Matthew 17

Jesusgi shaklon hongba

( Mark 9.2-13; Luke 9.28-36 )

1 Amasung numit taruknigi matungda Jesusna mahaakka loynanaa Peter, James amasung maagi manaao Johnbu puduna awaangba chingda makhoybu tongaanna pukhatle.

2 Amasung Ebungngona makhoygi mamaangda shaklon hongle, aduga ebungngogi maaythong adu numit kumna nganthokle, amasung ebungngogi phirol adu mangaan-gumna ngourakle.

3 Aduga yeng-u, ebungngoga waa ngangnaduna Moses amasung Elijah makhoygi maangda phaaorakle.

4 Aduda Peterna Jesusda hanggat-charak-e, Eeshor, eikhoyna mapham asida leijaba phei; Ebungngona yaabirabadi, asida eina khaangpok ahum, ebungngogi damak amaa,  Mosesgi damak amaa, amasung Elijahgi damak amaa shaajage.

5 Mahaakna ngaanglingei maktada, yeng-u, arangba leichin amanaa makhoybu khanjillare, amasung yeng-u, leichin adudagi khonjen amanaa haayrak-e, maasi eigi nungshiraba echaa-nupaani; maangonda eina yaamna pelle; nakhoy mahaakna haayba taao.

6 Sebokshingna madu taabada, uprakna tuthajare, amasung yaamna kirammi.

7 Amasung Jesusna laaklaga makhoybu shoktuna haay, hougatlo, kiganu.

8 Makhoyna yengkhatlakpada Jesus matomta nattana kanaa amatabu ukhidre.

9 Amasung makhoyna chingdagi asum kumthaarakpada, Jesusna makhoyda, migi machaanupa aduna shibadagi hinggattriba phaaoba mi kanaadasu nakhoyna ubaa adu haaydokkanu haayna yaathang pibirammi.

10 Aduda sebokshingna ebungngoda hangjarak-e, adu oirabadi, shaastragi ojaashingna Elijahna haanna laakpa taay haayna karigi haaybage?

11 Amasung Ebungngona khumlak-e, Elijah laaktuna pot pumnamak hanjingani, chummi;

12 Adubu eina nakhoyda haayri, Elijahdi laakkhrabani amasung makhoyna mahaakpu khanglamde, touegumsung makhoyna paamba adu maangonda toukhre. Adugumna migi machaanupa adusu makhoygi makhutta awaaba khanggani.

13 Matam aduda Ebungngona buptized toubiba John-gi maramda makhoyda ngaangbani haayba sebokshingna khangle.

Bhut changba nupaa machaa amabu phahanbiba

( Mark 9.14-29; Luke 9.37-43 )

14 Adudagi makhoyna miyaamda laaklabada, mi amanaa ebungngoda laaklaga khuru khudak kunduna haayjarak-e.

15 Eeshor, eigi echaa-nupaabu nungshibiyu, maramdi ma shaarei houduna yaamna waana leire; maramdi ma meida amasung eeshingda toyna taay.

16 Amasung eina ebungngogi sebokshingda maabu pujarak-e, aduda makhoyna maabu phahanba ngamdre.

17 Amasung Jesusna khumlak-e, he thaajadaba amasung seraannaba miron, eina nakhoyga kayaa kuina leiminnagadge? Eina nakhoybu kayaa kuina khang-gadage? maabu eingonda purak-u.

18 Amasung Jesusna maabu cheihatpada bhut adu maangondagi thokkhre, aduga pungja adudagi angaang adu phaare.

19 Matam aduda sebokshingna Jesusda tongaanna laaktuna haayjare, eikhoyna maasi taanthokpa ngamdriba karigino?

20 Amasung Jesusna makhoyda khumlammi; nakhoyna khajikta thaajabanani; maramdi eina nakhoyda thaanggei shengna haayribani, nakhoyda hanggaam maru macha amaamuk chaaona thaajaba leirabadi, nakhoyna chingjaao asida asumna haayba ngamgani, madudi; asidagi ada hongdok-u, amasung maduna hongdokkani; aduga nakhoyda oithoktaba karisu leiroi.

21 Touegumsung asigumba asi Eeshorda haayjaba amasung chara henba nattana thokkhide.

Jesusna mahaakki shibagi waaram maangjounana Tambiba anirak-shubaa

( Mark 9.30-32; Luke 9.43-45 )

22 Makhoyna Galileeda pullap pullingeida Jesusna makhoyda haay, migi machaanupa adubu mishinggi makhutta pithokkadouri,

23 Aduga makhoyna mahaakpu haatkani, amasung numit humni shubada mahaak hinggatkani. Amasung makhoy thoidokna waarammi.

Ningnashanggi kaanggat Ebungngona piba

24 Makhoyna Capernaumda laakpa matamda sekal makhaay louba makhoy aduna Peterda laaktuna haayrammi, nakhoygi ojaana makhaay pidabra? Mahaakna haay, pi.

25 Amasung mahaakna emung changlakpada Jesusna maangonda haanna haayrak-e, Simon. Nahaak kari khan-bage? Prithibigi ningthoushingna kanaadagi kaanggat nattraga loipot loubage? Makhoygi machaanupashingdagira nattraga atoppa mishingdagira?

26 Mahaakna atoppa shingdagini haayba matamda, Jesusna maangonda haay, maram aduna machaanupashingdadi pipham thokte.

27 Adumakpu eikhoyna makhoybu khudi thiba touhandanaba, nahaak louktaakta chattuna khoi choplu, aduga ahaanba thuba nga adu louduna; amasung nahaakna ngaadugi machin phaaktokpada nahakna coin ama phanggani; madu louduna eigi amasung nanggidamak makhoyda pikho.