Hosea 11
Epuroina mibu nungshiba
1 Israelna angaang oiringeida eina maabu nungshikhi, Egypt leibaaktagi eina maabu kouthokkhi.
2 Eina makhoybu koura kouraga, eingondagi asum thaptokkhi. Baalgi maphamda makhoyna eratkhi, laai murti khudinggi dhup thaakhi.
3 Ephraimbu chatpa tambibadu einani, eina makhoybu epambomda konshinkhi. Adubu eina makhoybu yokkhibani haaybasi makhoy khangde.
4 Eina makhoybu thoujaan amadi nungshibagi thourina chingduna pubirammi. Angaang apikpabu thaanggatpagi matougum eina makhoybu eigi khajaai youba phaaoba thaanggatpirammi. Makhoybu thakpinaba eihaak nonthakhi.
5 Adubu makhoyna Egypt leibaakta amuk haanna chatkhi. Aduga Assyriagi mishingbu makhoygi ningthou oinaa shemgatchei. Makhoy eigi ephamda hallak-u haayba yadre.
6 Inai taaraba phaankhongda thanggi jaagoi sahn-gani, adu oirabadi makhoygi waachoi ngaangba purohit shinggi matam loire.
7 Eigi mishingdi makhwaang kolle maramdi makhoy eingondagi thaptokkhre. Asina maram oiduna makhoy potpu thanglagani, kanaanasu maasibu louthokpa ngamloi.
8 He Ephraim, nakhoybu matou karamna thaadoksige? he Israel nakhoybu matou karamna pithoksige? Karamna nakhoybu Admahgi matou oihansige? Zeboimda toubadugumna eina nakhoyda matou karamna tousige? eigi thamoisi meichaakre, Anutapna thalle.
9 Eina houjikti shaaoraroi. Ephraimbu amuk haanna maanghanlaroi, maramdi eihaak Eeshorni mi natte. Eidi nakhoygi narakta ashengba Mapuduni, maramsina nakhoybu maanghanlaroi.
10 Makhoy Eeshorgi tung-ingani, mahaakna nongshagi matougum ngaanggani, aoinamak mahaakna khonjen waangna laaogani, aduga mahaakki machaa oibashingduda nongchup haramdagi thak thak nikna laakkani.
11 Makhoy uchekki matougumna ekhou langna Egypt leibaaktagi laakkani, lamkhununa Assyriadagi pairakpagum laakkani, Eeshorna taakpiri madudi eina nakhoybu mayumda halhan-gani,
Israel amadi Judahda chekshinwa
12 Ephraim eigi ethakta minamkhre, Israelgi emung manungnasu eibu namthaak toukhre, adubu Judahbudi houjik phaaoba Eeshorna mashak khangbiri, shengthoiba ebungngo maagi maphamda mahaak khaktangdi chummi.