1 Kings 20

Syriada laan thengnaba

1 Syriagi ningthou Benhadadna laanmishing khomjinlammi. Mahaakka loynanaa ningthou kun amasu mateng pangnaba leirammi. Mahaakna dolai amadi shagol laanmishing shem shaaduna Samariada laandarammi.

2 Mahaakna Israelgi ningthou Ahabki maphamda paaopuba mi amaa thaaduna asumna haayhankhi, " Benhadadna asumna haayri:

3 Nahaakki sanaa amadi silver shingdu eigini. Nahaakki mashak matou phajabi taaloishingdusu eigini. Nahaakki nachaashingdusu eigini."

4 Ahabna khumkhi, eningthou Benhadadta asumna haaybiyu, madudi eihaak amadi eigini haayna leijariba pumnamaksi eningthougini."

5 Paao chatliba nupaaduna Amukka haanna laaktuna asumna haayrammi, "Benhadadna asumna haayri: eina mi thaaduna haayhanlibasini nahaakki nupishing amadi nachaashing yaamna thuna eigi ephamda thaarak-u." aduga makhoyga loynanaa sanaa amadi silver loynaba puhallakkadabani."

6 Hayeng matamsimaktada eigi phamnaaibashing nahaakki naphamda thaarakkani. Makhoyna nahaakki konung amadi nahaakki phamnaaibashinggi mayumda changduna thiba yaaba makhei thigani. Makhoyna apaamba pot pumnamak louhangadabani."

7 Ningthou Ahabna leibaaktuda leiriba phamnaaibashing kousinduna haayrammi, “nupaasina eikhoybu tumna maanghallage sillibasi mayaamna henna khangbire. Mahaakna paaopuba nupaa amada eigi nupishing, echashing amadi sanaa amadi silver loina pirakkadabani haayhallakkhi. maduda eihaakna yaamna phani haaykhi."

8 Luchingbashing amadi miyaamna ningthouda asumna haaykhi, "mahaakpu eikhoyna kipham thokte. Mahaakna haayba khudingmak eikhoyna pipham thokte."

9 Maramsina Ahabna Benhadadki paao puba nupaaduda asumna haayrammi, “Eningthouda haayyu: ahaanba tallakpa potshingdu eina piba ngammi adubu anishubada haayraklibashingsidi eihaakna piba ngamloi."

Paaopubashingdu khonglei thuna chatluraga amauk hallaaktuna

10 Benhadadna asumna haayrak-e haayna paao tamlammi, "ei amadi eigi tung ellibashingna Samariabu uphun tahandrabadi laiyaamna eibu dandi piba oisanu."

11 Ningthou Ahabna haayrammi, Benhadadta haayyu: mathouna leiba laanmi amanaa laanthengnadringeida napan touba hounade. Thouna leirabadi laan-ngamnaba matamdata napan touba yaai."

12 Makhoyna sariba laanshangduda Benhadad amadi mahaakka loynariba ningthoushingduna yu thaktuna leiringeida paaosi tamkhi. Mahaakna shaaoraduna laanmishingduda yaathang tourammi, "nakhoy shem shaaro." Yaathangsigi matung ennaa makhoyna saahardubu laakshinnaba shem-sarammi.

13 Tallaksida maaichou amakhakna Ahabki konungda chattuna asumna haayrammi, "Eeshorna taakpiri: mashing yaamlabasu makhoybu kiruganu. Ngasi makhoygi mathakta nahaakna laandaba matamda nahaakna maay paakkani. Matamduda Eisi Eeshorduni haayba nahaak khanggani."

14 Ahabna haayrammi, "laanphamsida kanaana laanjanggani?"

 Leibaak ngaakpashinggi makhaada leiriba mapaanggal leiraba nahashingduna mangjin thagadabani." ningthouna makha taana haayrammi, "kanaana laanjangsida luchinggani?" maaichouduna haayrammi, "nahaakna chinggadabani."

15 Leibaak ngaakpashinggi makhaada leiba mapaanggal leiraba nahasigdu ningthouna koukhatlammi aduga mashing thiduna yengbada makhoy 232 shurammi. Makhoygi matungda Israelgi laanmi 7,000 Khouthokkhi.

16 Benhadad amadi mahaakpu panggani laakkhiba ningthou kunthraanithoiduna yu ngaaoduna leiringei numit yungba matamda laan shoknaba houkhi.

17 Leibaak ngaakpashinggi makhaada leiriba paanggallaba nupaashingduna mangjin thaaduna laan changlammi. Benhadadna laanjangba mi thaaduna paao louhankhi amasung laanjangbaduna Benhadadta haaykhi: Samariadagi laanmishing laakpa houre."

18 Mahaakna yaathang tourammi, "laanthengnasibu haayrabasu nattraga toklasi haayrabasu makhoybu hingna pharak-u."

19 Nahaa oiriba laanmishingduna laanthengnabaduda mang thaakhi. Makhoygi tungda Israelgi laanmi shingna tung enkhi.

20 Makhoyna thengna thengnaruba yeknabashingdu tumna haatkhi. Syriagi laanmishingdu maaythiduna chenba houraklammi aduga Israelgi laanmishingdu makhoyna yaamna kanna tannarammi. Benhadad cheiraksida shagol tongduna shagol laanmi kharaga naanthokkhi.

21 Israelgi ningthouna dolai amadi shagolshing yaamna phahouwi, Syriagi mishingdu numittuda yaamna thina haatkhi.

22 Masigi matungda maaichouduna Ahabki manaakta chatlaga asumna haayrammi, "khonglei thuna hankhiduna laanmi khomjullu maramdi siriyagi ningthouna mathanggi basanta laakpa matamda amuk haanna laandarakkani."

Syriana Amukka haanna laandarakpa

23 Syriagi ningthougi phamnaaibashingna haayrammi, "makhoygi laidi chinggi laini. Maramsina Israelgi mishingna eikhoybu maaythiba piribani. Makhoyga laan tounasi haayrabadi leitem mannaba lamda thengnabana henna phei adu oirabadi makhoybu eikhoyna maaythiba pigani"

24 Aduga asimaga toubiyu madudi ningthoushingsigi mahutta laanmigi luchingba haapchinba phei.

25 Nahaakki shikhiba laanmi mashingdu younnaba khara amaaga khomjingadabani. shagol amadi dolai thouba laanmi khara amasu haapchinbiyu thouraangsi mapung phaana touraba matungda eikhoy makhoyga leitem mannaba lamdam amada laanthengnasi. Adu oirabadi makhoybu eikhoyna maaythiba pipham thok-e. Benhadadna phamnaaibashingna piba paaoutaaktu enkhi."

26 Basantagi matamda Benhadadna laanmi kayaa surabage khangnanaba mashing thirammi mahaakna Aphek kouba lamduda laanban shaaduna laanmishingdu thamlaga Israelgi mathakta laandakhi.

27 Israelgi mishingsu chinjaaknachingba shem shaaduna Syriagi mayokta laandanaba thoklakkhi. Israelgi mishingsu kaanglup ani thokna laanban shaaduna leirammi. Leitem mannaba lamduda Syriagi laanmi shingna pumthan thallammi aduga makhoygi mamaangda Israelgi laanmishingdu yaao shanggu anigumna urammi.

28 Maaichou amanaa ningthouda Ahabki manaakta chatlaga haayrammi, Eeshorna taakpiriba laaibaosi taro: Syriagi mishingna eibu chingthakta leiba Mapuni haayri. Maramsina Eina makhoybu maaythihn-gani. Masidagi nahaak amadi nahaakki miyaamsina eihaak Eeshorduni haaybasi khanghn-gani."

29 Mamaay mamai onshinnaraduna numit taretni Syria amadi Israelgi laanmishingdu maagi maagi laanbanda leikhi. Taretni shubaa numittuda makhoy laanthengnakhi. Israelgi mishingna laanphamsida Syriagi mi kakh amarom haatkhi.

30 Lemhoubashingduna Aphekki saaharduda lotkhi. saahardugi chekpandu ningkhaayraktuna laanmi 27,000 shikhi.

Benhadadsu naanthoktuna chenkhraga saaharduda leiba yum amagi maninglomda leiba ka amada lottuna leirammi.

31 Mahaakki phamnaaibashingna maangonda haayrammi, "Israelgi ningthoudi thoujaan leiba ningthouni haayna nanaai eikhoyna tajei. Eikhoyna mahaakki maphamda engumba phi khwangda setlaga amadi ngaksamda thouri thaangduna Israelgi ningthougi makada changjaraga haayjarunaba yaathang amatangdi nanaai eikhoyda pinabiyu. Adu oirabadi kanaana khangba mahaakna ebungngogi punsi kanbiba yaai."

32 Asumna makhoyna engumba phi makhwaangda set, thouri mangaakta yet Ahabki manaakta chatlaga haayjarammi, "nanai Benhadadna mathawaaydadi kanbiyu haayjari." Ahabna haayrammi, “mahaak houjik phaaoba sidri. Phaare, mahaak eigi echin-enaaoni haayna lourage."

 33 Benhadadki manaaishingna tanja yengduna leirammi aduga ningthou Ahabna echin-enaao amani haayrakpa matamduda makhoyna haay, “Eningthouna taakpikhibadumakni Benhadad ebungngogi eremkhakni." Ahabna haayrammi, "mahaakpu eigida purak-u." Benhadadna Ahabki manaakta yourakpa matamda Ahabna mahaakpu dolaida kakhathallammi.

34 Benhadadna Ahabta haayrammi, “eigi epaagi matamda ebungngogi epa ebungngodagi loukhiba leibaaktu hanjinjarage. Epaana samariada lalonitikki mapham shaagatkhiba adugumna ningthouna Damascusta shaagatpiyu.'

Ahabna haayrammi, "nahaakna haayribasi tougadouba oirabadi nahaakpu eina thaadokpigani." Ahabna Benhadadka yaanaba amaa enaraga thaadokhpikhi.

Maaichou amanaa Ahabpu maraal shiba

35 Eeshorna tourakpa yaathang amagi matung ennaa maaichoushinggi maraktagi maaichou amakhakna atoppa maaichou amada phunnaba haayrammi. Adubu atoppa maaichouduna phu haaybasi yaramde.

36 Maaichouduna atoppa maaichoududa haayrammi, "Eeshorgi yaathangdu nahaakna endrabanina nahaakna eibu thaduktuna chatkhiba matamda nongsha amanaa nahaakpu haatkani." atoppa maaichouduna maphamdu thaadoktuna hek chatkhibaga nongsha amaa thoraktuna mahaakpu haatkhi.

37 Haayriba maaichousina atoppa maaichou amada Amukka haayrammi, eingonda cheina phu." atoppa maaichousina cheina kanna phubadai maaichoudu shokkhi.

38 Ningthouna asum chatkhibadu uraduna maaichouduna ningthoubu kouraduna haayrammi, “Eningthou, eina laanphamda laan thengnaringeida yeknaba nupaa amabu phaaraga eigi enaakta puraklaga asumna haayrammi: yeknabasibu kanna sennou. Karigumba mahaakna naanthokkhiba thoklabadi nahaak nathawaay mangba amaa nattraga waakheisen oinaa silver shekels 3,000 pigadabani.

40 Eina atei thabak khara touduna leiringeida nupaadu naanthoktuna chenkhre."

 ningthouduna paaoukhum pirammi, "nahaakki nathakta pigadouba dandidu haaydokchaare, maramsina nahaak waakheisendu pigadabani."

41 Maasi taabada maaichouduna mamaida khumliba phidu louthoklammi. Aduga ningthouna mahaakpu maaichouni haaybadu khangkhi.

42 Maaichouduna ningthoududa haayrammi, "Eeshorgi yaathangdu asini: Eina haatlu haayna yaathang pikhiba nupaadu nahaakna thaadokkhrabanina nahaakki nathawaayduna mamal oigani aduga nahaakki laanmishingbu mahaakki laanmina tumna maanghan-gani

43 Ningthouna waaphamsi taabada mathawaay waaraduna Samaria tamna hankhi.