Jeremiah 12

Jeremiahna Eesor-da singnaba

12 He Eesor, ebungngodi achumbaduni maramsina eigaa ebungngo-ga waa khara ngaangnaba taay, ebungngo-gi maangda nanaaigi waaphamsi pukhatcharakkani, phattaba misingna thoina henna chaaokhatliba karigino? Chiron touba misingna nungaaina matam lelliba karigino?

2   Nahaakna makhoybu sembikhiba natra, maramsina makhoy mara taribani, makhoyna chaaokhatpa nanaai adugaa mahei chumna palli, ebungngo nahaakna makhoygi chinbanda phambiri, adubu leiri ebungngo nahaak makhoygi thamoidagi yaamna thapna,

3   He Eesor, ebungngo nahaakna nanaaibu khangbi ubiribani, nanaaigi bhaktidu ebungngona  chaang toubiribani, haatnapungda pugadouriba yaaogumna makhoybu puthokpikhro, khaaidokpiro makhoybu Baalda katnnaba tongaanna.

4   Matam kayaa kuina maalemsi tengthaakhigadage? Houriba naapi loubukta noukhigani kayaa kuina? maramdi masida leiriba misingna phattaba thabak touba maramna, saa uchek phaaoba lamdam tamna chetkhre, misingna haayri, "mahaakna eikhoygi aroibadu uraroidabani."

5   Misingna lamjen tannabada makhoyna nahaakpu waahallabadi, matou karamna nahaakna sagolga lamjen taannagani? Khudong thiningai leitba leibaakta nahaak khudi thirabadi, matou karamna Jordan-gi asukpa umangda changgadouribano?

6   Nachin nanaao amadi mari matanachingba loynaba nahaakki mayokta leiri, makhoyna nahaakki natuda phattaba waa ngangli, makhoyna nahaakki naphamda ngaangliba ningthiraba waasingdugidamak nahaak makhoybu thajaruganu.

Israelbu ubada Eesor-na waaba

7   Eina Israelgi misingbu thaadokkhrabani, eigi misingbu Eina hundokkhrabani, eigi nungsi thoibidu eina yeknaba-singgi makhutta pithokkhrabani,

8   Makondagi thoraktuna machinjaak thiriba nongsagi matougumna eigi misingna eigi ethakta laandarakli, eigi ethakta makhoyna khekna laona ngangli, amramsina eina makhoybu tukkache.

9   Eigi leibaaksibu keisaalgi makon oiribra? Machinjaak thiriba ucheksingna koyna leiduna pairiba, lamlakta leiba saasing, laak-u, tougadouriba haraaobasi yaorarao.

10 Yao senba kayaana eigi angur hingondu neikhaaykhre, neikhaaykhre makhoyna eigi loubuktu, leihao leiraba eigi loubuktu oihalle makhoyna leikangla,

11 Oihalle leikangla, leihandre laaija eesing maramsina eihaak waare. leibaak sinbaa thungna leikangla oire, kanaanasu maasibu haanna koubada yengbidre.

12 Leikangla oiraba lamduda laakle manghan tahangadouriba mising do, Eesor-gi thangna leibaaksigi aroiba chidai amadagi atoppa chidai youba phaaoba tumna maanghalle, maramsina taaibang kanaasu hingba ngamdre.

13 Hunjari nakhoyna gehu, adubu lokli makhoyna tingkhang, makhoyna leijabi thaaduna mapaanggal phudokhre adubu tongjaba leite, Eesor-na mei thokna saaoba maramna makhoyna lourokpa matamda ekaaiba nanggani."

Israelgi yumlonnabasingda Eesor-na waasakpiba

14 mapaa mapugi phangpham thokpa lam oinaa Eina eigi mi Israelda pikhiba lamsida henjillakliba mising phattaba yu-mlonnaba oinaa leiribasingdugi maramda Eesor-na haairi: yeng-u, makhoybu Eina mareibaaktagi taanthokkani. Makhoygi maraktagi Judah-gi misingbu louthokkani. 15 Eina makhoybu neihatlaba matungda amuk thoujan utpigani. Amuk haanna makhoybu maagi maagi leipham amadi mayumda pubirakkani. 16 makhoyna Baalgi maming panduna eigi misingbu waasakpa tambikhibagumna chingnaba leitaana pukning changna Eesor-na sakhini haayna eigi minglen louduna eigi misinggi matung enduna wasalabadi makhoybu eigi misinggi marakta mara tana palhan-gani. 17 Eesor-na taakpiri karigumba jatna haayribasi tadaduna eina haayba endrabadi, eina adugumba jattubu maru phangna maanghan-gani. "