Zechariah 1
Eesor-na Israelbu hallaknaba kouba
1 Persia-gi ningthou Dariusna paanba anisuba chahigi nipaansuba thaada Iddogina masu thokpa Berechiahna machaa-nupaa maichou Zechariahda Eesor-na laaibao thaarakkhi. 2 paanggallaba Eesor-na miyaamda phongdoknabagidamak Zechariahda asumna taakpikhi, "nakhoygi napaa napugi mathakta yaamna saokhi. 3 adubu houjik phaaobada eina nakhoyda haayri, eigi ephamda hallak-u. adu oirabadi eisu nakhoygi naphamda hallakkani. 4 napaa napusingumna touganu. thaaina manangeidagi houna maichousingda eigi waapaao phongdok-hankhrabani. makhoyna phattaba thabak thaadoktuna araanba thabak amuk haanna toudanaba maichou-singda haayhankhrabani. adubu makhoyna eina haayba waadu enkhide. 5 nakhoygi napaa napusing amadi maichousingdu ngamnamak nongakhre. 6 Eigi enaai oiriba maichousinggi mapaanna nakhoygi napaa napusingda yaathang kayaa amadi cheksin waa kayaa haaykhrabani adubu pumnamaksi makhoyna enkhide amasung awaaba taakhi. Masigi matungda makhoyna maraal haaydokchakhi adugaa paanggallaba Eesor Eina makhoybu awaapham tahan-gani haaybasi khanglakkhi adugaa madumak eina touge khanna toukhibani.
Maichouna sagolgi saktam uba
7 Dariusna ningthou oiba Anisuba chahigi Sebat kouba taraamaathoysuba thaagi kunmarinisuba numitta ahingda mitta Sngsngna uhanduna Eesor-na paaojel amaa thaarakkhi. 8 Eesor-gi dut amanaa sagol angaangba amaa thouraga laakpa eina urammi. Duttuna tampaak amada upaambi kharagi marakta leplammi. mahaakki matungda sagol khara amasu leirammi. Makhoygi machudi angaangba, ngourunaba amasung angouba oirammi. 9 Eina mango-nda hanglammi, "sagolsingsi karigino?"
Mahaakna khumkhi, "makhoy singsi karigino haaybadu nangonda taakpigani. 10 Eesor-na sagolsingsi sijinnaduna maalemsibu yenglunaba thaarakpani.”
11 Sagolsingduna hallaklaga duttuda haayrammi, "eikhoina maalemsigi mapham khuding thungna chatlure adugaa maalemsi pambei leitraba namthaaraba amaa oinaa leire."
12 Masida duttuna haayrammi, "paanggal-leba Eesor, ebungngona Jerusalem amadi Judah-gi saharsingsigi mathakta houkhiba chahi 70 si saoduna laakle. ebungngona makhoyda thoujan utpiduna nungsina toubigadoubadu matam kayaa waatlibage?"
13 Eesor-na duttuda thougat-waaheina nungaaiba phongdokkhi. 14 Duttuna paanggallaba Eesor-na taakpikhibadu phongdoklaba eingonda taakpikhi. Mahaakna haaykhi, “eigi asengba saharni haayna leiriba Jerusalembu thoidokna nungsi. 15 atei Jaatsingna nungaaina engna mara tapna leiribasi ubada eihaak saodaba ngamde. eigi misingda awaaba taahalliba Jaatsinggi mathakta eigi asaaobadu ngaai-haak pungoigi oinaa phathaaduna tham-gani. 16 Jerusalem kouba saharsibu nungsiba utnabagidamak eihaak maay onsinlaklabani. eigini haayna leiriba ningna sangdu saagatlabadi adugaa awaa-anaadagi kanbigani. "
17 Duttuna makhaagi asisu phongdoknaba eingonda asumna taakpikhi "paanggallaba Eesor-na haayri maadudi ebungngo-gi sahardu amuk haanna mapaan naaidana chaaokhatlagani adugaa ebungngona Jerusalembu amuk haanna tengbangbigani amasung saharsibu ebungngo-gini haayna laaothokpigani."
Machi ubagi paandam
18 atoppa matam amada eina sanlabagi machi mari urammi. 19 Eingonda waa ngaangduna leiriba duttuda eina hanglammi, "machisingsi waahanthok karino?
Duttuna khumlammi, "machisingsi Jeru-salem, Judah amadi Israelbu machoi machoi taahankhiba jaat marigi paandamni."
20 Masigi matungda Eesor-na nungthang paayduna thabak suriba nupaa marikhak uhankhi. 21 Eina hanglammi, "misingsina kari thabak touba saklibano?" Duttuna khumkhi, " Judahbu neikhaayduna maphamsida leiramba misingbu choijaainahankhiba Jaatsingdu maaythiba pinnaba laaklibani."