Exodus 23
Michang mikhaai naaidaba achumba
23 nakhoyna oidaba waa haayduna paao tamloidoubani. Oidaba ngaangduna saakhi pinanabagidamak miga waatanaroidoubani. 2 nakhoyna phattaba tounanaba miyaamgi matung elloidoubani. miyaamgi tung enduna karigumba waathok amada oidaba haayduna achumbabu mangnaba touroidoubani. 3 Karigumba waathok amada laairaba mibu michang mikhaai naaina toupharoi.
4 Nahaakki yeknabagi sanlaba nattraga loladu laambelda chatlingeida kangaaonaduna leiramba thengnarabadi, nahaakna maadubu mapugi mayumda hoijinbigabadi, 5 Nahaakpu tukkachana touba kanaagumba amagi loladu potna nanduna hougatpa ngamdana leiramba thengnarabadi, nahaakna matomta hundoktaduna mateng pangbiramgadabani.
6 Laairaba nupaa amanaa karigumba waathok amaa pukhatlakpa matamda nakhoyna lairei haayduna mahaakki waathoktu namthabiroidabani. 7 Laanna waa haijinba tamganu. maramdi Eina phattaba midu thaadokloi. 8 nakhoyna senja thumja toupharoi maramdi sen chaarabadi phamnaaiba-singdu mamit tanglabagumbani. Achumba singdu lalhanba ngamgani.
9 nakhoyna sak khangdaba amabu laknabiroidoubani. maramdi nakhoyna lamlaanba amagi mapukningdu thoidok hendokna khanglabani. nakhoysu Egyptta lamlaanba oinaa leirambani.
Potthaaba numit amadi chahi
10 nakhoygi areiba lamdu chahi taruk maru hunduna chaaba yaai. 11 adubu taretsuba chahida thaadoktuna haangna thamgadabani. nakhoygi narakta leiba laairaba misingna maadu uduna chajasanu. makhoyna khaklambasingdu lamlakta saana chajasanu. Haayribasigumna nakhoygi angurgi engkhondusu tougadabani. nakhoygi chorphon paambi-singdusu tougadabani.
12 Numit tarukni nakhoyna thabak tougadabani. Taretni subaa numitta nakhoy potthagadabani. nakhoyna loiriba san amadilolasingdu potthahangadabani. Nahaakki nayumda leiriba nahaakkida pokpaa minaai nupaa amadi nupi-singdu potthahan-gadabani. 13 Eina nakhoyda haikhriba waasingsi ningsingu. atei laaisinggi maming panpharoi. nakhoygi nachinna laaisinggi maming panpharoi.
Akhannaba usob
(Khong 34:10-36, Anisuba waayel 16:1-17)
14 Chahi amada ahumlak nakhoyna eigi ephamda usob katkadabani. 15 nakhoyna haamei yaaodaba tal khanggadabani. Eina yaathang pikhibadugumna Aviv thaada numit taretni haamei yaaodaba tal chagadabani. nakhoy Egypttagi thorakpani haaybadu masida ningsinggadabani. eigi emangda laakpa matamda kanaasu makhut haangna laakpa yaaroi. 16 nakhoyna loubukta hunkhiba marudagi ahaanba laakpa maheidu kaktuna usob amasu paangthokkadabani chahigi aroiba matamda mahei marong amadi Lan-thum khomjinnaba usob amasu tougadabani 17 mapu ebungngo Eesor-gi maangda nupaasingna ahumlak miting phamgadabani.
18 mayaai kaba talga loynanaa eingonda katkhiba thougi eedu katloidoubani. eigi ephamda chaak khaangbada katkhiba saadu nonganba phaaoba thamba yaade.
19 nakhoygi mapu ebungngo Eesor-gi ningna sangda nakhoygi leibaaktagi thokpa ahaanba mahei marongsingdu purakkadabani. mamaagi makhomda machaabu phutpa yaaroi.
Israelbu chingbinaba dut thabirakpa
20 nakhoybu laambelda ngaksenbinaba adugaa eina nakhoygi damak sem-saabiraba maphamduda younanaba dut amaa nakhoygi namang thaaduna chathalgadabani 21 Mahaakna haayba waasingdu nakhoyna pukning changna taaba taay. Mahaakna haaybadu yaadaba touganu. maramdi nakhoyna touba ayon araansingdu mahaakna ngaakpiba ngammi. Adugumba ngaakpiba ngambaduda eigi emingsi ngaanthoyduna leibani.
22 Mahaakna haayba adugaa Eina haayriba waasingsi nakhoyna cheksinna ellabadi, nakhoygi yeknaba-singdu eigi yeknaba oigani. nakhoybu khonglouba midu Eina khongloubigani.
23 eigi dutna chingduna nakhoybu Amorising, Hittising, Canaansing, Hivising, Jebusinggi lamda puba matamda adugaa Eina makhoybu taanthokpa matamda, 24 nakhoyna makhoygi laaisingdu khurumba yaade. Makhoygi thoujan changba yaaroi. makhoyna tourambadugumna nakhoy touba yaade. nakhoyna makhoy singdu tumna manghan-gadabani. Makhoygi urongsingdu machet machet tana manghan-gadabani. 25 nakhoygi mapu ebungngo Eesor-bu atatpa leitaana thougan toujagadabani. adu oirabadi Eina nakhoygi damak chaanaba tal amadi thaaknaba eesingnachingba awaatpa leihalloi. 26 machaa hundoklamduna kanaasu nahaa oinaa siroi. nakhoyna leiriba leibaaktuda machaa poktribi kanaasu leiroi. nakhoy napunsi sangna palhan-gani. 27 nakhoygi namang thaaduna eigi akibagi masak phanglaba egundu utkani. nakhoyga oknagadouba misingdu lousing thokhalloi. Yeknaba-singdu nakhoygi mayok yaaba ngamloi. 28 Eina khoiren thajinduna Hivising, Canaansing amadi Hittisingdu nakhoygi namaangda taanthokkani. 29 Makhoybu chahi amagi manungdadi taanthokloi. Thuna taanthokpa taarabadi leibaaksi leikangla oirakpa yaai adugaa lamlakta leiba saasingna nakhoybu lakhatpa yaai. 30 Khara khara khaaidoktuna nakhoygi namaangda makhoybu taanthokkani. nakhoy mising yaamlaktuna nakhoyna leiriba lamsigi mapu oidriba phaaoba tapna tapna makhoybu khaaidoktuna taanthokkani. 31 Eina nakhoygi lambi ngamkheidu angaangba samudradagi Philisti-singgi samudra phaaoba leiee chingduna thambigani. lamhaang oiribadudagi louraga Euphrates turenda youba phaaoba amaa khaaidokpigani. Haayriba lamsingsida taariba misingsi nakhoygi nakhutta tahan-gani. nakhoyna makhoybu taanthokkadabani. 32 nakhoyna makhoyga areppa waasak thamnaba nattraga makhoygi laaisingda nonjaningai thoidokpa leite. 33 Makhoygini haayna tambikhraba lamsida makhoyna khundaduna leiba ngamloi. adubu karigumba makhoyna nakhoybu ayon araan touhanduna makhoygi laaisingdu ninglabadi nakhoyga nakhongda khurou chelle haaybasi khangu."