Matthew 24

Jesus-na Eesor ningna sang manglagadaba amasung jugki aroiba maangjounana khnghanba

( Mark 13.1,2; Luke 21.5,6; Mark 13.3-13; Luke 21.7-19 )

24 Amasung Jesus-na Eesor ningna sangdagi lengthok-laaktuna chatlingeida, ebungngo-gi sebok-singna Eesor ningna sanggi sariba makhei adu ebungngo-da utna-naba manaakta laaklammi. 2 touegumsung ebungngona makhoyda khumlak-e, nakhoyna hiram pumnamak asi udra? Eina nakhoyda thaanggei sengna haayribani, asida nung amabu amagi mathakta ningkhaay-handana thanamlaroi.

 3 Amasung ebungngona mount of Olives chingthakta phamlingeida, sebok-singna ebungngo-da lonna laaktuna haayjarei, hiram sing asi keidoungei thokkadage, adugaa ebungngona  lenglakpa amasung taaibang paanbagi aroibagi khudam adu karino, eikhoyda taakpiyu. 4 aduda Jesus-na makhoyda khumlak-e:

kanaanasu nakhoybu seraannana lamjingdanaba cheksil-lu. 5 maramdi, ei Christani, haayduna ayaambana eigi emingda laakkani, adugaa ayaambabu seraannana chinggani 

6 nakhoyna laal amasung laangi paaoninkhol taagani; khangu, nakhoydi mipaaiganu; maramdi hiram sing asi thoklaba taay, adubu aroiba adu houjik natri. 7 maramdi jaat amanaa jaat amagi mathakta, amasung ningthou leibaak amanaa ningthou leibaak amagi mathakta hourakkani; adugaa tongaan-tongaanba maphamda chaak-tangba amasung juhaaraaba thokkani; 8 touegumsung hiram pumnamak asi awaa-anaanggi ahoubani. 9 Matam aduda makhoyna nakhoybu laaknanaba pithok-kani amasung nakhoybu haatkani, adugaa jaat pumnamakna eigi minggi damak nakhoybu tukkachagani. 10 Amasung matam aduda ayaambana khudi thigani, adugaa amaaga amaga pithoknagani, amasung amaaga amaga tukkachanagani. 11 Amasung Eesor-gi waa takthoksinnabasing yaamna thoklaktuna ayaambabu seraannana chinggani. 12 adugaa waayel chattabana hen-gatlakpagi maramna ayaambagi nungsinaba adu hanthakhigani. 13 touegumsung aroiba phaaoba khaangba mahaak adubu kanbigani. 14 adugaa ningthou-leibaakki aphaba waapaao asi jaat pumnamakta saakhi oinanabagidamak taaibang-paal apumbada saandokkani; amasung matam aduda aroiba adu laakkani.

15 maram aduna Eesor-gi waa taakthokpa Danielbu haayhankhiba, amaang  atakki tukkachaba adu asengba maphamda leppa nakhoyna ubaa matamda (apaaba mahaak aduna khngjasanu), 16 Matam aduda Judeada leiba makhoy chingda chenkhisanu, 17 Yumthakta leiba mahaak aduna emungda leiba pot louthokpa kumthadasanu; 18 adugaa loubukta leiba mahaak aduna mahaakki ennaphi louba hallaktasanu. 19 touegumsung mirol-libi amasung khom-nouribising adudi matam aduda awaa-nungsibanida! 20 Amasung nakhoygi chenba adu ningthamthaadasu potthaaba numittasu oidanaba haayjou. 21 maramdi matam aduda taaibang-paal ahoubadagi houjik phaaobasu thokkhidriba, adugaa keidoungeidasu thoklaroidaba achouba awaaba oigani. 22 Amasung numit sing adu kaksin-biba nattanadi, thawaay paanba kanaabusu kanbiramloi-dabani; touegumsung khan-gatpasing adugi damakta numit sing asi kaksinbigani. 23 Matam aduda, yeng-u, asida, nattraga aduda Christa lei, haayna kanaagumbana nakhoyda haayrabadi thaajaganu. 24 maramdi Christa saasinnabasing amasung Eesor-gi waa takthoksinnabasing thokkani, aduda ngamlabdi khan-gatpasing phaaoba seraannana lamjingnaba, achouba khudam sing amasung angak angakpa utkani. 25 Yeng-u, eina nakhoyda maangjounana haaykhre. 26 maram aduna makhoyna nakhoyda, yeng-u, ebungngo lamjaaoda lei, haayrabadi chat-thokluganu; aduga, yeng-u, ebungngo achikpa kaada lei, haayrabasu thajaruganu. 27 maramdi nongpoktagi kuplakpa nongthaangbu nongchupta ubaa adugumna migi machaa nupaa aduna lenglakpasu adugum oigani. 28 asibaa masa leiba mapham aduda langjaa pullap leigani.

29 touegumsung awaabagi numit sing adugi hek matungda numitna mamsingani, thaana maagi mangaan piroi, thawaan-michaksingna atiyaadagi taarakkani, amasung  atiyagi paanggal khibikpu nikhan-gani. 

30 Amasung matam aduda atiyaada migi machaa nupaa adugi khudam ugani, adugaa matam aduda Prithibigi jaat pumnamakna thabaak yeigani, amasung paanggalga achouba matik mangaanga loynanaa migi machaa nupaa aduna atiyagi leichingi mathakta lenglakpa makhoyna ugani. 31 Amasung ebungngona mahaakki dutsingbu  peresinggagi ahouba makholga loynanaa thaarakkani, adugaa makhoyna ebungngo-gi khan-gatpasingbu  atiyagi aroiba amadagi aroiba amaa phaaoba maaykei  marimaktagi khomjin-gani.

Mitseng khaangbagi kaannaba

( Mark 13.28-31; Luke 21.29-33 )

32 nakhoyna hayit paambidagi paandam amaa tammu. maagi masa aduna nouraklaba amasung yenning hullaklaba matamda, nakhoyna olaangtha nakle haayba khang-e.  33 Adugumduna nakhoynasu hiram pumnamak asi ubaa matamda, ebungngo thongjin youna naksillakle haayba nakhoyna khang-u. 34 Eina nakhoyda thaanggei sengna haayribani, hiram pumnamak asi paangthoktriba phaaoba miron asi maangloi. 35  atiya amasung prithibidagi mangkhigani, touegumsung eigi waasingdi supmaang maanglaroi. 36 touegumsung maadugi numit amasung pungja adu, mapaa nattana, swarga-dut singnasu, machaa nupaa adunasu kana amatana khangde. 37 maramdi Noahgi haaktakta oikhibagumna, migi machaa nupaa aduna lenglakpa adu adugumna oigani. 38 maramdi eesing achao adugi numit adu oidri-ngeigi mamaangda, Noahna hijaao adugi manungda changdriba numit phaaoba, makhoyna chaaduna, thaktuna, luhongduna amasung luhonghanduna leirammi, 39 Amasung eesing eechaao adu laaktuna makhoy pumnamakpu puthoktriba phaaoba khanglamdabagumna, migi machaa nupaa aduna lenglakpa adusu adugumna oigani. 40 Matam aduda loubukta mi ani leigani; amabu pukhigani, amasung amabu thaamlamgani. 41 nupi anina chakri taktuna leigani; amabu pukhigani, amasung amabu thaamlamgani. 42 maram aduna mitseng khaang-u, maramdi nakhoygi Eesor-na lenglakkadaba numit adu nakhoyna khangde. 43 touegumsung asi khangu, kari yuthakta huraanbana laakkani haayba yumbuna khnglamlabadi, mahaakna mitseng khaangduna maagi yum adu sagun touhallamloidabani. 44 maram asina nakhoynasu thouraang touduna leiyu; maramdi nakhoyna ningdaba pungphamda migi machaa nupaa adu lenglakkani.

Aaphaaba amasung phattaba minaaigi paandam

( Luke 12.35-48 )

45 adunadi achaaba matamda makhoyda acha athak pinanaba maagi mabung-ngona emunggi mathakta sinnaraba thaajaba yaaba amasung asingba minaai adu kanaano? 46 maagi mabung-ngona lenglak-pada adugumna touriba phangba minaai adu yaaiphabani. 47 Eina nakhoyda thaanggei sengna haayribani; mahaakna mahaakki leijaba pumnamakki mathakta maabu sinnabigani. 48 touegumsung, eigi ebungngona  thil-lakkani, haayna phattaba minaai aduna mapukningda haayduna, 49 Amasung maagi mamaannaba minaaisingbu yeiba houduna, yungaaobasingga chaamin-thakminnarabadi, 50 minaai aduna ningdaba numit amasung khangdaba pungjada mabung-ngo aduna lenglakkani; 51 maabu matup ani thokna kakthatlagani, amasung aphasaajaningga loynanaa maagi saruk phanghan-gani; mapham aduda kappa amasung maya kraak-kraak  chikpa oigani.