagi ahaanba etihaas hourakpagi maramda eri. Masigi manungda thoidokna maruoiribadi Adam amadi Eve, Cain amadi Abel, Noah amadi eesing eechaao adugaa Babylon-gi awaangba yumnachingbagi maramda eribasini.

2. 12-50 phaaobagi manungsidana Israelgi mapaa mapugi hourakphamgi etihaas piri. makhoygi marakta ehaan haanba maming panba yaaba haaybasi Eesorda thoidokna thaajaba utkhiba Abraham amani. mahaakki matungda esaac adugaa Abraham-gi masu nupaa Jacob Israel haaynasu kounabanachingba adugaa Jacobna pokpaa Isrealgi salaai taraanithoigi etihaas piri. Laairiksigi anisuba sarukta thoidokna nungngaairaba thoudok amasu khandokpa taarabadi Josephna Egyptta leikhiba adugaa Jacob amadi mahaakki machaa-nupaasingna makhoygi emung manung loina puduna Egyptta lakpa asini.

Laairiksida misinggi waari taakpada nattana Eesor-na ehaan haanna taaibangsida kari toubikhibage haaybadu neinari. Eesor-na taaibangsibu sembiduna nungsiba utpibadugi maramdasu eikhoina ubaa phanggani. Laairiksida atoppa maru oiba hiram amanaa Eesor-na taaibangsigi mathakta waayelbi adugaa araanba touba misinggi mathakta waayelbi adugaa araanba touba misinggi mathakta awaapham taahanbi haaybasini. ebungngona chingbiduna jaat amaa oinaa chongthoraklaba Israelgi misingbu etihaaski manung chanba kaanglup amaa oihankhi. Asigumba mamaang-ngeida eramba Laairiksida misingna Eesor-gi maphamda leikhiba thaajaba amadi adugumba thaajabadu lengdraba amani haaybasi utli.

Hiram takpa

Taaibang maalem amadi mioiba semba 1:1-2:25

Ayon araan touba houba amadi masigi mahei 3:1-24

Adamdagi Noah phaaobagi miron takpa 4:1-5:32

Noah amadi eesing eechaao 6:1-10:32

Babylon-gi awaangba yum 11:1-9

Semdagina Abraham, phaaobagi miron 11:10-32

Pu ahansing: Abraham, esaac amadi Jacob 12:1-35:29

Esaugi chaaron-suron 36:1-43

Joseph amadi mahaakki machin manaao-sing 37:1-45:28

Egyptta Israelgi mising 46:1-50:26