Ezekiel 1
Ezekielna mapubu uba (1-7:27)
1 Kunthra suba chahigi Marisuba thagi mangani suba numitta loi oina puribasingdugi marakta Chebar turelgi khongbalda eisu makhoiga loinana leirammi matamduda koirou nongmadonsi ihang hangna urammi. Aduga khudaktumaktada Mapu Ibungona eingonda shangshangnana thoudok kayagi maramda khudum kayamarum utpirammi. 2 Ningthou Jehoiakimbu loi oina puba mangasuba chahigi mangasuba numitta Ishor-na Chaldeansinggi lamda leiba Chebar turel khongbalda purohit Buzigi machanupa Ezekielda laibao pira klammi. 3 Hairiba maphamsida Ishor-na mahakki mathakta makhut thabirammi.
4 Yengu, awang haram pangbadagi nonglei nungsit oina leichin matum ama akoibada irang langna atatpa leitana meiri thokladuna pairakpa urammi. Meiraktuda pithrai mei ikpagi matougumba amasu urammi. 5 Masigi maraktagi mathawai panba ahingba jiba mari urammi. Makhoigi masakti makhagi asi malli: Makhoi taibang mi malli. 6 Amamamna mamai mari pallammi. Amamamda masa mari mari palli. 7 Makhoigi makhongdu chap tinglammi. Makhoigi khuyadu shalnaogi makhonggi khuyagumna tourammi. Khuyasingdu mei iklaba pithraigi matougumlammi. 8 Masagi makhada nakan nakanda taibang migi makhut pallammi. Hairiba jiba marisigi mamai amadi masasingdu matou asigumlammi. 9 Makhoigi Masadu amana amada soknarammi. Makhoina asum paibada amana amada yetnadana ichum chumna chap tingna pairammi. 10 Makhoigi mamaigi maong matoudu yenglurabadi, makhoi khudingmak taibang migi mamai pallammi. Aduga mari amadi nongshagi mamai oina yet thangba nakanda pallammi. Atoppa mari amana shalgi mamai oina oithangba nakanda pallammi. Mari amana matungda achouba uchekki mamai pallammi. 11 Makhoigi mamaidu hairibasimakni. Makhoigi masadu mathaklomda sando klammi. Jiba amam mamda masa ani ani pallammi maduna amana amada soknarammi. Aduga atoppa masa anidumana mamaidu kupsinlammi. 12 Makhoina pukningna chatningba maikeida chatpa matamda ichum chumna amana amada yengnadana tingna chatlammi. 13 Hairiba mathawai panba ahingba jibasingsigi marakta mei ngangna chaklaba meitan-gi matougumna langlaba potsak amasu urammi. Thorakliba meiriduna hingliba jibasingdugi marakta koirei leiduna mangal pirammi. Masida chakliba meidu yamna ngallammi. Hairiba meisidagi nongthang kuplaklammi. 14 Ahingba jibasingduna nongthang kuppagi matougumna mangal thokhallammi.
15 Eina ahingba jibasingduda yengluba matamda makhoigi nakanda malemsida makhoi marigi kangkhong amamam thaduna leiba urammi. 16 Kangkhongsingdugi maong amadi matou: makhoigi masaktu yengbada mamal yamlaba nung manbagumba pottagi thorakpa mangalgi matougumlammi. Hairiba kangkhong maridugi maong chap mannei. Makhoigi masaktu yengbada kangkhong amagi manungda kangkhong ama chanduna thambagi matougumlammi. 17 Makhoina lengba matamda chatningba maikei marigi manungda amada chatpa yai. Aduga amana amada yengnaramde. 18 Kangkhong marisi Rim pallammi. Aduga Rimsingduda phannaba yotlinachingbasu yaorammi. Rimsingdugi akoibada mamit mashing khangdabamakhei pallammi. 19 Ahingba jibasingduna chatpa matamda kangkhong maridusu makhoigi nakanda chatlammi. Ahingba jibasingduna malemsidagi nongmadonda paikhatpa matamda kangkhong maridusu paikhatlammi. 20 Thawaigi ithinna chingba lamduda makhoina chatlammi. Kangkhongsingdusu pairammi. Maramdi ahingba jibasingdugi thawaidu kangkhongsingduda yaorammi. 21 Jibasingduna chatpa mapham khudingda kangkhongsingdusu chatlammi. Jibasingduna lepkhatpa matamda kangkhongsingdusu lepkhatlammi. Jibasingduna malemsidagi paikhatpa matamda kangkhongsingdusu paikhatlammi. Maramdi ahingba jibasingdugi mathawaidu kangkhogsingduda yaorammi.
22 Ahingba jibasingdugi lawai koklenthakta atiyagumba manigumna langlaba mangngal amana ingal ngalna sandoktuna leirammi. 23 Hairiba atiyagumba asigi makhada makhoigi masadu iting tingna sando klammi. Amana amada onsanlammi. Jiba khudingmak masa ani anina masadu kupsinlammi. 24 Makhoina lengba matamda eina taba makhondu laija ihourakpagi matougummi. Wangthoiba mapugi khek laobagi makhon-gummi. Lanmishinggi landa laobagi thorakpa makhonduga chap mannei. Makhoina leptuna leiba matamda masasingdu thadarammi. 25 Makhoina leptuna masa thadaduna leiringei matamda makok mathakta uriba atiyagi matou manbadudagi khonjel ama thora klammi.
26 Makhoigi koklenda leiriba atiyagi matougumbadu mamal yamlaba nungna saba singhasan-gimatougumna ningthijarammi. Singhasan manba phambalsida leiteng oina lengsinbiriba potsaktu taibang migi matou malli. 27 Masigi makhwangdagi houna yengba matamda mei iklaba pithraigi maonggummi. Meina ikoi koina yomsillaba pot amagi matougummi. Masigi makhuwang makhadu yengbada chakliba khambi meigi matougummi. Mahakki akoibada arangbagi arangba ngaktani. 28 Nong taba numitta leichinda uba lirunggi matougumna mahakki akoibada leiriba mangaldusu sini haininggai leiramde.
Ishor-gi matik mayaidu hairiba asigumna ningthijabani. Eina masi uba matamda imaisi leida lukchakhi. Matamsimaktada kanagumba amana wa ngangbagi khonjel eina takhi,