Isaiah 64

64 Koirousi phaodok-tuna maalemda lengbiraktriba karigino? Nik-hanbidriba karigino loibi chingsingdu nahaakki namangda?

2   Khambi meina yaangen chakpagum, sahanbagum laaija eesingdu khambi meina, adu oirabadi nahaakki minglendu yeknaba-singna khanglamgadabani, ebungngona  lenglak-pada Jaatsingna niklamgadabani.

3   Eikhoina thirudaba potkhakta nahaakna akibaa masak oihalli, ebungngona  lenglakpa matamda loibi chingsingsi nik-e,

4   Thaaynadagi houna kana amaa phaaoba mamitna udri, tadri nananasu, kana leibage laai ubaa phangba ebungngobu ubaa nattana, mahaakpu ngaaiduna leijaribasingdugidamak kanaana singkhong pibage.

5   Aasengba touba midubu ngaakpi nahaakna haraaona, nahaakki laambel ennaa chatchaba adugaa maaduda nahaakpu ningsingjabasingdubu maayoknabi nahaakna, yeng-u, ebungngo saaorammi adubu eikhoyna paap tourammi, asi youdraba phaaobada thaainadagi houna eikhoyna ayon araan touduna lakli.

6   Aamaangba nupaa amagumna eikhoy pumnamak oire, eikhoyna touba aphaba thabaksingdusu amotpa phi amagi matougumle, unagi matougumna eikhoy patthare, nungsitna humbagi matougumna eikhoygi paapsingsina eikhoybu khonduna pure.

7   Naming panduna ebungngobu yakairon saktuna houdokpa kanaasu leite, nattraga ebungngo-da nahaak masaamak changjage haayna ningbasu kana leite, maramdi nahaakna lotpikhre nahaakki maaythongdu eikhoygi eraktagi, hundokpiramle eikhoybu paap marakta.

8   Adubu he Eesor houjikti, oibire nahaakna eikhoygi epa, eikhoyna oiri leikhom, oibiri ebungngona  chaphu saaba, eikhoy pumnamak ebungngo-gi khutna sembibani.

9   He Eesor ngamkhei leitaana saobiganu, matam leiba khibikta ayon araandu ningsingbiganu, eikhoy pumnamakta yengbiyu, nahaakki misingda mityeng tabiyu,

10 Oire nahaakki asengba sahardu lamhaang kokle Zion lamhaanggum, tumle Jerusalem leikanglagum,

11 Eikhoigi sonnapung asengba amadi matik mayaai leiraba, thaagatlamba epa epuna nahaakpu maphamduda, tinkhre maalem leibaakta, eikhoyna ningjaruba pumnamak arembada taare.

12 He Eesor asi youraba phaaobada nahaak karigidamak tumin leibiribano? nahaak tumin leithokpiduna ngamkhei leitaana nanaai eikhoybu dandi pibikhigadra?