Genesis 44

Gilas maangkhiba

1 Masigi matungda Josephna yumgi araang purenduda yaathang yourammi, "makhoyna puba ngamba yengduna bora khaoda chinjaak hapiro. Maagi maagi peishaashingdu bora khaoda haapchinkho.

2 Eigi silvergi gilastu eton tonbadugi khaoda mahei marong leijanaba purakpa peishaaduga konnana hapchillo." Josephna maangonda haayba matung ennaa mahaakna toukhi.

3 Nong hek nganbaga mishingdubu makhoygi lolaga loynanaa thaakhi.

4 Makhoyna saahardagi thoina thaapna chattringeida, Josephna minaaiduda haayrammi, "hougatlo, nupaashingdugi matungillu. Nahaakna makhoybu phangba matamda makhoyda asumna haayyu: nakhoyda toubikhiba aphaba thabakkidamak phattaba haanba hounabra? nakhoyna eigi silvergi gilastu karigi huribano?

5 Eigi Ebungngona maasida eeshing thakpa nattra? nakhoyna asum touribasi araanbani."

6 Mahaakna makhoybu phanglaba matamda haaykhibasnigumna makhoyda haaykhi.

7 Makhoyna nupaaduda haayjakhi," karigidamak angamba nahaakna asigumba waasi eikhoyda haayribano? nanaaishingna asigumba thabaksi tougadouba natte.

8 Yengbiyu, eikhoygi khaoda yaaoramba peishaadu phaaoba eikhoyna Cannan-gi lamdagi amuk haanna pujarakhi. Adu oirabadi karamna nanaai eikhoyna nahaakki nabungngogi emungdagi silver nattraga sanaa huranduna pugadouribano?

9 Nanaaishinggi marakta haayriba pot adu phangba thoklabadi adugumba nupaadu angaang olhanbiyu. Eikhoysu ebungngogi minaai oijage.

10 Mahaakna makhoyda haayrammi, "nakhoyna haayribadumak oisanu. Haayriba potsi phangba nupaadu eigi minaai oigani. Pot phangdabashingdu thoidokpa maraal leiroi.

11 Maasi haaynaraba matungda makhoy khudingmak maagi maagi borakhaoshingdu thadarammi aduga mashaagi khaao shingdu haangdoklammi.

12 Nupaa aduna Khwaaidagi ahandudagi houraga eton tonbadugi khaodu phaaoba phaktoktuna yenglammi. Maangkhiba gilastu Benjamin-gi borakhaoda phangkhi.

13 Maasi ubada makhoyna maphi shegaairammi. Lolada mapotshingdu hapchillaga saaharda amuk hallakkhi.

14 Judah amadi machin manaaoshingna Josephki yumda laakpa matamda Joseph leirammi. Makhoyna mahaakki maangda dandabat toujarammi.

15 Josephna makhoyda haayrammi. "Nakhoyna touriba thabaksi kari koubage? Eigumba nupaa amanaa laiphao phaaoba ngammi haaybasi khangdraa?"

16 Waasi taabada Judahna haayrammi, "ebungngogi naphamda nanaaina kari haayna paaodamjagani? eikhoyna kari amuk haayjagani? waaphamsi karamna shengdokchagadage haaybadu khangjadre. Eeshorna nanaaishinggi erandu phangle. Yengbiyu, eikhoy ebungngogi minaai oirabani."

17 Adubu Josephna haaykhi, "eina haayribamaktudi touningde. Gilas yaaorambadukhakta eigi minaai oinagani. Nakhoydi napaagi manaakta engthana chatkhiba yagani.

18 Matamsida Judahna mahaakki manaakta changsilladuna haayjarak-e, "nanaina khuyaakhaada waa kharadadi haayjaning-e. Ebungngona nanaaibu shaaobiba toubiganu. Ebungngodi Pharaohga mannaribani.

19 Ebungngona hangbikhi", nakhoybu pokpaa napaa amadi nakhoyga pokminnaba nachin nanaao leihouribra?

20 Maduda eikhoyna ebungngoda haayjakhi, "eikhoigi ahan oiraba epa amaa leiri aduga angaang oiriba enaao nupaa epaana ahan matam oirabada pokkhiba amaa leiri haayjakhi. Angaangduga pokminnaba mayaamba leitre. Mamaduna poklambagi manungda mahaak matomta leihoure. Maramsina mahaakki mapaana mahaakpu yaamna lunaa touwi."

21 Matamduda Ebungngona nanaaishingda taakpikhi, "eina mahaakpu yengningi maramsina mahaakpu maphamsida puduna laak-u."

22 Eikhoyna matamduda ebungngoda haayjakhi, "nupa machadu mapaabu thaadoktuna laakpa yaaroi. Karigumba mahaakna mapaabu thaadoktuna laakpa taarabadi mapadu shigani."

23 Ebungngona nanaaishingda taakpikhi, "karigumba nakhoyna nanaaodu puduna laaktrabadi, nakhoyna eigaa amuk unaba yaaroi."

24 Eikhoyna nanaai oiriba epaagi maphamda hankhiba matamda Ebungngona eikhoyda taakpiriba waaphamsi haayjakhi.

25 Eikhoybu pokpaa epaana amuk haanna chatlaga chinjaak kharaga leiru haayba matamda.

26 Eikhoyna epaada haayrammi, "eikhoi chatpa yaade. Karigumba enaao eton tonbasina eikhoyga loynanaa chatpa thoklabadi, eikhoy maphamduda chatpa yaai. Eikhoygi enaao atonbasina eikhoyga loynanaa chattrabadi, nupaadugi mamaay ubaa phangloi."

27 Matamduda nanaai oiriba eikhoybu pokpaa epaana eikhoyda haaykhi, "eigi nupina echaa-nupaa ani pok-e.

28 Amadi eibu thaadoktuna chatkhre. Matamduda eina haaykhi machet machet shegaairamlagani. Matamdudagi houna mahaakpu amuk ubaa phangkhidre.

29 Makhoyna asimasu pukhraga karigumba khudongthiba thoklabadi, epok houraba eibu asithenda awaabana mangoinaraduna kumhangadouri."

30 Maramsina eina epaagi manaakta chatpa matamda nupaamachasi yaaodrabadi, mahaak shiba yaai maramdi

31 Mahaakna machaanupasi yaaoraktre haaybasi ugani. Mahaakki punsidu nupaa machasida leiribani. Ebungngogi nanaai eikhoygi epadubu mapok houraba matamsida asithenda awaabana mangoinaramduna kumhankhiba taay.

32 Nanaaina epaagi maphamda angaangsigi dai pumnamak loujaba matamda asumna haayjakhi, "eina mahaakpu puduna laaktrabadi eigi epunsi chuppa epaagi mityengda marandu puba oijage."

33 Eina haayjari nupaa machasigi mahutta nanaai ebungngogi minaai oiduna leihouhanbiyu. Nupaa machasi machin manaaoshingsiga chathanbikho.

34 Nupaa machasi yaaodanadi karamna eina epaagi manaakta chatpa ngamgadouribano? epaagi mathakta thoklagadouba laaibak thibadu ei ujaba ngamgani ningyaade.